Oseas 6:6 - Biblia Dc en Mixe de Quetzaltepec

⁶ Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Biblia Mixe de Quetzaltepec

⁶ Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Oseas 6:6 ပူးပေါင်းရင်းမြစ်များ

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

Salmos 50:8

Ka'ap yë'ëjëty ntukwiink'ixy koos mijts xytyukwintsë'ëkë yë tsajpkaa ooky, tsajppax ooky, tsa'aypyë no'okpyë.

Proverbios 21:3

Tun ja nipaye'eyën oypyë ets mëtëypyë, yë'ë jëtu'un yë Dios ni'ik tyukjotkëtäkpy këtiinëm yë wintsë'kën.

Eclesiastés 5:1

Ko mnëjkxëty tsajptëkoty mkëwent'atëp yë mjot mwinma'any; mijts këtii yë'ë xymyëmay xymyëtajëty jëna'a yë mwintsë'kën xyaka'any jëtu'un tsuuja'aytyëjkën, yë'ëmës mëmay mëtaj wi'ix xymyëmëtowëtyën yë Wintsën.

Isaías 1:11

Jëtu'un yë Wintsën y'ënä'äny: ¿Tiijës nyajwa'anëty yë wintsë'kën oy jënu'un may xyajmintë? Tëës xynyatsijpnë ja wintsë'kën nino'okpyë xyaktën, tä yë kupixynyën, tsajpkaajën ets tsajppaxën, ëxëëkës n'ixy yë jëyujk ne'pny.

Isaías 58:6

Ka'ap jyëtu'unëty. Ëjts ënätës ntukjotkëta'aka'any pën m'ayuu'ajtp: Ets ja tsumjyä'äy yaj'ëxmatstëty ets ja nipaye'eyën y'itëty, ets xymyëkäjëty ja tsajpkaa mëti'ipë kutsumy yajpatpën, ets yajnajtsmatsëty ja ja'ay mëti'ipë yajtëytyuunpën, ets tyimkutëkoyëty ma ja yajkutujkpëtëjk ëxëëk y'ëtë'ëtstën y'ëna'antën;

Jeremias 22:16

Mëk ijty tkuwa'any yë ëyoopëja'aytyëjk ets nyitsiptuunpy mëti'ipë o'ktëy yajtuunpën e paaty ojts oy jyuuky'äty. Yë jëtu'unpë yajtijp ko xy'ixy'ätyës. Ëjts Wintsën, ëjts ënaanp.

Jeremias 7:22

Koos nyajpëtsëëmtë yë m'ap m'okëty jap Egiptë, ka'apës ojts ntuk'ëne'emy ets wintsë'kën tyaktëty no'okpyë xämpyë ets wiinkëtypë wintsë'kën ëpëky.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Oseas 14:2

Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Oseas 2:20

Mijts mpëkäämpy ets nwinkutsë'ëkëjäämpy, etsës näjyëtu'un xy'ixkäpëty ko ëjts Wintsën.

Oseas 4:1

Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Amós 5:21

Ëxëëkës n'ixy ko mxëëwtun mxëëwkajpxtë; ëxëëkës n'ixy ko mtu'ukmuktë ets nyätyijyë xy'ëwtatë Dios.

Miqueas 6:6

¿Tii mëët yë Wintsën Ni'ik këjxmëpë nwinkuwa'akëtyës koos ënety n'ëwtata'any? ¿Yë'ëjës mëët nwinkuwa'akëty yë tsajpkaajë tu'kjëmëjtpë jyëmëjtën mëti'ipës ntukwintsë'ëkëpënë?

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Mateo 12:7

Jëtu'un ja Dios ja y'aaw y'ayuk y'ënä'äny: Yë'ëjës ntsojkpy ets xymyëët'atëty ja pa'ëyo'owën, ka'ap yë'ëjëty koos xytyukwintsë'ëkëtëty ja jëyujk tsajpkaa. Ko jeexyë xy'ëkwinmëtowtë pën wi'ix jëtu'un tijy, ka'ap jeexyë xypoky'ixtë mëti'ipë ka'ap tii poky tuntën.

Mateo 5:7

Jotkujk yë ja'ay yajpaatë mëti'ipë pa'ëyoowtëpën, jä'ä ko Dios näjyëtu'un pya'ëyowa'anëtë.

Mateo 9:13

Nëjkxtë ets xy'ijxpëktëty ja Dios ja y'aaw y'ayuk ma y'ënä'änyën: Yë'ëjës ntsojkpy ets ja'ay tmëët'atëty ja pa'ëyo'owën, ka'ap yë'ëjëty ma wintsë'kën xymyo'otëtyës. Jä'ä ko ka'apës yë'ëjëty të niminy yë oyjyä'äytyëjk, pokyjyä'äytyëjkës të niminy.

Marcos 12:33

Ets ko ja Dios tu'ukyë ntsojkmëty mëët tu'kë'ëyë ja'awën ets mëët tu'kë'ëyë jot winma'any ets mëët tu'kë'ëyë mëk'ajtën; ets ko nmëku'uk'ajtëm ntsojkmëty ijxtëm kë'ëm nätsyojkëmën, nikë oy jëtu'un këtiinëm ko jëyujk ëkë tii ntukwintsë'këmëty ja Dios ets ko tii ntukwino'k ntukwinxa'amëty.

Josue 5:5

Ja Israel ja'ayëty mëti'ipë jap Egiptë tso'ontën oy ënety aak tsuky jyayajpaatë, ja mëti'ipë mëxu'unk'ajtën jam të'ëts'itjotm ka'ap ënety tsyuky'atë.

1 Juan 2:3

Pën nmëmëto'owëm ja Dios ja y'ënä'ämën tyiyajtën, jyëkyejpy akujk jotkujk n'ëna'anmëty ko Dios n'ixy'ajtëmë.

1 Juan 3:6

Paaty, pënjaty ijtëp mëët ja Kristë, ka'ap y'itë pokyjotm; e pën ijtp pokyjotm, ka'ap ja Kristë nijawë ets ka'ap t'ixy'äty.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.