Oseas 4:13 - Biblia Dc en Mixe de Quetzaltepec

¹³ Jam muum tunkëjxm kopkëjxm jam nëjkx nyo'oktë xyamtë ets nëjkx tyaktë wyintsë'kën ets näjyëtu'un nyëjkxnë muum ma kepypya'tkën mëjpë, ma mëj xojën, ma mëj tsiinën. Paatykyëjxm yë mnëëxëty jyot nyini'kx të tooktë ets mxäkxyëty tëë tyajtëkoytyë pëjkën ukën wyintsë'kën.

Biblia Mixe de Quetzaltepec

¹³ Jam muum tunkëjxm kopkëjxm jam nëjkx nyo'oktë xyamtë ets nëjkx tyaktë wyintsë'kën ets näjyëtu'un nyëjkxnë muum ma kepypya'tkën mëjpë, ma mëj xojën, ma mëj tsiinën. Paatykyëjxm yë mnëëxëty jyot nyini'kx të tooktë ets mxäkxyëty tëë tyajtëkoytyë pëjkën ukën wyintsë'kën.

Oseas 4:13 ပူးပေါင်းရင်းမြစ်များ

2 Reyes 17:7

Yë Israel ja'ayëty paaty ojts jëtu'un jyatë kyëpätë jä'ä ko ojts ja Wyintsën tmëpokytyuntë, mëti'ipë jap Egiptë yajpëtsëëmëtën, ma ja faraón yajkutukyën; ojts t'ëwtajnëtë oynatii,

2 Reyes 23:7

Ojts tjijtë'kta'ay ja tëjk ma ënety ja ye'etyëjktëjk ja nyini'kx to'knëtën ma ja Wintsën ja tsyajptëjkën ets ma ja to'oxytyëjk ijty tnixuyëtën ja awinax Aserá.

Isaías 1:29

Nëjkxëp xytyuktsëtyuntë tääpë xoj kepy, tääpë pëjykyam mëti'ipë m'oy ijxtëpën, ma xywyintsë'ëkëtën ja tsaa ets kepy ëkë oynatii.

Isaías 57:5

je'eyë xy'ixta'atë kepypya'tk mëjëtypë tääts jam m'ëtë'ëtstë m'ëna'antë tëkatsy, jap muum wokjoty m'u'unk mmëxu'unkpë xykyujëpijpnaxtë, jap muum tsaajutjoty xy'atijëtë.

Isaías 57:7

Jam yë mwëëty mmaapäjn të xypyëjktä'äky ma kopk kupi'tykyën; nän jam yë wintsë'kën të xyäky.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Jeremias 3:13

Yi'iyë mkupëkëp ko tëë mpokytyuny, ko yë mWintsën Dios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Jeremias 3:6

Ma ënety yë Josías y'ëne'emyën, jääjës ojts yë Wintsën xymyëkäjpxy ets xy'ënëmaayës: ¿Tëë xy'ixy wi'ix yë Israel kajpn y'ëti'itsyën mëti'ipë käjpxy kyumëtoownajxpën? Yë'ë wiink tios të tpanëjkxtëkë jam muum ma kopkën, ma kepypya'tkën y'ëti'itsy y'ënä'äny, tä tu'uk to'oxytyëjkën xim yampë ye'etyëjk tmëët'atyën.

Jeremias 44:8

¿Wi'ixës ko xyajjoot'anpëktë mëët mëti'ipë mtuuntëpën, ko yë poom xytyukwintsë'ëkëtë wiink tios yaa Egiptë ma të mintën tsënääpyë? Ko jëtu'unpë xytyuntë, kë'ëm mnäyajkutëkoya'anëtë ets ijxpät mwa'antëty ma të myajpoktën ets o'ktëy mjatëty ma ja naax kajpnëtyën naaxwiinyëtë apëtsëmy.

Ezequiel 16:16

Mëët yë mwit mtujkxy ojts xy'oytyuny yë nyitsajptëjk yë wiink tios jam muum tunkëjxm kopkkëjxm ets jam ja mjot mnini'kx xytyo'ky.

Ezequiel 16:25

Maajaty yë tu'u jyëjpkëxyën jam ojts xykyojy kanaak yë tsajptëjk ets ja m'oy'ajt mtsuj'ajtën xyaj'awinpijty ëxëëk tuunk, ko ja mjot mnini'kx xyäky ets xymyo'oy oypyënëty, mëti'ipë tu'uye'epyën, xytyooky jëtu'un ja mjot mnini'kx.

Ezequiel 6:13

E ko ënety t'ixtë ja o'kpë ma ja y'awinaxëtyën ets ma ja wyintsë'këntyaknëtyën, jam tunkëjxm kopkkëjxm, ma ja tsaatunën, ma ja kepypya'tkën, ma ja xoj pa'tkën ets maajaty ja wiinkëtypë ja awinax të t'ëwtatën ets të tmo'otën yë wyintsë'kën, ënät nëjkx xy'ixkaptës ko ëjts Wintsënajtp.

Oseas 10:8

Kutëkooytya'ajaanp yë awinax yë tsyajptëjk ma Israel ja'ay ijty pyokytyuntën. Jam ma y'awinaxëtyën äpny ets aay ujts nëjkx jam yony ets nëjkx yë ja'ay yë'ëpaat tjatsoktë ets jeexyë y'ujts nyiyoontëkoytyë ets nëjkxëp jya'ëna'antë ets jeexyë kopk nyija'awpätëtë.

Oseas 11:2

Koos nyaxtsoy, ni'ikyës xymyëjëkämke'eky. Yë'ë ja wyintsë'kën myoopy ja wiink tios ets ijty twinno'oky twinxamy yë awinax.

Oseas 2:13

Jënaak xëëw jënaak jëmëjt yë poom të tukwintoy të tukwino'oktën yë y'awinaxëty jëtu'un xëëw jëtu'un jëmëjtës näjyëtu'un ntëytyuna'antë, ko ijty tmëjjawë yë y'awinax pyëjktäkpy yë kyë'ëjiits yë nyantsëm ets tpanëjkxy ja y'atsoky ye'etyëjk etsës xy'ijxtëkooy xyjyä'äytyëkooynyës. Ëjts Wintsën, ëjts jëtu'un ënaanpës.

Amós 7:17

E yë Wintsën yë'ë ënaanp: Yë mto'oxytyëjk kajpnjoty nëjkx jyot nyini'kx tooky tyäky ets m'u'unk m'ëna'k ye'etyëjkpë to'oxytyëjk nëjkxëp kupuxy y'ooktë; yë mnaax mkam nëjkxëp yaj'ijxwa'kxtë ma ja'ayëtyën mëti'ipë wiink tios y'ëwtajtëpën ets Israel ja'ayëty tsum matsy nëjkx yajmënëjkxta'atë wiink naax wiink kajpn.