Oseas 9:11 - Biblia Dc en Mixe de Quetzaltepec

¹¹ Jëtu'un kyääkë'ëka'any yë Efraín yë myëj'ajtën tä joon kyääkë'ëkyën. Ka'ap yë pi'k ëna'k y'ëkmëxu'unk'atanëtë, ka'ap yë to'oxytyëjk y'ëk'u'unk paatanëtë ets ka'ap y'ëk'u'unk ixanëtë.

Biblia Mixe de Quetzaltepec

¹¹ Jëtu'un kyääkë'ëka'any yë Efraín yë myëj'ajtën tä joon kyääkë'ëkyën. Ka'ap yë pi'k ëna'k y'ëkmëxu'unk'atanëtë, ka'ap yë to'oxytyëjk y'ëk'u'unk paatanëtë ets ka'ap y'ëk'u'unk ixanëtë.

Oseas 9:11 ပူးပေါင်းရင်းမြစ်များ

Oseas 10:5

Tsë'ëkëtyëp yë Samaria ja'ayëty; mëët ko të jyijtë'ëky ja y'awinaxëty mëti'ipë këxë'kpën tsajpkaa u'unkën, Bet-avén yajtijyën. Yë'ë nyijëëy nyiyaxtëp yë naax kajpn ets teetytyëjkëty, jä'ä ko tëë ja myëj'ajt y'oyajtën tyëkoy.

Oseas 9:14

Wintsën, tukumëtow ijxtëm pyaat'atëtën. Yë'ë mo'o to'oxytyëjk mëti'ipë ka'ap y'u'unkpaatëtyën ets mëti'ipë ka'ap tyi'tsk komyën.

Oseas 4:7

Ko ijty nyimayë'ëtë'ëtstë ja teety, ni'ikyë xymyëtëkoytyës; paatykyëjxm nyajtëkatsanëtës yë myëj'ajtënëty tsip käjpxy.

Deuteronomio 28:18

Poky y'itëty yë m'u'unk m'ëna'k ets mpëjktä'äky, näjyëtu'un yë mjëyujk mtsajpkaa ets mtsajppax mkupixyny.

Lucas 23:29

Pyatäämpy ja xëëw ko m'ëna'antëty: Akujk jotkujk ja to'oxytyëjk mëti'ipë ka'ap y'u'unkpaatën ets mëti'ipë ka'ap yaj'u'unktsi'itstën.

Amós 1:13

Jëtu'un yë Wintsën y'ënä'äny: Yë Amón ja'ayëty mëj këjää yë nëë poky të tuuntëkoytyë paaty kopkpëky koos ntëytyuna'antë; jä'ä ko yë'ëjëty ko ja nyaax kyajpn tyajmëjëjantë, yaj'o'ktë ja to'oxytyëjk mëti'ipë ënety u'unk maay nyëkëjxm'ajtëpën ets tmoxmëtsujkëtyääytyë mëti'ipë jam Galaad yajpatëpën.

Eclesiastés 6:3

Oy jënu'un yë ja'ay may y'u'unk y'ëna'k tmëët'atëty ets jeky jyuuk'atëty; pën ka'ap tukxoontä'äky yë juukyajtën ets ko y'ooky tyëkoy ni pën kyayajnaaxtëkëty, ëjts jëtu'unës n'ëna'any nikë wä'än jyaktsowpaaty pi'k ëna'k mëti'ipë ooky miinpën naaxwiinyëtë ets këtiinëm tääpë ja'ay,

Salmos 58:8

wä'än jëtu'unyë tëtstëkoytyë, tä yë nu'pyky yë y'anëë tyëtstëkoyën, ets jëtu'un jyatëty kyëpätëty tä mëxu'unk ooky jyä'tyën naaxwiiny, ets ka'ap jajën të'kxën t'ixy nijëna'a.

Job 18:5

Yë ëxëëk ja'ay kupi'itsëjaanp yë'ë ets jyëën ka'ap y'ëkmëjëjanë.

Deuteronomio 33:17

Ko yë José y'ëna'k'ajty oy mëk ojts jyä'äy'äty, jëtu'un mëk jyä'äy'äjty tä yë tsajpkaa u'unkën, mëk yajpaty, tä tu'uk yë tsajpkaani'kxën tunkëjxmëpë. E yë'ëts ënät tyam miimp ets tjä'ä'ata'any ja naax kam mapaat ja naaxwiinyëtë y'ëwtityën. Yë'ë yaj'antijtëp yë Efraín yë jyä'äy, yë Manasés yë jyä'äyëty.

Deuteronomio 28:57

Mëët ko ënety tkayaka'any ja mëxu'unk mëti'ipë yajminäämpyën naaxwiiny ets ja ne'pyny mëti'ipë pëtsëëmpën ma ja u'unk tyajmëxu'unk'atyën ets ayu'utsyë tsu'utsa'any, mëët ko ënety ka'ap t'ëkmëët'ajnë tii jyë'kxëpën, mëët ko ja mëtsip ka'ap yajjotkujk'atyë ma ja naax kajpnën.

Génesis 49:22

Yë José jëtu'un yë'ë tä aay ujtsën mëti'ipë nëë''ëkë'ëy tënääpyën, ets tyëëmpety janty may, yë xye'enty jyi'tsk jëtu'un tjantynyiyoonaxtë yë potsy.

Génesis 41:52

Ja mëmäjtskpë jä'ä txëëwmooy Efraín ets y'ënäny: Tiosës yë u'unk maay të xymyo'oy ma ja naax kajpnën maas mëk të n'ëyoyën.

Isaías 17:3

Efraín, mëti'ipë Israel ja'ayëty tyukmëjnajxtëpën, ka'ap t'ëkmëët'atanëtë ja nyaax kyajpn ma nyäkyuwa'anëtëtyën; nän timjëtu'un yë Damaskë kajpn jyata'any mëti'ipë jam Sirië jaakwë'ëmpën, kutëkoyaanp ja kutujktakn.

Oseas 5:9

Ëjts yam nikäjpxyp ma Israel ja'ayëtyën mëti'ipë kopkpëky tunan jatanëpën ma yë'ëjëtyën: Yë Efraín anë'ëk tëëtsë'ëk nëjkx y'awinpity ma ënety yajtëytyunyën.

2 Samuel 6:23

Mical mëët ko jëtu'un y'ënäny, ojts tpoky'äty ka'ap ja u'unk maay tpaty t'ijxy.