Oseas 7:16 - Biblia Dc en Mixe de Quetzaltepec

¹⁶ Yë'ë ojts tninëjkxtë wiink tios, jëtu'un tä ti'pxnën ka'apë kyujkye'eyën, ka'apë jyä'tyën ma jyayajtukni''ixën. Mëët ko kyajpxtë myëtya'aktë amëj akëjxm, yë kyopktëjkëty kupuxy nëjkx y'o'kta'atë ets jap Egiptë je'eyë nëjkx yajnëxi'ik yajtukxi'iktë.

Biblia Mixe de Quetzaltepec

¹⁶ Yë'ë ojts tninëjkxtë wiink tios, jëtu'un tä ti'pxnën ka'apë kyujkye'eyën, ka'apë jyä'tyën ma jyayajtukni''ixën. Mëët ko kyajpxtë myëtya'aktë amëj akëjxm, yë kyopktëjkëty kupuxy nëjkx y'o'kta'atë ets jap Egiptë je'eyë nëjkx yajnëxi'ik yajtukxi'iktë.

Oseas 7:16 ပူးပေါင်းရင်းမြစ်များ

Salmos 12:3

Wintsën, wijxë'ëk mëët yë tyikts, mëti'ipë wiinkë'ëy akë'ëy tii nyimëtyäkpyën, ets je'eyë tii tyajmëtoyë,

Salmos 12:4

mëti'ipë maaytyëp tajtëpën: Yi'iyë ko wiin aaw yajmëëtëty, yë'ë yajtukmëtakp, yë yä'än yë'ë kuwaanp. ¿Pën xy'ëk'ënä'ämëp?

Salmos 12:5

Yë Wintsën jëtu'un të y'ënä'äny: Yë ëyoopëja'aytyëjk ets paki'ixtëjk; o'ktëypyë jyatën kyëpätën, mëti'ipë jëëytyëp yaxtëpën. Yë'ëjës yam mputëkëjantëp etsës nkuwa'ana'antë, ijxtëm yë'ë tsojkën'atën.

Salmos 17:10

Je'eyë nyämyëjawëtë, amëj akëjxm kyajpxtë myëtya'aktë.

Salmos 52:2

Yi'iyë mmëmääpy mmëtäjpy wi'ix winë ëxëëk xytyunëtyën; yë m'aaw myä'än jëtu'un yajtsëtyuty tä tsujknën jëjpëpë.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Salmos 73:9

y'ëtsu'uxyaxtëp yë tsajp mëët yë y'aaw y'ayukëty, y'ëtsu'uxyaxtëp yë naaxwiinyëtë mëët yë y'aaw yä'änëty.

Salmos 78:37

jä'ä ko ka'ap ojts yajxon wa'ats tmëmëtowtë ets tkuuytyuuntë ijxtëm ënety ja Dios mëët ja käjpxytyu'unën të tjatuntën.

Salmos 78:57

Tä näjyëtu'un y'ëtëtstë tä ja tyeety y'apetyën, ojts t'ëxmajtsnëtë ets ka'ap ojts oy t'ëkmëmëtoownëtë, je'eyë ojts yë jyot nyini'kx twiitë tä yë kepyën ka'apë oy yaj'uuyën.

Isaías 3:8

Mëtëy jëtu'un ko yë Jerusalén ja'ayëty o'ktëy tyam jyatë kyëpätë, ets Judá ja'ayëty taj xit yajpaatë mëëtkyëjxm ko të tmëtëkoytyë yë Dios ets ko të tyajjoot'anpëktë mëti'ipë ënä'ämp yajkutujkpën.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Jeremias 3:10

Yë Judá nän ka'ap të jyotwinpity winë aaw winëjot ma ëjtsën, je'eyë awin'ëënë nëkoo nyätyijyë të jyotwinpity. Ëjts Wintsën, ëjts ënaanp.

Jeremias 42:18

Ja Wintsën mëti'ipë maaytyääyëpën winë, mëti'ipë Israel ja'ay Tyios'ajtëpën, yë'ë ënaanp: Timjëtu'un ijxtëm ojts yë Jerusalén ja'ayëty xyajjoot'anpëktënës, timjëtu'un miitsëty xyajjoot'anpëka'antës ko mnëjkxtëty jap Egiptë. Ijxpäjtën nëjkx mwë'ëmtë ko ënety të myajpoktë; atsë'ëk ajawë mjata'antë ets nijëna'a nëjkx mka'ëkwinpijnëtë ma ya'atë it naaxwiinyëtën.

Ezequiel 23:32

Ëjts Wintsën, ëjts ënaanp: M'uukäämpy näjyëtu'un ja nëë mëti'ipë tëytyuunpën ijxtëm ja mtsë'ë t'ukyën, ja mëjpë ets këkpë ja a'ukën jä'ä mtuk'uukëjäämpy, ujtspë yajpaatyën mëët ja nëëxikën tukxikën ets ja kanämyëj'ixë,

Ezequiel 36:20

E oymyaakajpnëty ma ojts jya'tën, je'eyëm tni'ojëtë ja nxëëwës, jëtu'un ja ja'ay y'ëna'antë: Ya'atë kajpn Wintsën ijty y'ëwtajtëp, e atsip ojts tsyoontë ma nyaax kyajpnëtyën.

