Proverbios 1:22 - Biblia Dc en Mixe de Quetzaltepec

²² Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Biblia Mixe de Quetzaltepec

²² Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Proverbios 1:22 ပူးပေါင်းရင်းမြစ်များ

Job 34:7

Ka'ap maa wiinkpë ja'ay jëtu'unpë tä Job jyä'äy'ätyën. Jëtu'un yë Dios tnëxi'iky tukxi'iky tä ja'ay nyëë uukyën;

Salmos 1:1

Jotkujk ets xoontä'äky yë ja'ay yajpaaty mëti'ipë ka'ap tunyën këwentë ja ëxëëkja'aytyëjk ja y'ëëwij kyajpxwijën, ets ka'ap tyo'oy ja në'ë tu'u mëti'ipë ja ëxëëkja'aytyëjk ye'eytyëpën ets ka'ap tmëjwa'kpety ja ja'ay mëti'ipë ja Dios nyëxik tyukxi'ktëpën;

Salmos 94:8

Miitsëty tsuuja'aytyëjkëty ets kumonypë myajpaatën ets winma'anytyukpë, ja'akyukëtë ya'atë: ¿Jëna'a miitsëty mja'akyukëja'antë?

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Éxodo 16:28

Ënet ja Dios ojts t'ënëëmë ja Moisés: ¿Jëna'a jëtää mja'akyukëja'antë, miitsëty xëmë yowë je'eyë xykyäjpxykyutëjanëtë yë n'ënä'ämënës ntëyajtënës ets n'aaw n'ayukës?

Proverbios 1:21

Y'ëëwä'kxyp kyajpxwä'kxyp yë y'aaw y'ayuk jëën ëkë'ëy tëjk ëkë'ëy, ets maajaty ja ja'ay nyaxtën tyëkëtën kajpnjotypë.

Proverbios 1:29

Jä'ä ko ka'ap ja nija'awën xytsyojkën'atë ets ka'ap xymyëjpëjktaka'antë ja Wintsën.

Proverbios 1:32

Yë ja'ayëty mëti'ipë ka'ap tii tjatën tnijawëtën, mëpaatëp y'ooktë ko ka'ap tii tmëwinma'anypyaatë, ets mëti'ipë tsuujëtyën kë'ëm ëxëëk nyätyunëtë ko ka'ap tii yajxon tmëmay tmëtajtë.

Proverbios 1:4

ets ja ëna'ktëjkëty ja nija'awën tpaatëty, mëti'ipë ka'ap yajxon tii tuntën, ets yajmo'otëty ja winma'any ets yajxon myäytyëty tyajtëty.

Proverbios 1:7

Yë wijyajtën yë'ë mëët tsyo'ontä'äky ko nwinkutsë'këmëty yë Dios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Proverbios 14:6

Ja'ay mëti'ipë nämyëjkäjxëpën y ja wijyajtën tja'ixta'ay ka'ap tpaaty; yë wijyjyä'äy ka'ap tsip tjawë yë ijxpëjkën.

Proverbios 15:12

Ja'ay mëti'ipë nämyëjkäjxëpën ka'ap tsojkën'aty kajpxwijën, ets ka'ap t'a'ixë yajpaatëty ma wijyjyä'äytyëjkën.

Proverbios 19:29

Jëjp'ixy jam ja kepy tyim'itë mëti'ipë yajtukwopantëpën ja ja'ayëty ka'apë jyä'äkyukëtën; näwyopë itaanp ma ja tsuuja'ay ja jyëxkëtyën.

Proverbios 21:11

Ko yaj'awijtsë'ëky yë ja'ay mëti'ipë ëxëëk ja'ay'ajtpën, jää yë tsuuja'ay winë tjaty, e yë wijyjyä'äy je'eyë winë yajtukmëmëtyä'äky tääts tjaty.

Proverbios 21:24

Nämyëja'aw näjyääntyja'awëpë, ets ëxëëk ja'ay ka'oyjyä'äy yajtijy mëti'ipë mëj këjxm ja'ay'ajtpën.

Proverbios 22:3

Yë ja'ay mëti'ipë wijyën poj'am t'ixy ko muum kyutsë'ëkëty ets ënätyë tjëjpkuwa'akë; e mëti'ipë ka'ap wyijyëtyën, ni'ikyë tyu'uye'ey'ëti'ity ets ëxëëk jyäty kyëpety.

Proverbios 3:34

Yë Dios nyëxikpy tyukxikpy yë ja'ay mëti'ipë je'eyë nëxik tukxiktëpën, e mëti'ipë yu'unk naxym juukyajtpën janty'oy tsoky tjawë.

Proverbios 5:12

ets nëjkx mja'ënanë: Wi'ixës ko ojts n'ëkjëjpmëkajpxëpë ja näkyajpxtë'ëwën, wi'ixës ko ojts nkatunyë këwentë ja näwyijtswinpitë.

Proverbios 6:9

Mijts nuux, pëtë'knë, këtii nëkoo mma'ay.

Proverbios 7:7

jam ja ëna'ktëjkëty tyänëtë, ets tu'uk të n'ixyës mëti'ipë ka'ap wyijyëtyën,

Proverbios 8:5

Miitsëty ëna'ktëjkëty ninu'un tsuu mja'ay'atën ma ka'ap tii xynyijawëtën, jatë wi'ixtsow mja'ay'atëtyën ets wi'ixtsow winë xyjyä'äkyukëtëty.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Mateo 9:13

Nëjkxtë ets xy'ijxpëktëty ja Dios ja y'aaw y'ayuk ma y'ënä'änyën: Yë'ëjës ntsojkpy ets ja'ay tmëët'atëty ja pa'ëyo'owën, ka'ap yë'ëjëty ma wintsë'kën xymyo'otëtyës. Jä'ä ko ka'apës yë'ëjëty të niminy yë oyjyä'äytyëjk, pokyjyä'äytyëjkës të niminy.

Lucas 19:42

ets y'ënäny: Jëtu'unpëk jeexyë ya'atë xëëw xyjyä'äkyukë ko mjayajtukniminy ja jotkujk'ajtën. Je'eyëp ko ka'ap jyëtu'unëty, yu'utsy yajpaaty ma mijtsën ets ka'ap xy'ijxpaatëty.

Juan 3:20

Pën tyuuntëp ja ëxëëkpë, y'ëxëëk ijxtëp ja të'kxën jajën, këtiipë yajnijawëty mëti'ipë tyuuntëpën.

2 Pedro 3:3

Kopkpëky ko xynyijawëtëty, ma ënety ja naaxwiinyëtë kyëxanën, jää'atantëp ja ja'ayëty mëti'ipë ja Dios nyëxi'ikan tyukxi'ikantëpën, mëti'ipë ja y'ëxëëk winma'any yajtunantëpën,

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.