Oseas 2:9 - Biblia Dc en Mixe de Quetzaltepec

⁹ Paatyës jatëkok nëjkxa'any etsës mpëjkëja'any ja tsajpmok ets ja tsatym nyëë tëëpë nyimaanaxyën ma ënety jam yajpëjkmukanën kyamjoty tyu'ujoty, etsës mpëjkëja'any ja pixyny ets linë wit mëti'ipë ijty nätyukyu'tsëpën.

Biblia Mixe de Quetzaltepec

⁹ Paatyës jatëkok nëjkxa'any etsës mpëjkëja'any ja tsajpmok ets ja tsatym nyëë tëëpë nyimaanaxyën ma ënäty jam yajpëjkmukanën kyamjoty tyu'ujoty, etsës mpëjkëja'any ja pixyny ets linë wit mëti'ipë ijty nätyukyu'tsëpën.

Oseas 2:9 ပူးပေါင်းရင်းမြစ်များ

Ezequiel 16:27

Ënet ojts nyajnitukë ets xykyumëtowëty ja mpoky, ojts njëpëjkta'ayës yë mjë'kxy mpëky ets ja Filistejë ja'ayëty ntukkë'ëtëjkëy mëti'ipë m'ëxëëk ijxëpën ets ka'ap ënety t'oy'ixy ijxtëm m'ëtë'ëtsy m'ëna'anyën oytyuktsëtyuunë.

Ezequiel 16:39

Yë'ë ntukë'ëtëkëjäämpy ets yë'ë nëjkx tyajkutëkooytya'atë maajaty ënety të xy'oytyunyën yë m'awinax ma xytyuunk'atyën yë ëxëëkpë ma oypyënëty xymyo'oyën ja mjot mnini'kx. Nëjkxëp myajpëjkëtyä'äy ja mwit mtujkxy ets ja mkë'ëjän mkë'ëjiits, niwa'ats ëxwa'ats nëjkx myaj'ëxmatsy.

Ezequiel 23:26

Nëjkxëp myajpëjkë yë mwit ets nëjkx myajpëjkëtyä'äy yë mkë'ëjiits mtatsktëy.

Daniel 11:13

Ja yajkutujkpë mëti'ipë anëkëjxytsyowën nëjkxëp jatëkok twoowmuky ja tsyiptuunpëtëjk jaakwäänë nimay ets tëë ënety nyäxy tu'kjëmëjt mäjtsk jëmëjtën ko nëjkx tuknipëjktaakë jatëkok tnitëkëja'any ja yajkutujkpë ëpa'tkë'ëytsyowpë ets jaakwäänë mëk nëjkx tukja'ajnëtë.

Oseas 2:3

Pën je'eyëm tuun'ëtë'ëtsy ëxëëkpë, niwa'ats ëxwa'atsës nyajwë'ëma'any: Jëtu'unës mpëjkta'aka'any niwa'ats ëxwa'ats tä myiinyën naaxwiiny, aanë'ëk tëëtsë'ëkës nyaj'awinpita'any, ets nyajnëëtëëtsë'ooka'anyës.

Oseas 8:7

Ojts tni'iptë poj ets yë'ë yajpëtë'ëkantëp tuupoj; ka'ap nëjkx tyajpëtë'ëktë pyëjktä'äkyëty ma kyam tyu'ujëtyën, ka'ap nëjkx tmëët'atë yë tsyajpmokëty; e ko tjapaatëty wiink ja'ay nëjkx tjë'kxtë tpëktë.

Oseas 9:2

Yë Israel kajpn ka'ap tmëët'ata'any yë tsyajpmok ets y'uvë nëë tëëpë nyimaanaxyën; yë jyemy tsatym nyëë ka'ap myëta'akëty.

Joel 2:14

Wä'änxyëp ka'ap mtëytyunëtëty ets nëjkx mkënu'kxëtë ets mo'ojëtëty yë aaypyajk ujtspajk ets tsatym nyëë mëti'ipë Wintsën mtukwintsë'ëkëtëpën.

Sofonías 1:13

Paaty yë'ëjëty wa'ats yajmä'tsta'aja'antë ma tyaj'itën yu'utsy kë'ëy yë wyit myeenyëty, yë jyëën tyëjkëty nëjkxëp kyutëkooytya'atë. Oy nëjkx jyatëjkkojtë, ka'ap nëjkx yë'ë tuktsëënëtë; oy nëjkx ja tsatsym kam tjanipëjktaakëtë, ka'ap nëjkx yë tsatym nyëë t'uuktë.

Malaquías 1:4

Ko yë Edom ja'ayëty, yë Esaú y'u'unk y'ok, jeexyë y'ëna'antë: Tëë yë nkajpn'ajtëm kyutëkoy, e oy n'akojëmëty, yë Wintsën mëti'ipë maaytyääyëpën winë jëtu'un y'ëtsowa'any: Oy t'akojëtëty, je'eyëp ko nyajma'atäämpyës jatëkok. Yë nyaax kyajpnëty jä'ä nëjkx yajtijy ëxëëk kajpn ets Naax kajpn mëti'ipë xëmë yë Wintsën yajjoot'anpëktëpën.

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.