Oseas 6:5 - Biblia Dc en Mixe de Quetzaltepec

⁵ Piw nuukën të ntuunta'atë ko të ntuknikäxtë yë käjpxynyajxpëtëjkëty; yë mëtoow'ijtkës n'ayukës mëët të ntuknijawëtë ko m'oka'antë. Yë tëypyë jaantypë nipaye'eyënës jëtu'un jyäjy tä jëën tyi'kxyën.

Biblia Mixe de Quetzaltepec

⁵ Piw nuukën të ntuunta'atë ko të ntuknikäxtë yë käjpxynyajxpëtëjkëty; yë mëtoow'ijtkës n'ayukës mëët të ntuknijawëtë ko m'oka'antë. Yë tëypyë jaantypë nipaye'eyënës jëtu'un jyäjy tä jëën tyi'kxyën.

Oseas 6:5 ပူးပေါင်းရင်းမြစ်များ

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

1 Reyes 14:6

Ko ja Ahías tmëtooy kyuwa'akë jam ma ja tëjk apu'uyën, tä t'ënëmaay: Nax tëkoty, mijts to'oxytyëjk, Jeroboam yë tyo'oxytyëjk. ¿Wi'ix ko tëkatsy të mnäxyoxyë ets wiink ja'ay mnäyajnaxyë? Ëjts tëëjës nyajtuknipëky ko mijts mëk nmëkajpxëty,

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

1 Reyes 18:17

Ko t'ijxpaty, tä t'ënëmaay: ¿A mijtstëm jëtu'un, mëti'ipë ja Israel naax Israel kajpn nëkoo je'eyë y'ëxëëkwinkajpxëpën?

1 Reyes 19:17

Jëtu'un'äämpy ko pën jyakä'äka'anëty ma ënety ja Hazael yaj'ooka'anyën, yë Jehú yë'ë yaj'ookëtëp, e ko ënety pën jyake'eky ma ja Jehú, yë Elisejë yë'ë nëjkx yaj'ookyë.

2 Reyes 1:16

ko jam jyä'äjty, tä t'ënëmaay ja yajkutujkpë: Jëtu'un yë Wintsën y'ënä'äny: Mëët ko ja mkukäjpxy të xytyuknikexy ja Baal-zebub, ja awinax mëti'ipë jamën Ecrón, jëtu'un tä jeexyë ka'ap jyämëtyën yë Wintsën ma Israel kajpnën mëti'ipë jeexyë winë myajtëëpyën, tyam ka'ap ënät m'ëk tsok m'ëk akëtaknëty, m'ookaanp yë'ë.

2 Crónicas 21:12

E tëkok yë Joram ojts yë noky nyija'tyë, yë käjpxynyajxpë Elías kyäjx, mëti'ipë ënaanpën: Yë Wintsën mëti'ipë David y'ëwtajtën; yë m'apteety, jëtu'un y'ënä'äny: Mijts ka'ap oy winë xy'ëktuunë tä ja mteetyën Josafat ets tä ja mtatwelën Asá, mëti'ipë ojts jam Jerusalén yajkutuktën,

Job 15:30

Ka'ap tjëkyepy wi'ix kyäkpëtsëmëty ma jap akootstuuy yajpaatyën. Jëtu'un nëjkx jyäty tä tu'uk yë u'unk kepyën mëti'ipë wintooykyëtakpën yë jyi'tsk ëkë ijxtëm jeexyë yë pyij nyëpojyën.

Job 34:10

E miitsëty, ixpëky jyä'äyëty, mëtowtë yajxon. Ka'ap mëpaat nma'ayëm ntajëm ko yë Dios, mëti'ipë maaytyääyëpën winë tuuntëkoopy kajpxtëkoopy ets ka'ap tii oy tnipaye'ey.

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Salmos 37:6

Yë'ë yajnikëxë'ëkäämpy ko ënety oy tsuj mjuuky'äty, jëtu'un tä yë xëëw y'änyën kujkxyëëw.

Isaías 11:4

Nyipaye'eyäämpy ja ja'ay mëti'ipë yajpatëpën ëmaay paki'ix ets kyuwa'anäämpy ja ëyoopëja'ay ets ja mëti'ipë patëtëpën.

Isaías 58:1

Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kuttujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

Jeremias 1:18

Mijts, jëtu'un tyam npëjktä'äky tä tu'uk kajpnën mëti'ipë ta'tspëkyën ets këwent'atypë y'ityën, tä yë tëjk xenyën mëti'ipë juunpujxnën, tä yë kajpn yë nyapotsën mëti'ipë aak tsuxkpujxn nyapots'ajtypyën ets jyëkyäpëp xywyinkuwa'akëty tëkokyë yë Judá nyaax kyajpn: yë yajkutujkpëtëjk, kopktëjkëty, teetytyëjkëty ets nitëkokyë yë naax kajpn.

Jeremias 13:13

Ets xy'ëtsowëty: Jëtu'un yë Wintsën y'ënä'äny: Nyajmuktëkoyäämpyës tëkokyë yë ja'ayëty mëti'ipë yaa tsënaaytyëpën ma ya'atë naax kajpnën, yë yajkutujkpëtëjk mëti'ipë ënä'ämtëpën jam ma David yë kyutujktaknën, yë teetytyëjkëty, käjpxynyajxpëtëjkëty ets tëkokyë yë Jerusalén ja'ayëty.