Daniel 7:25

Nëjkxëp ja Dios Ni'ik tnëxi'iky tukxi'iky ets nëjkxëp ja nyaax kyajpn ëxëëk tuunë; yatëkatsa'anëp ja Dios ja y'ënä'ämën tyiyajtën ets yajtëkajtsta'aja'anëp ja xëëw mëti'ipë yajtuunpën ma tsajptëjkën ets ja Dios ja nyaax kyajpn yë'ë nëjkx tuntë tëkëëk jëmëjt ja kujkm mëti'ipë ënety yë'ë nyi'ënä'ämëpën.

Oseas 11:5

e yë'ëjëty ka'apës të xynyimina'antë. Paatykyëjxm jatëkok jap Egiptë wyimpita'antë ets Asiria ja'ay ënä'ämanëtëp.

Oseas 11:7

Jëkämës yë nkajpn tyimnäyyaj'ityë; nëyax yujkyaxtëp je'eyë ets ni pën tkamëtoy.

Oseas 6:4

Jëtu'un yë Wintsën y'ënä'äny: ¿Wi'ix mtunëty mijts Efraín? ¿Wi'ix ntunëty mijts Judá? Yë mtsojkën mja'awën jëtu'unës mpëjktä'äky tä yë nëëma'a jopyëp yaj'ixyën, tä maanik kyuxëënyën, tä yë poj tyëkooytyä'äyën.

Oseas 7:13

Mon tuk yajpaatë ko të jyëwa'aktë maas ëjtsën. Kutëkoyantëp yë'ëjëty jä'ä ko të xykyäjpxy kumëtoownaxtës. Ëjts njatsojkpyës ets jeexyë nyajtso'oktës e yë'ëjëty je'eyë xynyi'äntaakëtës.

Oseas 9:3

Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Oseas 9:4

ka'ap t'ëk uukanë yë tsatym nyëë tëpë nyimaanaxyën mëti'ipë Wintsën yajtukmëjja'apën ets nän ka'ap t'ëktukwintsë'ëkëjanë jam yë wintsë'kën. Ja tsajpkääky mëti'ipë kyäyäämpyën jëtu'un tkayä'äny tä ja'ay y'o'kpë nikayën ets pën ënety kyääytyëpën ëxëëk wyë'ëma'antë, yë'ë nëjkx tkaytyë tääpë tsajpkääky ets ka'ap nëjkx tjëkyepy tmënëjkxtë ma Wintsën tsyajptëjkën.

Oseas 9:6

Yë'ëjëty tëë tkukakta'atë ja kutëko'oyën; Egiptë ja'ay nëjkx yajmukëtë ets nëjkx yajnaaxtëkëyëtë jam Menfis. Nëjkxëp yë pyoop pujxnmeeny nyi'ëëxyoonta'ay ets ma ënety jam yë myëtsip tna'ityën äpny nëjkx jam yoontäkta'ay.

Malaquías 3:13

Jëtu'un yë Wintsën y'ënä'äny: Miitsëty mëk të xynyikajpxpëtsëmtës. Ets xyjyaak tim yajtëwtë: ¿Wi'ixën mëk të myajnikajpxpëtsëmy?

Malaquías 3:14

Jëtu'un të m'ëna'antë: Nëkoopë Dios nmëtu'unmëty. ¿Tii mpatmëp n'ijxmëp ko ëëtsajtëm näpyëjktakëmëty mon tuk jëtu'un tä ja'ay nyäxyoxyën ko o'kën tëko'oyën y'ity jam Dios wintum mëti'ipë maaytyääyëpën winë?

Mateo 12:36

E ëjts, jëtu'un yam miits n'ënëëmëtë, ko ja paye'eyën tyunëtëty, nëjkxëp xynyikajpxta'atë ja ëxëëk aaw ëxëëk ayuk mëti'ipë ënety të xykyajpxtën.

Lucas 8:13

Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Santiago 3:5

Näyjyëtu'un jyäty mëët ja aaw yä'än, yi'inëm yajpaaty ma ni'kx kopkën; je'eyëp ko mëj winë tuny. Jëtu'un yë'ë ijxtëm ja jëënën mëti'ipë yi'inëmën ets kyëjääjën tunjoty kopkjoty.

2 Pedro 2:8

Ja Lot winjëpom kyumay kyutajë ko t'ixy tmëtoy ja ëxëëkajtën mëti'ipë ja ja'ay tyuuntëpën.

Apocalipsis 13:5

Tääts näjyëtu'un ja mëj jëyujk yaj'ëwatsy ja tyu'u ets ja Dios tmëkajpxtëkoyëty. Näyjyëtu'un yaj'ëwatsy ja tyu'u ets y'ënä'ämëty wëxtyikxy mäjtsk po'o.