Proverbios 10:8 - Biblia Dc en Mixe de Quetzaltepec

⁸ Yë ja'ay mëti'ipë wijyën, käjpxykyupëjkp nyäpyëjktä'äkyë; e mëti'ipë wiinkjaty ëtsoopën, ëxëëk jyäty kyëpety.

Biblia Mixe de Quetzaltepec

⁸ Yë ja'ay mëti'ipë wijyën, käjpxykyupëjkp nyäpyëjktä'äkyë; e mëti'ipë wiinkjaty ëtsoopën, ëxëëk jyäty kyëpety.

Proverbios 10:8 ပူးပေါင်းရင်းမြစ်များ

Proverbios 12:1

Ko yaj'oyjyawë yë nätyu'uwinwow nätyu'uwinwitsë, wijyajtën ënety yajtsojkën'ajtp; e ko yaj'ëxëëkjawë yë nätyu'uwinwow nätyu'uwinwitsë, tsuu'at ënety nikëxë'kp.

Santiago 3:13

Pën jää pën wijypyë kejypyë ma miitsëtyën ëkë ja'akyujkëpë mëtoowkujkëpë, wä'än tyajkwinkëxë'ëky mëët ja y'oyjä'äyajtën, yujy tëtä'äky jyuuky'atëty ijxtëm tii tnijawën.

Proverbios 9:9

Kajpxwij ja wijyjyä'äy, ets xy'ëk'ixëty pën këtii ni'ikyë wyijytyä'äky. Yaj'ijxpëk yë këpetyjyä'äy, ets xy'ëk'ixëty wi'ix ni'ikyë kyëpetyä'äkyën.

Proverbios 1:5

Pën këpetyën ets wijyën, y'amëtoow'ijtyp yë jëtu'unpë ets pyaat'ëtëtyp ni'ikyë nija'awën ets ja winma'any,

Eclesiastés 10:12

Ko yë wijyjyä'äy kyäjpxy oy yë y'aaw y'ayuk yajmëtoy, e ko yë tsuuja'ay kyäjpxy kë'ëm nyäyajtëkoyë;

Proverbios 14:23

Tëkokyë mëti'ipë yajtuk'oy'ajtpën, nimëjaaw yajpaaty. Ko ja'ay je'eyë kyu'awakëty, ëyo'on nätyukpatëp.

Proverbios 14:8

Yë wijyajtën yë'ë wijyjyä'äy tyukja'akyujkëp ma tii tunyën; e yë tsuuja'ay yë'ë nätyukwin'ë'ënëp ko tsyuujëty.

Proverbios 13:3

Ko ja'ay y'aaw yyä'än tmajts'ity, kë'ëm nyäkyëwent'atyë. E mëti'ipë tyäty myëtyakpën, kë'ëm nyäyajkujo'opyë.

Proverbios 12:13

Yë ëxëëk ja'ay kë'ëm nyäyajkujo'opyë ko tii ka'ap mëtëy tnikäjpxy; e tu'uk yë wa'ats ja'ay oy winë tukpëtsëmy ma nyäjyawëtyën tsiptuuy kya'aja'any.

Proverbios 10:10

Ja'ay mëti'ipë wiinmä'kpën këjää jotmay tyajminy; mëti'ipë tsuu poj kajpxpën, ëxëëk jyäty kyëpety.

Salmos 119:34

Mooykyës yë wij'ajt kujk'ajtën wi'ixës mpëjkë'ëkëty yë m'ijxpëjkën; yë'ëjës nmëmëtowäämpy ëmuumtu'ukjot.

Proverbios 9:8

Oj yë ëxëëk ja'ay, ets xy'ixëty pën këtii m'ëk mëtsiptsoonyë. Tuk'ënëëmë yë ja'ay wijypyë kujkpë ma ka'ap tii oy tunyën, ets xy'ixëty pën ka'ap m'ëk oyjyawëty.

Proverbios 10:14

Yë wijyjyä'äy ka'ap tnikäjpxy ko tii tjaty tnijawë, ni'ik ko tu'uk kyäjpxy yë tsuuja'ay, kutsë'ëkë yë'ë.