Ezequiel 11:4

Paatykyëjxm mijts, nëjkx mëmëtya'aktë ëjts nxëëwkyëjxmës.

Ezequiel 3:9

Juun yam mjot mwinma'any nyaj'awinpita'anyës jëtu'un tä nëtë'kxy tsyaajën. Këtii mtsë'ëkëty oy wi'ix yë wyiin jyëjp tjatuntë ets oy jënu'un jyakäjpxykyutëjtë.

Ezequiel 32:18

Mijts ye'etyëjk, ëw tu'uk yë ëy, yë'ë m'ëëw'ëtsowëtëp yë to'oxytyëjkëty mëti'ipë yajpatëpën ma kanaakpëky ja naax kajpnën ets xykyuuy'ëwtëty yë Egiptë jëtu'un tä o'kpë yajkuuy'iyën mëët ko tëë may kyutëkoytyë ets tëë y'o'kta'atë yë kyopktëjkëty. Yë kopktëjkëty naaxpa'tkë'p kya'atë, mëët ja mëti'ipë jap yajpatëpën jutjoty.

Ezequiel 43:3

Jëtu'unës të n'ixy tääjës ojts n'ëk ijxpën ko ja Wintsën ja Jerusalén kajpn tyajkutëkooy ets jëtu'un tääjës ojts jam n'ixyën Quebar. Tëës nwintä'äky naaxkoy,

Sofonías 3:5

E ja Wintsën tamts ja yajpaaty kajpntum, ja oypyë jam tyuunpy ka'ap y'ëxëëkpëty. Jopy jopy tpaye'eykyojy ja mëtëypyë. Ja'ay mëti'ipë ëxëëk ja'ay'ajtpën ka'ap tmëmay tmëtajy yë tsëtyu'un.

Hechos 7:31

Ja Moisés mëj ixy ojts t'ixy ko ja jëënyä'änk t'ijxpaty. Tääts ojts winkon tninëjkxy ets tmëtooy ko ja Wintsën myëkäjpxyë:

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

Efesios 6:17

Jëtu'un miits mëët'atë ja nitsokën ijxtëm ja tsiptuunpë tmëëtëtyën ja pyujxnkujup; ets ja Dios ja y'aaw y'ayuk ijxtëm ja tsiptuunpë tyajtunyën ja tyiypyujxn, mëti'ipë ja Kënu'kxymyëkajtën mmooyëtëpën.

Hebreos 4:12

Ja Dios ja y'aaw y'ayuk myëët'ajtyp ja juukyajtën ets ja mëk'ajtën. Ni'ik jyëjpëty këtiinëm ja tëypyujxn tëëpë mäjtskpa'a yajme'eyën; tyukku'umëtyääpy ja jot winma'any këkpaat; ets tpaye'eytyä'äy pën tii pën myëmääpy myëtäjpy.

Apocalipsis 1:16

Wëxtujk ja matsa'a tmajts'ity ma y'a'oykyë'ëjën. Y'aawjoty jap yaj'ixy pyëtsimy ijxtëm tu'uk ja tëypyujxnën mëti'ipë mäjtsk atu'um mye'eyëtyën ets ja wyiin jyëjp jëtu'un yaj'ixy ijxtëm ja xëëw mëk y'änyën.

Apocalipsis 2:16

Paatyës n'ëna'any ets mjootwinpitëty. Pën ka'ap mjootwinpity, tsojkës nnëjkxëty ets ntuktsiptunëtyës ja ntëypyujxn mëti'ipës n'aawjoty pëtsëëmpën.

Apocalipsis 9:15

Ënet yajmëkäjëtyë ja nimajktaxkpë ja tsajpjotmëtë kukäjpxy ets tyaj'ooktëty tu'kpëkpyë, ma ja tëkëëk pëkpyë ja naaxwiinyëtë ja'ayëtyën. Tuknipëjktaakë ënety y'itë tääpë xëëw, jä'ä xëëw, jä'ä po'o, jä'ä jëmëjt.

Apocalipsis 9:21

Ets ni yë'ë tka'ëxmajtstë ja yajja'ay'o'k, ja panajxk, ja ëxëëk juukyajtën ets ja mä'tsk.

1 Samuel 13:13

Tä ja Samuel y'ëtsooy: Tääpë të xytyunyën ka'ap myëtëyëty. Kooxyëp të xytyuny tä yë Wintsën të m'ënë'ëmxëtyën, yë m'ënä'ämën mkutujkën xëmëkyëjxm jeexyë y'ity ma Israel ja'ayëtyën.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.

1 Samuel 15:32

Tä ja Samuel y'ënäny: Yajmintë yaa Agag mëti'ipë jam të y'ëne'emyën ma Amalec ja'ayëtyën. Tääts yë Agag jam myiiny ma Samuelën akujk jotkujk, jëtu'un myäy tyäjy ko tëë jotmay tuknaxy ets ja o'kën ëxëëkpë tsaatsypë ka'ap y'ëktukja'tanënë.

1 Samuel 15:33

E ja Samuel tyaa y'ënäny: Mëët yë mtëypyujxn may yë u'unktaak yë y'u'unk myääy xytyukyajni'o'ktuty. E timjëtu'un tä tääpë u'unktaak jyajtën, nän timjëtu'un tyam yë mtaak jyata'any. Tä ja Samuel t'apujx tukpujxëy ja Agag jam Guilgal, ma ja Wintsënën.