Oseas 8:14 - Biblia Dc en Mixe de Quetzaltepec

¹⁴ Yë Israel ja'ayëty kyojtëp yë kyutujkëntëjkëty, je'eyëp ko jyä'äytyëkooytyëp mëti'ipë winë yajkojpyën. Judá may tkojy yë naax kajpn mëti'ipë ta'tspëky yajpatpën ets këwent'atypë y'ityën, e ëjts nyajkutukäämpyës ets kyutujkëntëjk jëën yajtooytyëkoyëtëty.

Biblia Mixe de Quetzaltepec

¹⁴ Yë Israel ja'ayëty kyojtëp yë kyutujkëntëjkëty, je'eyëp ko jyä'äytyëkooytyëp mëti'ipë winë yajkojpyën. Judá may tkojy yë naax kajpn mëti'ipë ta'tspëky yajpatpën ets këwent'atypë y'ityën, e ëjts nyajkutukäämpyës ets kyutujkëntëjk jëën yajtooytyëkoyëtëty.

Oseas 8:14 ပူးပေါင်းရင်းမြစ်များ

1 Reyes 12:31

Ojts ja nyitsajptëjk tkojë ka'apë tyiosëtyën jam ma tuuntakn kajpxtaknën tunkëjxmëpë kopkëjxmëpë ets pyëjktak näjyëtu'un ja nyiteety mëti'ipë jam tim itëpën ka'apë Leví ja'ayëtyën.

1 Reyes 16:31

jä'ä ko yë'ë ka'ap ojts ninu'un tmëkjawë ko nän yë'ë ja poky tyuunpy mëti'ipë ja Jeroboam tyuunën, Nabat yë myaank. Ni'ik yë'ë, jä'ä ko ojts mëët pyiky ja Jezabel, yë nyëëx yë Et-baal, mëti'ipë yajkutujkpën jam Sidón ets ojts t'ëwtajnë ja Baal.

2 Reyes 18:13

Ma ënety majkmajkts jëmëjt yajkutukyën yë Ezequías, jää ojts yë Senaquerib, Asiria yajkutujkpë, tukja'ty yë Judá nyaax kyajpn mëti'ipë yaj'ijtëpën ta'tspëky ets këwent'aty ets tjä'äpëjktaay.

2 Crónicas 26:10

Ojts näjyëtu'un potsy tyajkojy jam të'ëts'itjotm, ojts may nëëjut tyaj'ëwa'atsy, jä'ä ko yë'ë may ijty jëyujk tsajpkaa tmëëtëty; jam joyjotm ets jam kopkëjxm. Tam ijty näjyëtu'un tmëëtëty may tuunpë ma kyam tyu'ujën jam tunjotm ets maajaty y'ääy y'ujts tyaj'ityën, yë'ë oy ijty tsojkën'aty naax tuunk.

2 Crónicas 27:4

Ojts tyajkojy naax kajpn jam Judá, ojts tyajpëtë'ëky potsy mëjatyëtypë mëti'ipë ja naax kajpn tyukuwanën, kanaak ja potsy ojts tyajpëtë'ëky jam yukjotm ma ja'ay y'ijx'it kyëwent'atën.

Salmos 106:21

Ojts tja'atyëkooynyëtë ja Dios, mëti'ipë ënety të yaj'ëwaatsëpëtsëmëtën, ets mëti'ipë ënety jap Egiptë winë të tuny të tkäjpxyën,

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Isaías 17:10

Jä'ä ko të xyjyä'äytyëkoy yë Wintsën mëti'ipë të myajtso'okyën, ka'ap të xyjyä'äymyetsy ko yë'ë tsoktakn'ajtp, jëtu'un tä tu'uk tsaakopkën. Mijts janty'oy ja mkam mtu'u xy'oytyuny, ets ja pëjy oyjätyëty jam xynyi'ipy xykyojy, yë'ë mtukwintsë'ëkëjäämpy mëti'ipë wiink naax wiink kajpn y'ëwtajtëpën,

Isaías 29:23

Ko ënety ja y'u'unk y'ok t'ixtë wi'ixës winë të ntunyën ma ja nyaax kyajpnëtyën, ënät nëjkx t'ijxpaatë ja nwa'ats'ajtënës ets nëjkxëpës xywyinkutsë'ëkëtë, maas ëjts nxëëwatyën Dios mëti'ipë Israel ja'ayëty kyënu'kxyjya'awëtëpën.

