Oseas 8:13 - Biblia Dc en Mixe de Quetzaltepec

¹³ Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Biblia Mixe de Quetzaltepec

¹³ Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Oseas 8:13 ပူးပေါင်းရင်းမြစ်များ

Éxodo 20:3

Ka'ap wiinkpë tios xymyëët'atëty ets ënät ëjts xy'ëxtijnëty.

Éxodo 32:34

E paaty, nëjkx yë naax kajpn ënëëmë wä'än jam tnëjkxtë ma të ntuk'ëwaanën; yë nkutënääpyës yë'ë mijts mtu'uwinwowanëp. Ko ënety të tpaaty ja xëëw jëmëjt jëna'a ntukumëtowa'antës ja pyokyëty, yë'ë kopkpëkyë ko nëjkx tjanty kyumëtowtë.

Proverbios 21:27

Dios ëxëëk t'ixy ko ëxëëkja'aytyëjk tii tyoxtë. Jä'ä ko ka'ap tii ëmuumtu'ukjot tyaktë.

Isaías 1:11

Jëtu'un yë Wintsën y'ënä'äny: ¿Tiijës nyajwa'anëty yë wintsë'kën oy jënu'un may xyajmintë? Tëës xynyatsijpnë ja wintsë'kën nino'okpyë xyaktën, tä yë kupixynyën, tsajpkaajën ets tsajppaxën, ëxëëkës n'ixy yë jëyujk ne'pny.

Jeremias 14:10

Jëtu'un yë Wintsën tnikäjpxy yë Israel kajpn: Ya'atë naax kajpn yi'iyë tyäty tsyojkpy ets nyaxëty tyëkëty oymyaajëty. Paaty ka'ap n'oyjyawës. Tyam nyëë pyoky yam Nja'amyätsäämpyës etsës nyajtëwa'any wi'ixtsow ko je'eyë pyokytyuny.

Jeremias 6:20

¿Tiijës ko xytyuknimintë yë poom mëti'ipë jam Sabá të xymyëtsoontën ets aay ujts mëti'ipë pa'akxu'kpën, mëti'ipë tso'onpën wiink kajpn? Ëjts ka'apës yë'ëjëty n'oyjyawë ja wintsë'kën no'okpyë xämpyë ets wiinkëtypë wintsë'kën.

Ezequiel 29:16

yë Israel kajpn ka'ap jatëkok t'ëktuk'ijxpäjnëty yë Egiptë kajpn, nëjkxëp tja'akyukëtë ok ko ojtstëm tsyuu'atë ko näypyutëkë t'ixtaaytyë jap Egiptë. Ënet nëjkx nijawëtë ko ëjts Wintsën.

Oseas 11:5

e yë'ëjëty ka'apës të xynyimina'antë. Paatykyëjxm jatëkok jap Egiptë wyimpita'antë ets Asiria ja'ay ënä'ämanëtëp.

Oseas 12:11

Jam Galaad tam wiink tios jyätyë, je'eyëp ko yë'ë mëti'ipë ka'ap myëtëyëtyën. Jam Guilgal yë'ë jam wintsë'kën'ajtp yë tsajpkaa; ets yë'ë jam wintsë'këntyakn'ajtp yë tsaanipiy ma të t'awitstën yë kam tu'u.

Oseas 4:9

Jëtu'un yë naax kajpn tyëkoy tä teetytyëjkëtyën, ëjts ntukumëtowäämpyës yë tyëko'oyënëty.

Oseas 5:6

Mëët yë kyupixyny yä'äy ets tsyajpkaato'oxy nëjkx t'ixta'atë yë Wintsën, ka'ap nëjkx tpaatë jä'ä ko tëë ënety tmëjëkämkä'äktë.

