Proverbios 1:10 - Biblia Dc en Mixe de Quetzaltepec

¹⁰ Pën m'ijxyp ko yë pokyjyä'äytyëjk je'eyë nëkoo mwin'ëëna'any mwinxaja'anyë, këtii xy'ëwa'atsëty, u'unk maay.

Biblia Mixe de Quetzaltepec

¹⁰ Pën m'ijxyp ko yë pokyjyä'äytyëjk je'eyë nëkoo mwin'ëëna'any mwinxaja'anyë, këtii xy'ëwa'atsëty, u'unk maay.

Proverbios 1:10 ပူးပေါင်းရင်းမြစ်များ

Génesis 37:20

Mintë wä'än nyaj'o'këmë ets muum n'apëjkëmëty nëëjutjoty ets n'ëna'anmëty ko jëyujk të myätsyë ets të yaj'ookyë. Tä n'ëkjanty'ijxmëty, pën ëk'atëëp ja wyinkuma'ay.

Salmos 1:1

Jotkujk ets xoontä'äky yë ja'ay yajpaaty mëti'ipë ka'ap tunyën këwentë ja ëxëëkja'aytyëjk ja y'ëëwij kyajpxwijën, ets ka'ap tyo'oy ja në'ë tu'u mëti'ipë ja ëxëëkja'aytyëjk ye'eytyëpën ets ka'ap tmëjwa'kpety ja ja'ay mëti'ipë ja Dios nyëxik tyukxi'ktëpën;

Salmos 50:18

Ja'ay mëti'ipë toonp mä'tspën, janty'oy xytsyoky xyjyawë, jëtu'un xy'oyjawë mëkä'äx'ajtyp yowë; janty'oy mëët mye'eymyuky mnajxmuky yë ja'ay ka'apë y'u'unk tyo'oxytyëjk twinkutsë'ëkën.

Proverbios 13:20

Yë'ë oyjyawë yë wijyjyä'äytyëjk ets wijy m'awinpitëty; yë'ë oyjyawë tsuuja'aytyëjk ets tsuu m'awinpitëty.

Proverbios 16:29

Yë ja'ay mëti'ipë ëxëëk ëtëtsp ënaanpën, nëkoo je'eyë yë myëku'uk twin'ëëny ets jam tnajtskäxë ma ja ëxëëkpë ja në'ë aaw tu'u'aawën.

Proverbios 20:19

Ja'ay mëti'ipë winë poj'am yajnajxypyën, ka'ap tukjaty wi'ix winë yu'utsy tmëët'atëtyën, paaty këtii jëtu'unpë ja'ay mëët mnämyäyëtëty.

Proverbios 24:2

Jä'ä ko yë'ëjëty yi'iyë myëmaay myëtajtëp wi'ix ëxëëk y'ëtë'ëts y'ëna'antëtyën, ets yi'iyë xëmë kyajpxtëp myëtyaktëp wi'ix winë tëkatsy tuntëtyën.

Isaías 33:15

Mëti'ipë ja'ay mëtëy tii tyuunpyën, nän mëtëy winë tkäjpxy tmëtyä'äky; mëti'ipë ja'ay ka'ap jyiiky myëku'uk tëytyunyën ets mëti'ipë ka'ap tkupëkyën ja näynyamo'ojë mëti'ipë yajktëpën ja ja'ayëty, ka'apë y'oy'atën ja jyot wyinma'anyëty; mëti'ipë ka'ap tmëtowa'anyën ko pën tnikäjpxy tnimëtyä'äky ja yajja'ay'o'kën, ets tim winpi'tsp këtiipë t'ixëty ja ëxëëktu'un ëxëëk kajpxën.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

Efesios 5:11

Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

Deuteronomio 13:8

mijts këtiimës xykyupëkëty, tä jya'ëna'anyën. Këtii xymyëjpëjkta'akëty ja wyinma'any ko ënety tii ëyo'on tiijotmay tpatnë, ninu'un xykyapa'ëyowëty ets këtii xynyimon xynyitukëty, ni xykyakuyu'utsëty, ko ënety pën y'ixjëtijt pyajëtijtënë.