Oseas 4:1 - Biblia Dc en Mixe de Quetzaltepec

¹ Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Biblia Mixe de Quetzaltepec

¹ Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Oseas 4:1 ပူးပေါင်းရင်းမြစ်များ

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Miqueas 6:2

Mëtoow'itë miitsëty tun kopk, mëti'ipë ja naaxwiinyëtë tsyëëm'ijtëpën ta'tspëky; yë Wintsën yë'ë pyaye'eyäämpy ja tyuuntëko'oy kyajpxtëko'oyën ja nyaax kyajpn, näy'ojjanëtëp mëët ja Israel kajpn.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Dios jënaakën xynyijawëtë. Miits mtsëtyu'unpatëp koos jëtu'un n'ëna'any.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Oseas 12:2

Tëë yë Wintsën tsyipëjktä'äky ma Israel kajpnën. Tyiytyunäämpy yë Jacob mëët ko ëxëëk y'ëti'itsy y'ënä'äny; jëtu'un tukumëtowa'any tä pyäätyë nyitëkëtyën.

Jeremias 25:31

Koos nkajpxëty, jëtu'un yajmëtowa'any tä ënääwën mëti'ipë naaxwiinyëtë apëtsëmy yajmëtoopën, jä'ä ko yë Wintsën pyaye'eyäämpy ja nëë poky mëti'ipë të tuntën ja naax kajpn, wa'ats tmëkajpxta'aja'any ja naaxwiinyëtë ja'ay ets tyajkutuka'any wä'än t'o'kta'atë ja ëxëëkja'aytyëjk. Yë Wintsën jëtu'un ënaanp.

Jeremias 5:4

Ënätës ojts nmay ntajy: Yi'iyë ëyoopëja'aytyëjk winë tyuuntëp nitsuu nipoj, jä'ä ko ka'ap tnijawëtë mëti'ipë Wintsën tsyojkën'ajtypyën ets mëti'ipë Wintsën nyi'ënä'ämëpën.

Isaías 34:1

Winkon mëjwa'aktë miitsëty naax kajpnëty ets xymyëtoow'itëty; mëj naax mëj kajpn ja'akyukëtë ya'atë aaw ayuk. Wä'än ja naaxwiinyëtë tmëtoow'ity ets tëkokyë mëti'ipë jää yajpatëpën, tëkokyë ja naaxwiinyëtë ja'ayëty wä'än tmëtoow'ijta'atë mëti'ipë yam yajkajpxaanp yajmëtya'akaanpën.

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënety ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënety jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.

Apocalipsis 2:29

Pën ja tyatsk tyukmëtoopyën, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk.

Apocalipsis 2:11

Pën yë tyatsk myëët'ajtyp wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ka'ap ja ëyo'on tpaata'any mëti'ipë xëmëkyëjxm ijtpën.

Juan 8:55

E miitsëty ka'ap xy'ixy'atë. Ëjts, n'ixy'äjtypyës yë'ë; ets koos jeexyë n'ëna'any ko ka'ap n'ixy'ätyës, näjyëtu'un ënety ëjts nwin'ëënyës ijxtëm miitsëtyën. E ëjts, n'ixy'äjtypyës yë'ë ets npatuumpyës yë y'aaw y'ayuk.

Amós 7:16

Paaty n'ënëëmë ets xymyëtoow'itëty ja Wintsën ja y'aaw y'ayuk. Mijts jëtu'un m'ëna'any: Këtii nëkoo Dios yë y'aaw y'ayuk xynyimëtyakë ma Israel kajpnën ets këtii nëkoo wiinkjaty xynyimëtya'akëty yë Isaac yë y'u'unk y'ok.

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kuttujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,

Jeremias 34:4

E mëtoow'it ënät mijts Sedequías, mëti'ipë jam Judá yajkutujkpën, mëtoow'it mëti'ipës nkajpxäämpyën maas nxëëwatyën Wintsën: Mijts ka'ap kupuxy m'ooka'any.

Jeremias 19:3

Jëtu'un xy'ënëëmëty: Judá yajkutujkpëtëjk ets miitsëty Jerusalén ja'ayëty, mëtoow'itë ya'atë Wintsën yë y'aaw y'ayuk, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Mëk ëyo'onës nkäxäämpy ma ya'atë kajpnën; ko ënety pën tnijawë'aty, je'eyë nëjkx myony tyuk,

Jeremias 9:20

Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.

Jeremias 7:28

Ënëëmë: Ya'atë jëtu'un naax'ajtp kajpn'ajtp mëti'ipë ka'ap tmëmëtoyën ja Wyintsën Dios ets ka'ap tsoky tii yajtuk'ënëëmëty. Ka'ap tii mëtëy t'ëknimëtyaknë.

