Oseas 6:7 - Biblia Dc en Mixe de Quetzaltepec

⁷ E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Biblia Mixe de Quetzaltepec

⁷ E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Oseas 6:7 ပူးပေါင်းရင်းမြစ်များ

Génesis 3:11

Ënet ja Dios tyajtëëy ets t'ënëmaay: ¿Pën të m'ënë'ëmxëty ko mniwa'ats m'ëxwa'atsëty? ¿Ijxkëm të xy'ëkjë'kxnë ja ujtstëëm mëti'ipë ntuk'ënëmaaytyën ets ka'ap xyjyë'kxtëty?

Génesis 3:6

Ënet ja to'oxytyëjk t'ijxy, ko ja ujtstëëm janty'oy kyëxë'ëky ets janty oyjyë'kxnë. Tää tu'uk tnëtujky ets ojts tjë'kxy. Jä'ä ko y'atsojkpy ja këpetyajtën. Ojts tmo'oy näjyëtu'un ja nyiye'etyëjk ets ojts tjë'kxy.

2 Reyes 17:15

jëkäm jëxkë'ëm tpëjktaktë ja ënä'ämën tëyajtën, ja käjpxytyu'unën mëti'ipë tyuuntën ja y'apëty y'okëty ets ja ënä'ämën mëti'ipë ënety të yajmo'otën. Jä'ä pyanëjkxtëjkëtyë ja tios ka'apë nitii tsowëtyën ets ojts ja jyot wyinma'any tyajtëkoytyë, tuunëtë näjyëtu'un winë tä ja naax kajpnëtyën jampë ënety winkon yajpaatën, mëti'ipë ja Wintsën ka'ap ninu'un të tyajkutukyën tuntëty.

Job 31:33

Ka'apës yë npoky nijëna'a të nyu'utsy, jëtu'un tä wiinkpë y'ëtë'ëtstën ets ka'apës nijëna'a yu'utsy të nmëët'aty

Isaías 24:16

Jam ma naaxwiinyëtë jyëjpkëxyën, jampaat të yajmëtoy ko ja'ay y'ëwtë ya'axtë: Wä'än tyajmëjjaw tyäjkënu'kxyawë ja Mëtëypyë. E ëjts jëtu'unës të n'ëna'any: Janty mon janty tukës nyajpaaty. Pëjkëpës, këxaanpës. Ja ja'ay mëti'ipë ayajk kë'ëyajkpën, tëë ja myëku'uk tkë'ëyäky, tëë jëyëjp tmëmay tmëtajtë wi'ix tuna'anyën.

Isaías 24:5

Jä'ä ko ja ja'ayëty tëë tyaj'ëxëëkëtë ja naaxwiinyëtë, ka'ap të tpatuntë ja ënä'ämën tëyajtën ijxtëm jyapaatyën, tëë tkumëtoownaxtë ja ënä'ämën tëyajtën ets ka'ap të tuntë ijxtëm ojts tnikajpxtën.

Isaías 48:8

Mijts ka'ap ënety ni ma jëtu'unpë xymyëtoynyëm ets ka'ap ënety xynyijawë, jä'ä ko mijts nat xëmë të mnäypyëjktä'äkyë. Ëjts wa'atsës të nijawë ko mijts ka'ap oy të mjuuky'äty, Nija'apës ko je'eyë të mkäjpxykyumëtoownaxy, jä'ä xëmë të myajtijy ko ka'ap mja'akyukë.

Jeremias 3:7

Ëjts tyaajës ojts nmääpyë ntajpë ko ntijëtën yë Israel kajpn xynyiwinpita'anyës jatëkok oy wi'ix të y'ëk'ëtë'ëtsy të y'ëk'ëna'any; e yë'ë ka'ap të wyimpity. Yë Judá kajpn, mëti'ipë jëtu'un tä tsyë'ëjën tëë t'ixy;

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënety ëjts Wintsën xyatijtë. Ëjts Wintsën, ëjts ënaanp.

Jeremias 34:18

Yë kopktëjkëty mëti'ipë ënety mëj'äämpy ijtëpën ma Judá ja'ayëtyën ets ma Jerusalén ja'ayëtyën, mëti'ipë jam tuuntëpën ma kutujkëntëjkën, yë teetytyëjkëty ets nitëkokyë ja'ayëty ojts tuntë tu'uk ja käjpxytyu'unën mëët ëjts: ojts tsujkwa'kxtë ja tsyajpkaa ayääkë ets nyajxtë itkujky ma ënety mäjtskpëky të tyajwa'kxtën. E ok ojts jatëkok ja wyinma'any tyajtëkatstë ets ka'ap ojts jëtu'un t'ëktuunëtë tä ënety të y'ëna'antën.

Jeremias 5:11

Tëë yë Israel ets Judá xykyë'ëyäkyës maas yë nmëtsipën. Ëjts Wintsën, ëjts ënaanp.

Jeremias 9:6

Jëtu'un yë Wintsën y'ënä'äny: Aak win'ë'ënëtëp ja'aynyë, aak tëkatsy winë tuntë tkajpxtë. Yë nnaax nkajpnës ninu'un xykya'ixkäpyës.

Oseas 5:7

Tëë yë Wintsën tmëtëkoytyë, jä'ä ko tam yë y'u'unk tmëëtëty mëti'ipë wiinkteety tyeety'äjtypyën. Mëët ko ja pëjkën ukën të tkawinkutsë'ëkë, tu'kpo'o je'eyë nëjkx yë nyaax kyajpn kyam y'ëyo'onpata'ay.

Oseas 8:1

Tukxu'ux yë mxuxn tä tukxu'uxyën mëti'ipë këwent'ajtpën ma Wintsën yë kyajpnën. Jä'ä ko tëë ja käjpxytyu'unën tjëënaxy ets tëë tkäjpxykyumëtoownaxy ja n'ijxpëjkënës.

Romanos 5:14

Jä'ä tëy ma jyuuky'äjtyën ja Adán ets jääpaat ma ja Moisés jyuuky'äjtyën, ja o'kën ojts jää y'ëne'emy ma ja pokytyuunpëtëjkëtyën. Ka'ap yë'ëkyëjxmëty ko ja ënä'ämën tkapatuuntë, ijxtëm ja Adán jyäjtyën, mëti'ipë yajnitë'kxën ko ënety ja Kristë myina'any.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Hebreos 8:9

Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.