Proverbios 11:20 - Biblia Dc en Mixe de Quetzaltepec

²⁰ Dios y'ëxëëk'ijxyp yë ja'ay mëti'ipë ëxëëk jot winma'anymyëët'ajtypyën; e mëti'ipë oy winë tyuun kyajpxtëpën janty'oy tsoky tjawë.

Biblia Mixe de Quetzaltepec

²⁰ Tios y'ëxëëk'ijxyp yë ja'ay mëti'ipë ëxëëk jot winma'anymyëët'ajtypyën; e mëti'ipë oy winë tyuun kyajpxtëpën janty'oy tsoky tjawë.

Proverbios 11:20 ပူးပေါင်းရင်းမြစ်များ

1 Crónicas 29:17

Ëjts nija'apës Wintsën, ko mijts wa'ats jot winma'any xy'ixy xynyijawë, yë'ë mtsojkën'ajtyp ets ja'ay winë tëyajtën tunëty. Paaty yam nmo'oy tëkokyë ya'atë winë aaw winëjot. Tyam n'ijxypyës ko yë mnaax mkajpn tyampë yaa yajpaatyën tu'ukmukyë mëët ja jot winma'any oy tsujpë, tëë mtukë'ëtëkëty tëkokyë ya'atë ayajk ako'onën.

Salmos 101:4

Maas yë njot nwinma'anyën ka'apës ëxëëk winma'any jap ntsoky: ka'apës yë ëxëëkpë ntuna'any.

Salmos 11:7

Yë Wintsën oy tii tnipaye'ey, ets tsyojkpy ja mëtëypyë ja nipaye'eyën; paaty yë ja'ay mëti'ipë oy juukyajtpën y'ixantëp yë Dios wiinxë jëjpxë.

Salmos 119:1

Janty jotkujk yë ja'ay jyuuky'atë mëti'ipë mëtëy winë tyuuntëpën ets yi'iyë pyanëjkxtëp mëti'ipë yë Wintsën y'ijxpëjkën'ajtypyën.

Salmos 140:13

Yë ja'ayëty mëti'ipë oy yë jyuukyajtën yajtu'uye'eytyëpën, myëjpëjkta'akantëp yë mxëëw; yë ja'ayëty mëti'ipë mëtëy winë tyuuntëpën, jam jyuuky'ata'antë ma mijts myajpaatyën.

Salmos 51:6

Tëyajtën ko mijts yë'ë mtsojkpy mja'ap yë jot winma'any mëti'ipë wa'atsën ets mëtëyën, mijtsës yë wijyajtën të xymyo'oy mëti'ipë yu'utsypyaat yajpatpën.

Proverbios 11:21

Tëyajtën yë'ë ko yë ëxëëk ja'ay ka'ap jëtu'unyë nyinaxa'any, kyumëtowäämpy yë pyoky. Yë wa'ats ja'aytyëjk akujk jotkujk yajpëjkta'aka'antë ëwaatsëtum.

Proverbios 12:22

Yë Dios y'ëxëëk'ijxyp yë ja'ay mëti'ipë antakpën, e mëti'ipë winë mëtëy tyuunpyën, yë'ë y'oyjya'ap.

Proverbios 13:6

Ja mëtëypyë ja tu'unën kajpxën kyuwäämpy ja ja'ay mëti'ipë ka'ap tii poky tmëëtëtyën. Yë ëxëëktu'un ëxëëk kajpxën, yë'ë yaj'o'kpy yajtëkoopy ja pokyjyä'äy.

Proverbios 14:9

Yë tsuuja'aytyëjk kë'ëm nyätyukxi'ikëtë ko tii tuuntëkoytyë; e ma oyjyä'äytyëjkëtyën yë'ë myëmaay myëtajtëp wi'ix tii oy tuntëtyën.

Proverbios 15:26

Yë Wintsën ka'ap t'oy'ixy mëti'ipë yë ëxëëkja'aytyëjk jyamaay jyatajtëpën; yë'ë y'oyjya'ap aaw ayuk ka'apë tmëëtëtyën ëxëëk'at.

Proverbios 15:8

Yë Dios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Proverbios 16:17

Mëti'ipë jëtu'un yë wa'ats ja'aytyëjk yajxon timyajtuk'ënä'ämtëpën, yë'ë ko tmëjëkäm'atëty yë ëxëëkajtën. Ko yajxon yajkëwent'aty ma winë yajtuny yajkäjpxyën, kë'ëm ënety nnäkyëwent'ajtëmë.

Proverbios 21:29

Yë ëxëëk ja'ay jëtu'un kë'ëm nyäjyawëty oy yowë winë tuny, yë oyjyä'äy wa'ats nijawë ko oy winë tuny.

Proverbios 3:32

jä'ä ko yë Dios nijënu'un tkatimtsyoky yë ëxëëkja'aytyëjk, e ja ja'ay mëti'ipë oyjyä'äy'ajtpën yajxon tjantytsyoky tjaantyjyawë.

Proverbios 6:14

Ja jyot wyinma'any ëxëëk yajpaaty, aakjä'ä myääpy tyäjpy wi'ix winë ëxëëk tunëtyën ets wi'ix pën tyajjoot'anpëkëtyën.

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Proverbios 9:7

Tuk'ënëëmë yë ëxëëk ja'ay ka'apë nijënu'un jyä'äkyukën; ets xy'ëk'ixëty pën këtii tsaatsy ma'at m'ëk mëkäjpxyë, ets pën këtii je'eyë m'ëk yajjoot'anpëkyë.