Proverbios 1:4 - Biblia Dc en Mixe de Quetzaltepec

⁴ ets ja ëna'ktëjkëty ja nija'awën tpaatëty, mëti'ipë ka'ap yajxon tii tuntën, ets yajmo'otëty ja winma'any ets yajxon myäytyëty tyajtëty.

Biblia Mixe de Quetzaltepec

⁴ ets ja ëna'ktëjkëty ja nija'awën tpaatëty, mëti'ipë ka'ap yajxon tii tuntën, ets yajmo'otëty ja winma'any ets yajxon myäytyëty tyajtëty.

Proverbios 1:4 ပူးပေါင်းရင်းမြစ်များ

Salmos 116:6

Yë Wintsën Kyëwent'ajtyp yë ja'ay mëti'ipë yu'unk naxym ja'ay'ajtpën. Koos ënety ëjts tëë nmëjaawkëjxnë, yë'ëjës ojts xyajtso'oky.

Salmos 119:130

Ko yë m'aaw m'ayuk yajkäjpxy yajmëtyä'äky, kyutë'kxyp yë jot winma'any, ets yajwijytyäkpy yë ja'ay mëti'ipë yu'unk naxym ja'ay'ajtpën.

Salmos 119:9

¿Wi'ix tu'uk yë yujkyeeky ëna'k oy tsuj y'ëkjuuky'atëty? Ko jyuuky'atëty ijxtëm yë m'aaw m'ayuk tnikäjpxyën.

Salmos 19:7

Yë Wintsën yë y'ijxpëjkën tëy yë'ë, jä'ä ko yäjkpy jempyë juukyajtën. Yë Wintsën yë y'ënä'ämën aak tëyajtën yë'ë, paaty yë ja'ay mëti'ipë yu'unk naxym juukyajtpën wijy tyaj'awinpity.

Salmos 34:11

Mintë, u'unk ëna'këty ets mëtoow'ijtëkës yë n'aaw n'ayuk: tyam ntukni''ixëja'antë wi'ix yë Wintsën xy'ëwtatëtyën.

Proverbios 3:21

U'unk maay, wijy kujk xëmë mjuuky'atëty ets këtii nijëna'a xyjyä'äytyëkoyëty yë këpetyajtën.

Proverbios 8:12

Ëjts, maas nxëëwatyën wijyajtën jamës nyajpaaty ma tii oy yajtunyën, nnija'apës wi'ix ja ijxpëjkën ets jot winma'any yajxon yajpaatëty.

Proverbios 8:17

Ëjts ntsojkpyës mëti'ipës näjyëtu'un xytsyojkpën, mëti'ipës xy'ixtääpyën xypyatpës.

Proverbios 8:32

E tyam, u'unkëty maayëty, mëtoow'ijtëkës. Jëtu'un winë xytyuntëty ijxtëm ëjts winë ntunyën, ënät jotkujk myajpaatëty.

Proverbios 8:5

Miitsëty ëna'ktëjkëty ninu'un tsuu mja'ay'atën ma ka'ap tii xynyijawëtën, jatë wi'ixtsow mja'ay'atëtyën ets wi'ixtsow winë xyjyä'äkyukëtëty.

Eclesiastés 11:9

Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënety yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

Tito 2:6

Jotmëk wiinkajpxë näjyëtu'un ja ëna'ktëjkëty ets wijy kejy jyä'äy'atëty,