Oseas 9:8 - Biblia Dc en Mixe de Quetzaltepec

⁸ Dios jëtu'un yë kyäjpxynyajxpëtëjk të tpëjktä'äky tä këwent'ajtpën jam ma Efraín kyajpnën, e miitsëty je'eyë xy'ix ix xypya'ixtë ma y'ëkkä'äy; yë'ëpaat xytyuk'ëxëëk'ixtë ko jap tyuny ma ja Dios ja tsyajptëjkën.

Biblia Mixe de Quetzaltepec

⁸ Tios jëtu'un yë kyäjpxynyajxpëtëjk të tpëjktä'äky tä këwent'ajtpën jam ma Efraín kyajpnën, e miitsëty je'eyë xy'ix ix xypya'ixtë ma y'ëkkä'äy; yë'ëpaat xytyuk'ëxëëk'ixtë ko jap tyuny ma ja Tios ja tsyajptëjkën.

Oseas 9:8 ပူးပေါင်းရင်းမြစ်များ

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

1 Reyes 18:1

Nyäjxy jëtu'un ja xëëw jëmëjt, kom tëkëëk jëmëjt yë Wintsën ojts tmëkäjpxy yë Elías ets t'ënëmaay: Nëjkx xy'ixy yë yajkutujkpë Ahab ets xytyuk'ëwaanëty koos nkäxäämpyës yë nëë tuu.

1 Reyes 18:19

Yë'ë yam mijts ntuk'ënëëmëjäämpy ets xykyäxëty yë mja'ay wä'än tyajtu'ukmujkta'ay yë ja'ay jam ma kopk txëëwatyën Carmel ets jam näjyëtu'un nyäwya'këxë'ëkëtëty yë ja'ayëty nimajktaxk mëko'px ja wëxtyikxy majkpë mëti'ipë yë Baal myëtuuntëpën ets näjyëtu'un yë nimajktaxk mëko'px ja wëxtyikxy majkpë ja ja'ayëty mëti'ipë myëtuuntëpën yë Aserá, mëti'ipë yë Jezabel myëët'ajtypyën ets yajkääpy yaj'ukpyën.

1 Reyes 22:11

Yë Sedequías, yë myaank yë Quenaaná, tëë ënety tyajkojy kanaak yë pujxn jëtu'unpë kyëxë'ëkyën tsajpkaawajën ets jap mëk jyänty kyu'ënanë: Jëtu'un y'ënä'äny yë Wintsën: Mëët ya'atë waj yë'ë mëët xyajkutëkoyëty yë sirië ja'ayëty.

1 Reyes 22:22

ets të y'ëtsoy ko jä'ä ja käjpxynyajxpëtëjk tyuktëkëjäämpy ja jampë tyuntën ma ja yajkutujkpën ets jä'ä tkajpxtëty ja ka'apë myëtëyëtyën. Ënet ja Wintsën të y'ëtsoyë: oy tääpë winma'any, nëjkx jëtu'un tun.

1 Reyes 22:28

Yë Micaías ojts ja y'aaw y'ayuk tjaaknikäjpxy ets y'ënäny: Pën mijts oy mëk mwinpity, yë Wintsën ka'ap ënety yë'ëjëty y'aaw y'ayuk të nnikajpxës.

1 Reyes 22:6

Ënet ja yajkutujkpë twoowmujktaay ja Wintsën ja myëtuunpëtëjk, jä'ä nyiwinë'atë nimajktaxk mëko'px ets tyajtëëy: ¿Wi'ix oyës yë Ramot nitsiptunëtyë, ëkë ka'apë? Ets yë'ëjëty y'ëtsoowtë: Oy, nitsiptun, jä'ä ko yë Wintsën tëë tkë'ëyäky.

2 Reyes 13:21

tëkok, yë'ë ënety jam yë Israel ja'ayëty yë o'kpë yajnaaxtëjkëtyëp ko t'ijxtë ko tam ja mä'tspë myintë, ënät oy wi'ix tkujëpijpëtyë ja o'kpë jap ma ja Elisejë ja jyutën ets tyäty kyäktë. E ko ja o'kpë mëët nyäpyatë ja Elisejë ja nyini'kx ënät ojts jyuukpyiky ets tyënaaykyujkëy.

2 Reyes 2:14

Tä ojts twojpyu'kxy yë nëë mëët ja nyijän ets mëk yujk'ënany: ¿Maatën ënät ja Wintsën, mëti'ipë y'ëwtajtypyën yë Elías? Je'eyë ënety jam të twojpyu'kxta'ay, ko ja nëë nyäwya'kxë mäjtskpëky, jëtu'un ja Elisejë ojts jatëkok tuknaxy ja mëjnëë.

2 Reyes 2:21

tä Elisejë ojts nyijkxy jam ma ja nëëkopkën ets jam ja kaan tkuwëjëy, tä y'ënäny: Jëtu'un yë Wintsën y'ënä'äny: Tëës ya'atë nëë tyam nyajwa'atsy, jëtu'un xëmë y'itanë, ka'ap pën t'ëkyaj'o'knëty ets jam ma naax kamën nëjkxëp winë y'ity wyintëy.