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Jeremias 4:28

Mon tuk ja naaxwiinyëtë y'awinpita'any ets ja tsajp jëtu'un yaj'ixa'any tä jeexyë o'kën tëko'oyën të y'ityën. Ëjts tëëjës njanikäjpxy, ni pën të kyajootwinpity; tëëjës ntuknipëjktaakë tiijës ntunäämpyën ets ka'ap tjëkyepy n'ixtëkëwa'akëtyës.

Jeremias 2:4

Miitsëty mëti'ipë yë Jacob y'u'unk'ajtyp y'ok'ajtypyën, mëti'ipë yë Israel myëku'uk'ajtypyën, mëtoow'itë ja Wintsën ja y'aaw y'ayuk.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Isaías 34:8

Jëtu'un nëjkx ja Wintsën ja tsyip y'äkë tyajnaxy, jää jëmëjt nëjkx tyaj'ity ja tëytyu'unën, mëët ko ënety ja Sión kajpn o'ktëy të jyäty të kyëpety.

Isaías 28:14

Paatykyëjxm tyam myaj'ënëëmëtë miitsëty naax kajpnëty, mëtoow'itë ya'atë aaw ayuk, miitsëty yajkutujkpëtëjk ets mëti'ipë ënä'ämtëpën wintsën'ajtëpën.

Isaías 5:3

E tyam miits nyajtëwtë Jerusalén ja'ayëty ets miits Judá ja'ayëty: ¿Pën jëtää ja poky myëët'ajtyp, ja tsatym ëkë ëjtsë?

Isaías 1:10

Miitsëty wintsëntëjkëty, Sodomë ja'ayëty, mëtoow'itë ya'atë aaw ayuk mëti'ipë ja Wintsën kyajpxäämpyën. Miitsëty, Gomorra ja'ayëty mëtoowkukëtë wi'ix ja Wintsën ja y'ënä'ämën y'ënä'änyën.

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Isaías 59:8

Nijënu'un xykyanijawëtë mëti'ipë mëtëy'ajtpën, ka'ap tii mëtëy xytyuntë. Ja tu'u mëti'ipë mpaye'eytyëpën, jëtu'unyë kyunëjkx kyuye'eyë; mëti'ipë jam nëjkxtëpën ka'ap nijënu'un jyotkujk'ata'antë.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Jeremias 51:5

Jä'ä ko yë Israel ja'ayëty ets Judá ja'ayëty, tëë pyokytyuntë mëjwiin këjää ma naax kajpnën, ëjts Wintsën mëti'ipë maaytyääyëpën winë, mëti'ipë yë Israel ja'ay Tyios'ajtypyën, ka'apës tu'ukyë yë Israel ja'ay nja'atyëkoytyë.

Joel 1:2

Mëtoow'itë ya'atë aaw ayuk, miitsëty mëjja'aytyëjkëty ets nitëkokyë miitsëty jënu'un mkunaax'at mkukajpn'atën. Miitsëty nijëna'a jëtu'unpë xykya'ix xykyanijawëtë.

Salmos 81:9

Këtii xymyëët'atëty wiink tios mëti'ipë muum jëkäm ja'ay myëtso'ontëpën; këtii xy'ëwtatëty yë wiink tios ka'apë xy'ixy'ätyën.

Jeremias 2:9

Paaty n'ëna'anyës, ëjts mëti'ipë Wintsën'ajtpën: Nyajpëtë'ëkäämpyës tu'uk ë'ënën ma miitsëtyën ets ma m'u'unk m'okëtyën.

Jeremias 9:7

Paaty ëjts maas nWintsën'atyën, mëti'ipë maaytyääyëpën winë jëtu'unës n'ëna'any: ¿Wi'ixës ja nnaax nkajpn mëpaat n'ëktuny ets y'oyëty? Jëënjotyës npëjkta'aka'any.

Jeremias 11:7

Maju'unëmës nyajpëtsëmyën yë m'ap m'okëty jap Egiptë, kanaak'ok të n'ënëëmëtë etsës xymyëmëtowtëty, jëtu'un ma tsyo'ontäkyën ets tyampaat je'eyëmës jëtu'un n'ënaan'ëtë'ëtsy.

Ezequiel 16:35

Paaty mijts kujenytyo'oxy, mëtoow'it wi'ix yam n'ënëëmëja'anyën:

Oseas 5:4

Yë'ë ka'ap yajwinpityë ma Tiosën yë kajpn yë y'ëxëëktu'un y'ëxëëk kajpxën. Mëët ko jyot nyini'kx tooky tyäky ka'ap tyuk'ijxpaatyë yë Wintsën.

Oseas 12:3

Ka'anëm ënety myëxu'unk'atynyëm ko yë Jacob tkunajxy yë y'äjty ets ko ojts myëjnë'ajnë tsiptuun mëët yë Dios.

Amós 3:1

Israel ja'ayëty, mëtowtë wi'ix ja Wintsën t'ënëëmën ja kajpn mëti'ipë jap Egiptë yajpëtsëëmën: