Proverbios 10:21 - Biblia Dc en Mixe de Quetzaltepec

²¹ Yë wa'ats ja'ay ko kyäjpxy, may yë ja'ay tyaj'ijxpëky; e yë tsuuja'ay ëxëëk nyäjyawëty ko ka'ap tii tjaty tnijawë.

Biblia Mixe de Quetzaltepec

²¹ Yë wa'ats ja'ay ko kyäjpxy, may yë ja'ay tyaj'ijxpëky; e yë tsuuja'ay ëxëëk nyäjyawëty ko ka'ap tii tjaty tnijawë.

Proverbios 10:21 ပူးပေါင်းရင်းမြစ်များ

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Proverbios 17:16

Yë tsuuja'ay, oy jënu'un yë wit meeny tjamëëtëty ets tjajuya'anëty yë wijyajtën, ka'ap tjëkyepy jä'ä ko ka'ap jyä'äkyukë.

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Dios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Dios ja y'aaw y'ayuk mëti'ipë të jyayajni'ipyën ma jyot wyinma'anyën.

Proverbios 1:29

Jä'ä ko ka'ap ja nija'awën xytsyojkën'atë ets ka'ap xymyëjpëjktaka'antë ja Wintsën.

Proverbios 15:4

Yë oypyë aaw ayuk, jëtu'un yajjuuky'äty jeky tä tu'uk mëj kepy jeky jyuuky'ätyën; yë ëxëëk ayuk je'eyë yajmony yajtuky.

Proverbios 5:23

Mëët yë'ë ko ka'ap tnijawë ja ëëwij kajpxwijën, jam nitëyë nyijkxy ma y'ookëtyën; mëët ko tsyuujëty, kë'ëm nyäyaj'ooka'anyë.

Proverbios 5:12

ets nëjkx mja'ënanë: Wi'ixës ko ojts n'ëkjëjpmëkajpxëpë ja näkyajpxtë'ëwën, wi'ixës ko ojts nkatunyë këwentë ja näwyijtswinpitë.

Proverbios 1:31

Kë'ëm nëjkx jëna'a mnätyuktëytyunëtë ko winë ëxëëk xytyuntë xykyajpxtë. Nëjkxëp xyjyamëtsijpënëtë ja m'ëxëëkjot m'ëxëëk winma'any.

Job 23:12

Xëmës të npatuny yë y'ënä'ämën, tyiyajtën, kyutujkën ets ka'ap kë'ëmwinma'any tii të ntunyës.

Jeremias 15:16

Koos ijty xymyëkäjpxy, jëtu'unës ja m'aaw m'ayuk njawë tä ja'ay tii tjë'kxyën; yë m'aaw m'ayuk jotkujkës ijty xyajnäjyawëty, jä'ä ko mijtsës xyjyä'ä'ajtp, Wintsën mëti'ipë maaytyääyëpën winë.

Proverbios 12:18

Tää yë ja'ay mëti'ipë tsaatsy ma'at ëëp kajpxpën; e ko kyajpxtë yë wa'ats ja'aytyëjk, yë'ë jatëkok winë yaj'o'oyëtëp.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Jeremias 3:15

Jëtu'un nmo'oja'antës oypyë yajkutujkpë mëti'ipë tyunëpën mëti'ipës ntukjotkëtäkpyën; yë'ëts m'ënä'ämëtëp mëët ja wijyajtën ets ixpëkyajtën.

Salmos 37:30

Ja'ay mëti'ipë oyjyä'äyën niwijy nikejy winë tkäjpxy; näjyëtu'un yë oyjyä'äypë aak mëtëy winë tkäjpxy.

Mateo 12:35

Ja oyjyä'äy, oy ja kyäjpxy myëtyä'äky, jä'äkyëjxm ko oy ja jyot wyinma'any; e ja ëxëëk ja'ay, ëxëëk ja kyäjpxy myëtyä'äky, jä'äkyëjxm ko ëxëëk ja jyot wyinma'any.

Proverbios 6:32

Tsuu yë ja'ay mëti'ipë wiink to'oxytyëjk mëët jyëtityën. Mëti'ipë jëtu'unpë tyuunpyën, kë'ëm nyäyajtëkoyë.

Proverbios 10:11

Ko yë wa'ats ja'ay kyäjpxy, yajjotkujktäkpy yë juukyajtën; yë ëxëëk ja'ay o'ktëy tyunyë tsip käjpxy.

Proverbios 1:32

Yë ja'ayëty mëti'ipë ka'ap tii tjatën tnijawëtën, mëpaatëp y'ooktë ko ka'ap tii tmëwinma'anypyaatë, ets mëti'ipë tsuujëtyën kë'ëm ëxëëk nyätyunëtë ko ka'ap tii yajxon tmëmay tmëtajtë.

Proverbios 5:2

Jëtu'un janty këpety myajpaatëty ets winma'anymyëët mkajpxëty.

Proverbios 15:7

Yë wijyjyä'äytyëjk yajye'eywya'kxtëp yë wijyajtën ko myëtya'aktë, e yë ëxëëkja'aytyëjk tii y'ëkyajwa'kxtëp ijxtëm myäytyën tyajtën.

Eclesiastés 12:11

Yë y'aaw y'ayukëty yë wijyjyä'äytyëjkëty, jëtu'un tyuktëkë tä kumën, ko tyu'ukmujkta'ay jëtu'un ta'tspëky y'itë tä yajkupën ta'tspëky yë kepy'akujpë'ëk, mëti'ipë tu'uk yë kupixyny këwent'ajtpë të tnikupën

Isaías 5:13

Paatykyëjxm, mëët yë'ë ko ja naax kajpn ka'ap jyä'äkyukë, ni'amukë mnëjkxta'aja'antë wiink naax wiink kajpn tsumy matsy. Tëkokyë ja ja'ayëty mëët ja kyutuunk yuu'o'kta'aja'antë.