Oseas 6:6

Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Oseas 7:11

Yë Efraín jëtu'un tä tu'uk yë pakën tëëpë kyumu'ukyën, ka'apë wyijyëtyën: Y'amëtoopy yë näypyutëkë jap Egiptë ets nän y'amëtoopy yë näypyutëkë yë Asiria ja'ayëty.

Oseas 7:16

Yë'ë ojts tninëjkxtë wiink tios, jëtu'un tä ti'pxnën ka'apë kyujkye'eyën, ka'apë jyä'tyën ma jyayajtukni''ixën. Mëët ko kyajpxtë myëtya'aktë amëj akëjxm, yë kyopktëjkëty kupuxy nëjkx y'o'kta'atë ets jap Egiptë je'eyë nëjkx yajnëxi'ik yajtukxi'iktë.

Oseas 7:2

Yë'ë ka'ap tmëmay tmëtajtë ko nja'amyejtsypës yë pyokyëty. Tyam kë'ëm nyätyu'u'ëtukëtë ko winë ëxëëk tuntë ets ko xëmë n'ixyës yë nyëë pyokyëty.

Oseas 9:6

Yë'ëjëty tëë tkukakta'atë ja kutëko'oyën; Egiptë ja'ay nëjkx yajmukëtë ets nëjkx yajnaaxtëkëyëtë jam Menfis. Nëjkxëp yë pyoop pujxnmeeny nyi'ëëxyoonta'ay ets ma ënety jam yë myëtsip tna'ityën äpny nëjkx jam yoontäkta'ay.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

Amós 5:22

Ka'apës nkupëky yë wintsë'kën mëti'ipë miits mjayajktëpën no'oky xämy etsës nyätyukwintsë'ëkëty; ka'apës nkupëka'any oy jënu'un tsajpkaani'kx xytyukwintsë'ëkëtëtyës ma ja nay'ëëw'oy näykyajpx'oyë xytsyoktën.

Amós 8:7

Dios, tëë tnikäjpxy mëëtkyëjxm ko ja Jacob ja mëj'ajt oyajtën tmëëtëtyën: Ka'apës nijëna'a nja'atyëkoyä'äny mëti'ipë të tuntën.

Lucas 12:2

Tu'kë'ëyë mëti'ipë kuyu'utsy ijtpën, nikëxë'kp ok, ets tu'kë'ëyë mëti'ipë ijtpën nipëky nituny, yajpatp yë'ë.

1 Corintios 11:20

Ko mye'eymyuktë ets xy'atuunaxtë ja Wintsën ja y'a'ux, ka'ap jëtu'un xytyuntë ijxtëm ja Wintsën ojts tni'ënä'ämën.

1 Corintios 11:29

E ko nëkoo ajotkumonë pën tkayëty t'uukëty ya'atë a'ux ets ka'ap tnijawë ko yë'ë ja Wintsën ja nyi'kx kyopk kyääpy y'ukpy, yë'ë ënety ja y'ëyo'on kyääpy jyi'kxyp.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

Deuteronomio 28:68

Oy ënety ja Wintsën të jya'ëna'any, ko mijts ka'ap jap nijëna'a m'ëk winpijnëty Egiptë, nëjkxëp jatëkok jap mwinpity. E mijts jä'ä nëjkx mwinpijnë kepy nëëwinye'epyëjoty ets ja mmëtsip nëjkx jap myajnëjkxyë ets mtookëtëty. E oy ënety pën mjatooka'anyë, ka'ap nëjkx myajjuy. Oy xyajtsojkën'atëty jeexyë jap mwë'ëmy.

Apocalipsis 16:19

Ënet ja mëj kajpn tëkëëkpëky nyäwya'kxë ets ja jëën tëjk kyëtaawtaay maajëty ja kajpnën naaxwiiny ets ja Dios tja'amyejtsy ja mëj kajpn Babilonyë ko tuk'uuka'any ja tsatsym nyëë, jä'ä jëtu'un tyijpy ko tmo'oja'any ja ëyo'on mëët ja tsip äkë.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.