Proverbios 10:14 - Biblia Dc en Mixe de Quetzaltepec

¹⁴ Yë wijyjyä'äy ka'ap tnikäjpxy ko tii tjaty tnijawë, ni'ik ko tu'uk kyäjpxy yë tsuuja'ay, kutsë'ëkë yë'ë.

Biblia Mixe de Quetzaltepec

¹⁴ Yë wijyjyä'äy ka'ap tnikäjpxy ko tii tjaty tnijawë, ni'ik ko tu'uk kyäjpxy yë tsuuja'ay, kutsë'ëkë yë'ë.

Proverbios 10:14 ပူးပေါင်းရင်းမြစ်များ

Proverbios 18:7

Yë tsuuja'ay kyë'ëm aaw kyë'ëm ayuk ëxëëk nätyuktuunëp; mëët yë'ë ko ka'ap tmajts'ity ja y'aaw yä'än, jëtu'un tpaaty tä jeexyë nyätyukyo'kwitsëty yë tejpxy.

Proverbios 10:8

Yë ja'ay mëti'ipë wijyën, käjpxykyupëjkp nyäpyëjktä'äkyë; e mëti'ipë wiinkjaty ëtsoopën, ëxëëk jyäty kyëpety.

Proverbios 13:3

Ko ja'ay y'aaw yyä'än tmajts'ity, kë'ëm nyäkyëwent'atyë. E mëti'ipë tyäty myëtyakpën, kë'ëm nyäyajkujo'opyë.

Proverbios 10:10

Ja'ay mëti'ipë wiinmä'kpën këjää jotmay tyajminy; mëti'ipë tsuu poj kajpxpën, ëxëëk jyäty kyëpety.

Proverbios 9:9

Kajpxwij ja wijyjyä'äy, ets xy'ëk'ixëty pën këtii ni'ikyë wyijytyä'äky. Yaj'ijxpëk yë këpetyjyä'äy, ets xy'ëk'ixëty wi'ix ni'ikyë kyëpetyä'äkyën.

Mateo 13:52

Ënet ja Jesús y'ënëmaayëtë: Ko tu'uk tsajptëkotyëtë yaj'ijxpëjkpë yajtukni''ixë ja tsajpjotmëpë kuttujkën, jëtu'un tä tu'uk ja'ayën mëti'ipë kutëjk'ajtpën, nyija'ap mëti'ipë jap tëkoty myëët'ajtypyën pëjkë'ëky, ets ko tii jap tyajpëtsëma'any nyija'ap mëti'ipë jemyën ets mëti'ipë tëkën.

Mateo 13:44

Jëtu'un ja tsajpjotmëpë kuttujkën tä wit meenyën mëti'ipë yu'utsy ijtpën ma tu'uk ja kamën. Tu'uk ja ye'etyëjk tpaaty ets jatëkok nän jam tyu'utsy; akujk jotkujk nyijkxy ets tooky tiijaty myëët'ajtypyën ets tjuy ja naax ma ja wit meeny të tpaatyën yu'utsy.

Mateo 12:35

Ja oyjyä'äy, oy ja kyäjpxy myëtyä'äky, jä'äkyëjxm ko oy ja jyot wyinma'any; e ja ëxëëk ja'ay, ëxëëk ja kyäjpxy myëtyä'äky, jä'äkyëjxm ko ëxëëk ja jyot wyinma'any.

Proverbios 21:23

Mëti'ipë ja'ay wyiin y'aaw kyëwent'ajtypyën, ko tii t'ëy tkäjpxy, nijëna'a ëxëëk kyajjat kyakëpätëty.

Proverbios 19:8

Mëti'ipë ja'ay tuunkjajtpën ets tyajtuny mëti'ipë jyäjtypyën, kë'ëm nyätsyokyë ets kë'ëm nyätyukputëkëty.

Proverbios 18:15

Yë ixpëkyjyä'äytyëjk ets wijyjyä'äytyëjk pyatëp yë nija'awën mëti'ipë y'ijxtaaytyëpën.

Proverbios 18:1

Ja'ay mëti'ipë atsojkpën, yi'iyë y'ixtääpy mëti'ipë tyuk'oy'atëpën, ka'ap jyä'äkyukë ko pën y'ëëwtë'ëy kyajpxtë'ëyë.

Proverbios 1:5

Pën këpetyën ets wijyën, y'amëtoow'ijtyp yë jëtu'unpë ets pyaat'ëtëtyp ni'ikyë nija'awën ets ja winma'any,

Proverbios 12:23

Yë ixpëkyjyä'äy ka'ap janty jëtu'un tnikäjpxy tnimëtyä'äky ko tii tjaty tnijawë, e yë tsuuja'ay nimay yë ja'ay tuk'ixy ko tii tuny nitsuu nipoj.

Eclesiastés 10:12

Ko yë wijyjyä'äy kyäjpxy oy yë y'aaw y'ayuk yajmëtoy, e ko yë tsuuja'ay kyäjpxy kë'ëm nyäyajtëkoyë;

Proverbios 17:20

Kajëna'a ja ëxëëk jot ëxëëk winma'anymyëët oypyë kyanämyäyë, mëti'ipë etykyajpxpën ëyo'ontum nyäyajka'aja'anyë.