Isaías 42:13

Tä ja ja'ayën mëti'ipë të myëtä'äkyën jëtu'un ja Wintsën myëta'aka'any tä ja'ayën mëti'ipë mëtakpën xëmë, jëtu'un ja Wintsën tsyip'ixyëty tä tsiptuunpë ja'ayën; mëk yujkya'axa'any ets tnikajpxa'any ja tsip, ets ja myëtsip tyajkutëkoyä'äny.

Isaías 42:25

Paatykyëjxm tyukjoot'anpëjkëtë ets tyiytyuunëtë mëët ja tsip käjpxy mëti'ipë toopyën jëënën; e oy ëxëëk jyajajty jyakëpejty kä'äpyëm ojts jyä'äkyukëtë.

Isaías 43:21

ja naax kajpn mëti'ipës të nyajkojyën ets nimëtya'akëty ja nmëj'ajtënës.

Isaías 9:10

Oy tëë jyaka'ay yë muutsy, tyam jatëkok n'akojëmëty ta'tspëky mëët yë tsaa. Tëë tjapujxtujkta'atë yë tëjkepy, oy kepy ënät npëjktakmëp.

Isaías 9:9

tëkokyë ja Efraín ja jyä'äy mëti'ipë jam tsënaaytyëpën Samaria, tëë tmëtoowta'atë. Amëj akëjxm y'ëna'antë:

Jeremias 17:27

E pën miitsëty ka'ap mja'akyukëtë ets ka'ap xypyatuntë ja n'ënä'ämënës ets po'kxënxëëw ka'ap xypyo'kxtë. Pën mënajxtëp ja tsëmy kë'ëy, ja juy tooky jam ma ja tëjkëtyaknën, ma ja naax kajpn yajnitëkën, ëjts njëënmo'ojäämpyës tääpë naax kajpn, nyajnitooyäämpyës yë Jerusalén yë tyëjk aaw ets ko ënety jëtu'un ntunyës, ni pën nëjkx kyamayë tyajpi'itsëty ja jëën.

Jeremias 2:32

¿Wä'än jëtää tu'uk to'oxytyëjk tja'atyëkoyëty yë nyantsëm, tyatsktëyë ets kyë'ëjiits mëti'ipë të tmëpëkyënë? Ka'ap yowë. Näyjyëtu'un jeexyë yë nnaax nkajpnës nän ka'apës jeexyë xyjyä'äytyëkoy, e yë'ë tëëyëpës xyjyä'äytyëkooynyë.

Jeremias 23:27

Yë kyuma'ayëty mëti'ipë kë'ëm nätyukmëmëtyakëtëpën, yë'ë mëët twin'ëëna'antë yë nnaax nkajpnës etsës xyjyä'ätyëkoytyëty, jëtu'un tääjës ojts yë y'aptëjk xyjyä'äytyëkoytyën ets tpanëjkxtëjkëtyë yë Baal.

Jeremias 3:21

Jam të'ëts'itjotm, jam tunkëjxm yajmëtoy ja aaw yo'kn: Israel ja'ay yë'ëjëty mëti'ipë jëëytyëp yaxtëpën, mëti'ipë y'amëtoowtëpën ets yajpa'ëyowtëty. Tëë tyu'utëkoytyë ma ja në'ë tu'ujën oypyë ets të xyjyä'äytyëkooynyëtës, ëjts Wintsën, mëti'ipë Tyios'ajtpën.