2 Reyes 4:41

E ja Elisejë ko jëtu'un t'ijxy, tääts ni'ënä'ämëy: Yajmintë wäänë yë tsajpmokway. Ets ja tsajpmokway jap tkupëjkëy tojkxjoty ets y'ënäny: Tyam apëkëtë ënät yë mtojkxëty. Tääts ja ja'ayëty tyëjkëtyë kääpyë ukpë, ka'ap ojts jap tii y'ëkkëxë'knë tu'tsjoty.

2 Reyes 4:43

E ja tyuunpë tyaa y'ëtsooy: ¿Wi'ixës ënät ya'atë nimëko'pxpë ja'ay nyajkaaytya'ajëty? Tääts ja Elisejë y'ëtsooy: Mo'otë ja'ay kyääky y'uukyëty, jä'ä ko tëë yë Wintsën y'ënä'äny ko kaaytya'ajantëp yë ja'ay ets jaaknatëkëjaanp yë jë'kxy pëky.

2 Reyes 5:14

Ënet ja Naamán ojts jyänty nyijkxy tsiipë ets wëxtujk'ok tsyiiy jam ma ja Jordán mëjnëëjën, jëtu'un tä ënety të y'ënë'ëmxëtyën ja Wintsën ja myëtuunpë, ënätyë ojts jyänty tsyo'oky, jëtu'un ja nyini'kx y'awinpijty janty u'unk tä tu'uk pi'k ëna'k yë nyini'kxën.

2 Reyes 5:27

Paaty, mëët ko jëtu'un ja winma'any të xypyääty, ja pu'uts pa'am mëti'ipë ja Naamán të tmëët'atyën jam ënät pyäjta'ajëty ma mnini'kxën ets ma m'u'unk m'ëna'kën winë xëëw. E paaty ko ja Guehazí, tim je'eyë jam tsyo'ony, tëë ënety ja pu'uts pa'am nyäpyataayënë, je'eyë yaj'ijxkojnë poop këëynyë jä'ä yowë pixyny.

2 Reyes 7:19

Ja yajkutujkpë ja tyuunpë tyaa ënety të y'ëtsoowpë, ko oyëk jeexyë ja tsajp jyatim ëwatspë, mëti'ipë ja Wintsën ja myëtuunpë nyikäjpxypën ka'ap ja tyunëtëty jyatëtëty nijëna'a. E ja Elisejë tëë ënety y'ëtsoyë ko jya'ixëp mëët ja wyiin je'eyëp ko ka'ap nëjkx nitii tyuka'ayë.

2 Reyes 7:2

Ja yajkutujkpë ja tyuunpë, je'eyë ojts y'ëtsoy: Oyxyëp jeexyë jëtu'un yë nëë tuu jam jyatim nyämyëtso'onëpë tsajpjotm, mëti'ipë ja Wintsën yajniku'ëwatsypyën, tääpë xynyikäjpxyën ka'ap ninu'un tyunëtëty jyatëtëty. E ja Elisejë ënät y'ëtsooy: Kë'ëm jëpom xy'ixëty, mja'ixëp mëët yë mwiin je'eyëp ko ka'ap nitii xyjyë'kxëty.

Salmos 124:7

Tëë nkukäkëmë ja o'ktakn, jëtu'un ijxtëm yë joon tkuke'ekyën yë o'ktakn mëti'ipë muum yu'utsy ijtpën; ja n'o'ktakn'ajtëm jëtu'unyë të pyojtakta'ay, paatykyëjxm të tjëkyepy wi'ix nkäkmëtyën.

Eclesiastés 9:12

Ets ka'ap tii jëna'ajëty nyayajtuk'oyë, ka'ap yajnijawë jëna'a yajtuk'oyëja'any: Jëtu'un tä yë nëë jëyujkën ëkë tä yë joonën muum ajotkumonë kyukäkë ma y'o'ktaknën, näjyëtu'un yë naaxwiinyëtë ja'ay nän ajotkumonë muum y'ëkëty y'ëyo'onpaaty.

Cantares 3:3

Tëës njayajtëy mëti'ipë këwent'ajtëpën yë naax kajpn: ¿Këtii të xy'ixtë yë ye'etyëjk mëti'ipës yë njuukyajtën tsyojkën'ajtypyënë?

Isaías 62:6

Jerusalén, jam ma mpotsykyopkën tëëjës jam npëjktä'äky yë këwent'ajtpë, xëëny koots y'ëna'antë: Këtii m'ëmontë miitsëty mëku'uktëjkëty mëti'ipë Wintsën myëkajpxtëpën,

Jeremias 11:19

Ëjts nitiijës ënety nka'aaw nkajotëty, jëtu'un tä kupixyny ayääkën ka'ap tnijawë ko y'ooka'any; e yë'ëjëty tamtëm tnipëjktaakëtë wi'ixës xyaj'ooka'antën. Jä'ä ënety y'ëna'antë: Tsojk tääpë kepy ntimpyujxë'këmë tyam ma amëk jotmëk yajpaatyën, tsojk ntimkyë'ëtsë'këm yaa naaxwiiny ma ja'ay jyuuky'atën, këtiipë nijëna'a yajja'amyätsëty.

