Proverbios 10:22 - Biblia Dc en Mixe de Quetzaltepec

²² Ni'ik tsyowpaaty ko yë Dios kyënu'kxy jyëkyejpy, jä'ä ko ka'ap yajmony yajtuky.

Biblia Mixe de Quetzaltepec

²² Ni'ik tsyowpaaty ko yë Tios kyënu'kxy jyëkyejpy, jä'ä ko ka'ap yajmony yajtuky.

Proverbios 10:22 ပူးပေါင်းရင်းမြစ်များ

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Génesis 13:2

Yë Abram mëkja'ay ijty, may tmëët'ajty yë pu'ts pujxn, poop pujxn ets jëyujk tsajpkaa.

Génesis 14:23

ko ka'apës tii ntonëty mëti'ipë mijts mjä'ä'ajtypyën, ni yë'ë piity tu'kpoty nkatonëtyës ni yë'ë po'o tu'ktsuky, mëti'ipës jeexyë yë nkë'ëk ntuk'oytyuunpyën, këtiipë ok m'ëna'anëty ko mijts të xyajkumeenytyä'äkyës.

Génesis 24:35

Mëj yë Dios oy kyënu'kxyë jyëkyepyë ets jotkujk yaj'ityë ma jyëën tyëjkën ets ma jyuukyajtënën. Yë'ë të myo'oyë kumeenyajtën. Yë'ë myëët'ajtyp yë jyëyujk, tsyajpkaa, tsyajppaxëty, kupixynyëty ets tyuunpë ye'etyëjkpë to'oxytyëjkpë.

Génesis 26:12

Jä'ä jëmëjt ojts yë Isaac nyi'ipy ma jam ja naax kamën ets janty may ojts tyajmuky ja jyi'kxy pyiky. Jëtu'un ojts ja Dios mëj këjää kyënu'kxyë.

Génesis 26:13

Jëtu'un'äämpy yë Isaac kyumeenytyäky ets may'äämpy winë tmëët'ajty.

1 Reyes 21:19

Ets xy'ënëëmëty: Jëtu'un yë Wintsën y'ënä'äny: Mijts mëët ko ja Nabot të xyaj'ooky ets të xypyëjkë mëti'ipë jyä'ä'ajtypyën, jam ma yë'ë ja nye'pny të tyemy të jye'etsyën ets ja uk jam të jyë'kxmujkxëty, nän jam ja mjot mne'pny tyäma'any jyä'ätsa'any ets ja uk tjë'kxmukëty.

1 Crónicas 4:10

Jabés myëpëjktsoow yë Dios, mëti'ipë y'ëwtajtëpën yë Israel ja'ayëty, jëtu'un t'ënëmaay: Tyam n'amëtoy npëjktsoy yë mkënu'kxën ets xymyo'ojëtyës mëj këjää naax kam ets xypyutëk xypyupätëtyës ets xyjyëpëkëty ma ëjtsën tëkokyë ëxëëkpë këtiipës n'ëyowëty. Dios ojts jyänty myo'oyë mëti'ipë y'amëtoow pyëjktsoowën.

2 Crónicas 25:9

Tä ja Amasías tyajtëëy ja Wintsën ja myëtuunpë: ¿E ja tëkëëk mil ja tëkëëk mëko'pxpë ja poop pujxn meeny, mëti'ipës të ntukmëjuyën ja ja'ayëty mëti'ipë tsiptunantëpën? Tääts ja Wintsën ja tyuunpë y'ëtsooy: Yë Wintsën tam jyätyë tmëëtëty, yë'ë mo'ojëtëp jaakwäänëmay.

2 Crónicas 32:27

Ezequías may wit meeny tmëët'ajty, may ojts tmëët'aty yë poop pujxn, pu'ts pujxn, tsaa mëti'ipë tsowëtyën, nëë mëti'ipë pa'akxu'kpën, ku'umënëty ti'pxnëty ets may winë mëti'ipë tsowëtyën.