Jeremias 5:17

Nëjkxëp tjë'kxta'atë mëti'ipë të xynyiyu'u të xynyitunën, nëjkxëp tkaaytya'atë yë mtsajpkääky, yë'ëpaat yë m'u'unk m'ëna'k ye'etyëjkpë to'oxytyëjkpë nëjkx tsu'utstë. Ja mkupixyny ets ja mjëyujk mtsajpkaa wa'ats tsu'tsta'aja'antë, yë mtsatym kyam ets mxe'enky kyam wa'ats tyajpëtë'kta'aja'antë. Mëët yë tyi'pxnëty kyu'umënëty tyajkutëkoya'antë yë mnaax mkajpn mëti'ipë ënety mtijpyën ko tya'tspëkyëty ets kyëwent'atyëty.

Ezequiel 23:35

Paaty ëjts maas nWintsën'atyën, jëtu'unës n'ëna'any: Mëët koos tëë xyjyä'äytyëkooynyë ets ja mjëxk të xytyuk'akëëynyës, kopkpëky ko xykyumëtowëty ko xim yam ja ye'etyëjk të xymyëët'aty ets ko mijts je'eyë të mpëyë'ëk'ëwtity.

Oseas 13:6

E ko miitsëty ja mjë'kxy mpëky may xymyëët'ajtë ets nyatëjkëy, amëj akëjxm ojts m'aaw mjot xyjyawëtë ets xyjyä'äytyëkoytyës.

Oseas 2:13

Jënaak xëëw jënaak jëmëjt yë poom të tukwintoy të tukwino'oktën yë y'awinaxëty jëtu'un xëëw jëtu'un jëmëjtës näjyëtu'un ntëytyuna'antë, ko ijty tmëjjawë yë y'awinax pyëjktäkpy yë kyë'ëjiits yë nyantsëm ets tpanëjkxy ja y'atsoky ye'etyëjk etsës xy'ijxtëkooy xyjyä'äytyëkooynyës. Ëjts Wintsën, ëjts jëtu'un ënaanpës.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Amós 1:10

Paatykyëjxmës nyajnitooytya'aja'any yë potsy mëti'ipë nyapots'ajtypyën yë Tirë kajpn ets tääpë jëën yë'ë nyo'ktëkooytya'ajäämpy yë kutujkëntëjk.

Amós 1:12

Paatykyëjxmës nyajnitooytya'aja'any yë potsy mëti'ipë nyapots'ajtypyën yë Temán kajpn ets tääpë jëën yë'ë nyo'ktëkooytya'ajäämpy yë kutujkëntëjk mëti'ipë jamën Posrá.

Amós 1:14

Paatykyëjxmës nyajnitoyä'äny yë potsy mëti'ipë nyapots'ajtypyën yë Rabá kajpn ets tääpë jëën yë'ë nyo'okäämpy yë kutujkëntëjk ma ënety ja jëën tsip y'ityën jëtu'un tä tyu'uyën.

Amós 1:4

Paatykyëjxmës nyajnitooytya'aja'any yë Hazael yë y'u'unk y'ëna'k ets jyiiky myëku'uk. Ja jëën näjyëtu'un yajnitooytya'ajäämpy yë kutujkëntëjk jampë Ben-hadad.

Amós 2:5

Paatykyëjxmës nyajnitooytya'aja'any yë Judá kajpn ets tääpë jëën yë'ë nyo'okäämpy yë kutujkëntëjk mëti'ipë jamën Jerusalén.

Efesios 2:10

Dios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

Deuteronomio 32:18

Mijts Israel ja'ayëty tëë ja mteety xyjyä'äytyëkooynyë, mëti'ipë mkëwent'ajtëpën. Tëë xyjyä'äytyëkooynyë ja mTios mëti'ipë juukyajtën mooyëpën.