Proverbios 1:7 - Biblia Dc en Mixe de Quetzaltepec

⁷ Yë wijyajtën yë'ë mëët tsyo'ontä'äky ko nwinkutsë'këmëty yë Dios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Biblia Mixe de Quetzaltepec

⁷ Yë wijyajtën yë'ë mëët tsyo'ontä'äky ko nwinkutsë'këmëty yë Tios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Proverbios 1:7 ပူးပေါင်းရင်းမြစ်များ

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Salmos 111:10

Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Proverbios 15:32

Mëti'ipë ja'ay ka'ap tkupëkyën ja näjyëjpwijtswinpijtën, kë'ëm nyäy'ëxëëktunyë; mëti'ipë kyupëjkpyën ko tii yajtuk'ënëëmë, ni'ikyë tpaaty yë ijxpëjkën.

Proverbios 15:33

Ko yë Dios yajmëjpëjktä'äky yë'ë tukpatp wijyajtën; ko ja'ay mëj'äämpy nyaxa'anëty jëyëjp mëpaat yu'unk naxym nyäxy.

Proverbios 15:5

Yë tsuuja'ay ka'ap tkupëky ko tyeety kyajpxwijyë; e mëti'ipë kyupëjkpyën kajpxwijën wijyajtën yajnikëxë'kpy.

Proverbios 18:2

Yë ja'ay winma'anytyukpë ka'ap tmëmay tmëtajy tii tjatëty; yi'iyë nätyukmëjja'awëyëp ko yiin wään tii tnijawë.

Proverbios 2:5

Jää yajxon xyjyä'äkyukëty wi'ix yë Wintsën yajwinkutsë'ëkëja'anyën, ets xynyijawëty wi'ix yë Dios yaj'ixy'ätyën.

Proverbios 23:9

Këtii xytyatsk mmëkajpxëty yë tsuuja'ay, jä'ä ko je'eyë tukxi'ika'any ja mwijy aaw mwijy ayuk.

Proverbios 9:10

Yë wijyajtën yë'ë mëët tsyo'ontä'äky ko yë Dios yajmëjjaw yajjaantyjyawë, ko yajnijawë ja ni'ik wa'atspë këpetyajtën ënety nikëxë'kp.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënety yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.