Oseas 7:2 - Biblia Dc en Mixe de Quetzaltepec

² Yë'ë ka'ap tmëmay tmëtajtë ko nja'amyejtsypës yë pyokyëty. Tyam kë'ëm nyätyu'u'ëtukëtë ko winë ëxëëk tuntë ets ko xëmë n'ixyës yë nyëë pyokyëty.

Biblia Mixe de Quetzaltepec

² Yë'ë ka'ap tmëmay tmëtajtë ko nja'amyejtsypës yë pyokyëty. Tyam kë'ëm nyätyu'u'ëtukëtë ko winë ëxëëk tuntë ets ko xëmë n'ixyës yë nyëë pyokyëty.

Oseas 7:2 ပူးပေါင်းရင်းမြစ်များ

Job 34:21

Dios wa'ats t'ixy tuny wi'ixjaty ja'ay nyë'ëye'ey tyu'uye'eyën ets nyija'ap wi'ix nyäxy tyëkën.

Salmos 10:11

Yë ëxëëk ja'ay jëtu'un myäy tyäjy ko Dios jyä'äytyëkoopy winë, ko je'eyë nyäwyinkumatsëty tääts ka'ap tii t'ixy.

Salmos 25:7

ka'ap xyjyä'äymyätsëty ja nnëë npokyës ets oyës tii të ntuuntëkoy të nkajpxtëkoy koos të n'ëna'k'aty. Wintsën, ja'amyäjtskës koos xytsyoky xyjyawë ets ko xymyëët'aty ja oyjyot oywyinma'any.

Salmos 50:22

Ja'aykyukëtë yajxon ya'atë, miitsëty jënu'un yë Dios ijxtëkoy ja'atyëkoy xyaj'itën, këtiipë ajotkumonë n'awots ntukwotsëtëty ëkë ëxëëk ntuntëty ma ka'ap pën myajtso'oka'anëtën.

Salmos 9:16

Yë Wintsën tëë kë'ëm nyänyikëxë'ëkyë ko të tuny ja nipaye'eyën. Ja ëxëëk ja'ay tsumy matsy të wyi'imy ma ja majtstaknën mëti'ipë kë'ëm të tyaj'oyën.

Salmos 90:8

Ëëts yë nnëë npokyëty, yë ntuuntëko'oy nkajpxtëko'oyënëty mijts tëkokyë mkëwentëpëjktääpy ets mnija'awëtyääpy.

Isaías 1:3

Yë tsajpkaa y'ixyp pën wyintsën'ajtypyën, ets krukts nyija'ap ma jyë'kxtakn yë wyintsën të myo'oyën; e yë Israel ja'ayëty mëti'ipës nnaax'ajtyp nkajpn'ajtypyën ka'ap y'ijxkäpy ets ka'ap jyä'äkyukë.

Isaías 26:16

Paatykyëjxm jëtu'un të jyäty të kyëpety, jä'ä ko ënety ëëts nyajpaatë mon tuk.

Isaías 44:19

Ka'ap nijënu'un myäytyë tyajtë ets ka'ap nijënu'un wyinma'anypyaatë, paaty ka'ap jyä'äkyukëtë ets ka'ap tukjatë wi'ix y'ëna'antëtyën: Kujkwä'kxy ya'atë kepy të nja'axy'ätyës, ets ko të tyooytyä'äky täätsës yë tsajpkääky të ntukyajkë'ëy, tëëjës tsu'utsy ntuktsa'ay etsës të ntukkay; e ja kepy mëti'ipë të nyatëkën yë'ëjës mëët yë awinax të nyajkojy, paaty yë mëti'ipës n'ëwtajtypyën, kepy yë'ë.

Isaías 5:12

Xuxpë wojpë, ëëwpë koowpë mëët mxëëwtuntë, ka'ap ja ka'ayën ukën y'ëmaaytyä'äky ma kaaypyäjnën; je'eyëp ko tëë xyjyä'äytyëkooynyëtë mëti'ipë Dios të tunyën, ka'ap xy'ëkja'amyäjtsnëtë mëti'ipë të tyajkojyën.

Jeremias 14:10

Jëtu'un yë Wintsën tnikäjpxy yë Israel kajpn: Ya'atë naax kajpn yi'iyë tyäty tsyojkpy ets nyaxëty tyëkëty oymyaajëty. Paaty ka'ap n'oyjyawës. Tyam nyëë pyoky yam Nja'amyätsäämpyës etsës nyajtëwa'any wi'ixtsow ko je'eyë pyokytyuny.