2 Crónicas 32:29

Ojts ja naax kajpn may tkoy, myëët'ajt may jëyujk tsajpkaa, jä'ä ko mëjwiin yë Wintsën ojts pyutëkëty.

Salmos 107:38

Yë'ë kyënu'kxyp ets yë'ë kë'ëm tyuknipëjktakëp ets myëjwiin kyëjääjëty yë jyëyujk tsyajpkaajëty.

Salmos 127:2

Ka'ap yë'ëjëty tsyowpaaty ko ja'ay tyunëty xëëwpaaty, pën oywyi'ix nyäyajkayë, yë'ë tsoowpatp mëti'ipë ja'ay Dios yajkaay yaj'ukëpën oy jyääjëty ko mya'atë pyo'kxtë.

Salmos 37:22

Pënjaty yë Wintsën të tkënu'kxyën, yë'ë jyä'ä'atantëp yë naaxwiinyëtë, e pënjaty të tpokyën nëjkxëp kyutëkooytya'atë.

Proverbios 14:24

Yë wijyjyä'äy yë'ë yajmëjnajxëp yë wyijy'ajtën, e yë tsuuja'ay, yë tsyuuajtën.

Proverbios 20:21

Ko tii yajpaaty yaj'ixy ets ka'ap nijënu'un nyimëjaawtä'äky, ok ëxëëk yajmëjaty yajmëkëpety.

Proverbios 28:22

Mëti'ipë ja'ay tyäty atsojkpën, poj'am ja wit meeny tjapaata'any ets ka'ap tnijawë ko niminanëp ja ëyo'on.

Proverbios 8:21

Mëti'ipës xytsyojkpën, nmoopyës winë ijxtëm pyaat'atyën: nyaj'ujtsëpës yë jyëën tyëjk mëët yë jotkujk'ajtën.

Daniel 1:15

Ko majk xëëw, ojts yaj'ixy ko tääpë ja ëna'këty ni'ik oy ni'ik mëk ënety kyëxë'ëktë këtiinëm jyëtu'unëty ja ëna'ktëjkëty mëti'ipë të tjë'kxtën ja yajkutujkpë ja jyi'kxy.

Zacarías 5:4

Yë Wintsën mëti'ipë maaytyääyëpën winë jëtu'un y'ënä'äny: Jamës ya'atë pojkën nyajkëta'aka'any mëti'ipë miinpën kuja'ay ma ja'ayën mëti'ipë toonp mä'tspën ets mëti'ipë nëkoo je'eyë wyäämpyën yë nxëëwës ëëwpäjn kajpxpäjn. Ets ya'atë pojkën ënätnëm jyëwa'aka'any ko ënety tëë kyëjxta'ay mya'ta'ay ja tëjkwitsë ets ja tsaa.

Deuteronomio 26:10

E paatyës yam ëka'any nmëminy ya'atë aaytyëëm ujtstëëm. Mëti'ipë të tyëëm'ajtsoonyën maas yë nkam ntu'ujën, mëti'ipës yë nWintsën të xymyo'oy të xykyexyën. Ënet ja katsy jam xynyajtskëyëty Dios wintum ets mnäkyoxtënaaytya'akëtëty.

Deuteronomio 28:11

Yë Wintsën nëjkxëp mtuk'ixyë yë y'oyjyot y'oywyinma'any ets m'u'unk m'ëna'k nëjkxëp tyajnimayë, nëjkxëp tyajnimayë näjyëtu'un yë mjëyujk mtsajpkaa ets ja kyënu'kxën yajkëta'akäämpy jam ma ja mkam mtu'ujën, tëkokyë ya'atë kënu'kxën jam tyaka'any ma ja it naaxwiinyëtën mëti'ipë ja m'aptëjk tyukwinwa'anëyën, ko miits mo'oja'anëtë.

Josue 6:18

E miitsëty këtii nitii xytyontëty mëti'ipë yë Wintsën të tyajkutukyën kyutëkoyëty, jä'ä ko tii xytyoontëpëty tsojk naax kajpn ëxëëk jyatëty kyëpätëty ets nëjkx pokymyëët wyi'imy.