Proverbios 11:11 - Biblia Dc en Mixe de Quetzaltepec

¹¹ Yë'ë mëët ja wa'ats ja'aytyëjk ja nyäkyënu'kxë yajkojy yë naax kajpn; e yë ëxëëkja'aytyëjk yë'ë yajma'typ mëët y'aaw y'ayuk.

Biblia Mixe de Quetzaltepec

¹¹ Yë'ë mëët ja wa'ats ja'aytyëjk ja nyäkyënu'kxë yajkojy yë naax kajpn; e yë ëxëëkja'aytyëjk yë'ë yajma'typ mëët y'aaw y'ayuk.

Proverbios 11:11 ပူးပေါင်းရင်းမြစ်များ

Proverbios 14:34

Ko jyam'aty ja oypyë ja nipaye'eyën ma naax kajpnën, mëj'äämpy jëtu'unpë naax kajpn nyäxy; e ko ka'ap jëtu'unpë jyam'aty tsëtyu'unmëët naax kajpn yajpaaty.

Proverbios 29:8

Ko ja'ayëty ëxëëk nyä'ämtë, yë naax kajpn jëtu'un yaj'ixy ka'ap yowë jotkujk yajpaaty; yë wa'ats ja'aytyëjk tëë tnijawëtë wi'ix tyaj'ëmontëtyën yë mayjyä'äy.

Santiago 3:6

Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Eclesiastés 9:15

E jam tu'uk yë ëyoopëja'ay tsyëënë je'eyëp ko wijy ets mëët yë wyijajtën jyëkyejpy tu'uk yë naax kajpn tyajtso'okëty, je'eyëp ko yë'ë ni pën kyaja'aymyetsyë.

Job 22:30

Yë'ë myajtso'okanëp pën ka'ap tii poky xymyëëtëty ets pën ka'ap tii të xytyuuntëkoy të xykyajpxtëkoy.

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

Génesis 45:8

Paaty Dios jëtu'un të xykyexyës ma ya'atë it naaxwiinyëtën ets ka'ap myiits'atë, yë'ëjës të xypyëjktä'äky win'ëëpë wiinkajpxpë ma yajkutujkpën ets wintsën n'itëtyës ma tu'kë'ëyë jyëën tyëjkën ets yajkutujkpë ma tëkokyë Egiptë tnitänën.

Proverbios 11:10

Ko yë wa'ats ja'aytyëjk jyotkujkta'aktë, yë naax kajpn jotkujk näjyëtu'un yajpaaty; ko yë ëxëëkja'aytyëjk y'ooktë, xoontakp yë naax kajpn.

Proverbios 11:12

Ja'ay ka'apë oy yë jot winma'any tmëëtëtyën je'eyë myëku'uk wiinkjaty tnimëtyä'äky; e yë ja'ay mëti'ipë jap yë wyinma'anyën amonyë y'ity.

Proverbios 28:2

Ko naax kajpn ka'ap oy nyë'ëye'ey tyu'uye'ey, aak ënä'ämantëp jää ja'ay, e mëti'ipë tyukjajtypyën wi'ix tu'uwinwowëtyën yë nyaax kyajpn, nyija'ap wi'ix winë oy tyaj'itëtyën.