Jeremias 14:13

Ënätës n'ëtsooy: Wintsën, ¿wi'ixën ko jëtu'un m'ëna'any? Yë käjpxynyajxpëtëjkëty jëtu'un y'ëna'antë ko ka'ap jyää'ata'any yë tsip ets yuu, ko mijts myakäämpy ja jotkujk'ajtën mëti'ipë winë xëëw winë kyëjxm ijtpën.

Jeremias 23:13

Tëës n'ixy wi'ix yë käjpxynyajxpëtëjk mëti'ipë Samaria kukajpnajtëpën xymyëtëkoytyës: ko të kyäjpxynyaxtë Baal të tukajpxpätë ets nnaax nkajpnës, Israel kajpn të nyë'ëtëkoy të tyu'utëkoytyë.

Jeremias 31:6

Jä'ä ko pyatäämpy ja xëëw jëmëjt jëna'a ja këwent'ajtpë y'ëna'ana'antën jam ma Efraín yë it naaxwiinyëtë tnitänën: Mintë ets jam nja'amëty Sión, ja'am n'ëwtajtëm ja Wintsën mëti'ipë Tios'ajtpën.

Jeremias 6:14

Oyës ja nnaax nkajpn nitsëtyut kutsëtyut yajpaatëty, yë'ëjëty ka'ap tii tmay tajtë; je'eyë xëmë y'ëna'antë ko oy yajpaatë ets ëxëëk jyatë kyëpätë.

Jeremias 6:17

Yë Wintsën ojts yë këwent'ajtpë tpëjktä'äky ets t'ënëmaay yë naax kajpn: Mëtowtëp ko ja pujxnxuxn yajtukxu'uxëty mëti'ipë nyikäjpxypën ko kutsë'ëkëpë myiny kyëtä'äky. E ja naax kajpn je'eyë y'ëtsooy: Tii tääpë, ka'ap yam yë'ë yajmëtowa'any.

Lamentaciones 2:14

Ja wiinkëma'ay mëti'ipë ja mkäjpxynyajxpëtëjk ojts mtuk'ëwa'anxëtën nëkoo ojts je'eyë mwin'ëënyë. Ka'ap ojts tkajpxkëxë'ëktë ja mpoky këtiipë ja mjuukyajtënëty y'oyëtëty, nëkoo ojts mtukwinwanëty oypyë juukyajtën ets ojts mtukmëpëkyë.

Lamentaciones 4:13

Ets yë'ë jëtu'un të tkujatëtë ko ja teetytyëjkëty ets ja käjpxynyajxpëtëjkëty të tyëkoytyë, ko jap tsajptëkoty të yaja'ay o'knëtë, ko të tyaj'o'knëtë ja ja'ay ka'apë tii poky tmëëtëtyën.

Ezequiel 3:17

Mijts, ye'etyëjk, të mpëjktä'äky ijx'ijtpë këwent'ajtpë ma Israel kajpnën. Ko ntukmëtowëty ja aaw ayuk, mkajpxnaxëp ets mnimëtya'akëp ma yë'ëjëtyën ets nijawëtëty wi'ixës ënety n'ëna'anyën.

Ezequiel 33:7

Mijts ye'etyëjk, jëtu'un të mpëjktä'äky ma Israel kajpnën tä tu'uk këwent'ajtpën. Mijts m'ëxajëp yë n'aaw n'ayukës ets xytyuknijawëty yë naax kajpn.

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kuttujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Miqueas 7:4

Mëti'ipë oyjyä'äy yaj'ijxpën jëtu'un tä tu'uk yë äpnyën; mëti'ipë mëtëy tu'uye'epyën jëtu'un tä paxnteenyën. Je'eyëp ko miimp wiinkoonp ja xëëw po'o jëna'a ja nëë poky yajnipaye'eyëtyën, ja xëëw po'o mëti'ipë ojts tnikäjpxyën ja këwent'ajtpë.

Juan 15:24

Ka'ap jeexyë tii poky tmëët'atë ko jeexyë ëjts tii nkatuny mëti'ipë ka'ap pën tunyënëm; e ëjts yë'ëjës të ntuny mëti'ipë tëë t'ëk'ijxtëpën, ets je'eyëm xy'ëxëëk'ixtë ets näjyëtu'un t'ëxëëk'ixtë ja nTeetyës.

Romanos 3:7

Pën tuunp koos n'antä'äky ets ja Dios ja tyiyajtën jaak'oy yajmëtoy: ¿Wi'ix koos xynyiwaanpätë koos mpokyja'ayëty?

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.