Jeremias 16:17

Jä'ä ko wa'atsës n'ijxtaay ntuuntaay tiijaty tyuuntëp kyajpxtëpën ëxëëkjaty; nitii kyayu'utsy'ity ma ëjtsën, ni yë'ë nyëë pyokyëty tkajëkyepy tkuyu'utstëty.

Jeremias 17:1

Mijts Judá, yë m'ëxëëktu'un m'ëxëëk kajpxën këxpajy jap y'ity mëët yë juunpujxn, mëët yë juuntsaa ma ja mjot mwinma'anyën mëti'ipë juunën tä tsaajën ets ma ja mwintsë'këntyakn nyiwajën.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Dios. Ëjts Wintsën mëti'ipë maaytyääyëpën winë, ëjts ënaanp.

Jeremias 32:19

Mëj këjää winë xynyimay xynyitajë ets ko tii xytyuny mëët yë mëk'ajtën ets kuttujkën. Mijts wa'ats xynyija'awëtyä'äy tiijaty yë ja'ay tyuuntëp ets jënu'un winë xymyo'oy xykyexyën.

Jeremias 4:18

Mëët ko yi'iyë të xytyuny mëti'ipë ëxëëkën, paaty o'ktëy të mjaty; mëët ko të mtuuntëkoy, paaty të mjoottëkëty ja ëyo'on ets tëë ja mwinma'anytyëkoy.

Jeremias 44:21

¿Miitsëty jëtu'un jëtää mmaytyë mtajtë? Ko ja Wintsën ka'ap t'ixy tnijawë ets ko tëë tja'atyëkooynyë ko ijty xywyintsë'ëkëtë ja wiink tios jam ma Judá ets Jerusalén kajpnën; ko näjyëtu'un y'ëtëtstë ja m'ap m'okëty, mkutujkpëtëjkëty, mwintsëntëjkëty ets mmëkunaax mmëkukajpnëty.

Ezequiel 21:29

Mëti'ipë mjawin'ijxtëpën ka'ap tyiyëty ets mëti'ipë mkajpxtëpën ka'ap myëtëyëty. Jam ja tëypyujxn kyëxka'aja'any ma ja yo'knëtyën tääpë ëxëëk ja'ayëty mëti'ipë je'eyë të tyuuntëkoytyën. Tyimpatyp ja nyixëëw ma yajtëytyuna'antën tääpë ja'ayëty.

Oseas 12:2

Tëë yë Wintsën tsyipëjktä'äky ma Israel kajpnën. Tyiytyunäämpy yë Jacob mëët ko ëxëëk y'ëti'itsy y'ënä'äny; jëtu'un tukumëtowa'any tä pyäätyë nyitëkëtyën.

Oseas 4:9

Jëtu'un yë naax kajpn tyëkoy tä teetytyëjkëtyën, ëjts ntukumëtowäämpyës yë tyëko'oyënëty.

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Oseas 9:15

Jëtu'un yë Wintsën y'ënä'äny: Jam Guilgal ëxëëk jam y'ëtëtstë y'ënantë, jam ojts kyëjääjë ka'ap n'ëktsojknëtës. Mëët ko ëxëëk winë të tuntë n'ixkäxäämpyës yam maas njëën ntëjkën; ëjts ka'apës n'ëktsokanëtë, jä'ä ko yë kyopktëjkëty je'eyës të xykyäjpxy kumëtoownaxtë.

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Amós 8:7

Dios, tëë tnikäjpxy mëëtkyëjxm ko ja Jacob ja mëj'ajt oyajtën tmëëtëtyën: Ka'apës nijëna'a nja'atyëkoyä'äny mëti'ipë të tuntën.

Jonás 1:2

Pëtë'ëk ets mnëjkxëty jam ma Nínive kajpnën ets xytyuk'ëwaanëty ko nyajkutëkoyä'änyës, tëëjës nijawë wi'ix yë nyëë pyoky kyëjääjëtyën.

Lucas 12:2

Tu'kë'ëyë mëti'ipë kuyu'utsy ijtpën, nikëxë'kp ok, ets tu'kë'ëyë mëti'ipë ijtpën nipëky nituny, yajpatp yë'ë.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

Deuteronomio 32:29

Kooxyëp jeexyë y'ëkwijy'atë ets oy winë tmëmay tmëtajtë; wyinja'awëtyëp jeexyë ma jya'ta'antën ma ka'ap oy jyuuky'atëtyën.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.