Oseas 8:2 - Biblia Dc en Mixe de Quetzaltepec

² E yë'ëjëty xynyimiitëpës ënät jëëpyë yaxpë ets y'ëna'antë nëkoo: Mijts myaj'ijxkajp ko yë Israel mTios'atyë.

Biblia Mixe de Quetzaltepec

² E yë'ëjëty xynyimiitëpës ënät jëëpyë yaxpë ets y'ëna'antë nëkoo: Mijts myaj'ijxkajp ko yë Israel mTios'atyë.

Oseas 8:2 ပူးပေါင်းရင်းမြစ်များ

2 Reyes 10:16

Jam t'ënëmaay: Pajamyëët'ajtkës ets xy'ixëty wi'ixës mëk ni'ekyën yë Wintsën. Jëtu'un ojts nyëjkxtë jap pujxnwintëkäämpëjoty.

2 Reyes 10:29

Mëti'ipë tëy, ja Jehú ka'ap ojts winë aak'oy tuny, jä'ä ko yë'ë ojts ja poky tmëtëkë, mëti'ipë näjyëtu'un tyuuntëkooyën ja Jeroboam, yë myaank yë Nabat; mëti'ipë yajpokytyuunën ja Israel ja'ayëty, jä'ä ko ojts näjyëtu'un t'ëwtajnë ja awinax jëtu'unpë kyëxë'ëkyën tä tsajpkaajën, aak pu'ts pujxnëpë mëët y'oytyunyëtyën, mëti'ipë jam yajpatpën Dan ets Betel.

Jeremias 7:4

Këtii xymyëpëktë mëti'ipë mwin'ë'ënëtëpën ko y'ëna'antë: Tyaa ja Wintsën ja tsyajptëjk, tyaa ja Wintsën ja tsyajptëjk.

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënety jë'ë ya'ax yajpaatën, jamës nëjkx xy'ixta'atë.

Oseas 8:3

E yë Israel tëë t'ixtijy mëti'ipë oyën, paatykyëjxm yë myëtsip y'ëxjëtita'any pyajëtita'anyë.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Mateo 25:11

Ok ojts jyamiinëtë ja wiinkpë ja to'oxy'ëna'këty nimëkoxkpë ets y'ënantë: Wintsën, Wintsën, yaj'ëwa'ats yë tëjk.

Mateo 7:21

Ka'ap nyi'ëmukëty tyëkëja'antë ja ja'ay ma ja tsajpjotmëtë kutujkënën mëti'ipës janaam jatsojk xy'ënëmaaytyëpën Wintsën. Yi'iyë jam tëkëjantëp mëti'ipë pyatuuntëpën ja nteetyës tsajpjotmëpë ja tsyojkën.

Lucas 13:25

Ko ja kutëjk pyëtë'ëkëty ets ja tëjk'aaw tyaj'ëtukëty, pën jap ënety miits të mwë'ëmtë tëja'p, mjaakukajpxëtëp ma ja tëjk'aawën ets mja'ëna'antëty: Wintsën, yaj'ëwa'ats yë tëjk'aaw, tëkëjantëpës. Ënet ja kutëjk m'ëtsowëtëty: ka'apës nijawë mpën miitsëty.

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

1 Juan 2:4

Pën ënaanp ko Dios t'ixy'äty ets ka'ap tpatuny ja y'ënä'ämën, win'ë'ëmpë ënety ets ka'ap ja Dios ja tyiyajtën tmëët'ajtë.