Oseas 2:19 - Biblia Dc en Mixe de Quetzaltepec

¹⁹ Israel, mijts nto'oxytyëjk'atäämpy xëmëkyëjxm, mpëkäämpy n'uukäämpy tëy jaanty tä kyutukyëtyën ënä'ämënjoty, jä'ä ko ntsojky nja'ap ëmuumtu'ukjot.

Biblia Mixe de Quetzaltepec

¹⁹ Israel, mijts nto'oxytyëjk'atäämpy xëmëkyëjxm, mpëkäämpy n'uukäämpy tëy jaanty tä kyutukyëtyën ënä'ämënjoty, jä'ä ko ntsojky nja'ap ëmuumtu'ukjot.

Oseas 2:19 ပူးပေါင်းရင်းမြစ်များ

Salmos 85:10

Yë tsojkën ja'awën ets tëyajtën tu'knax y'ita'antë, itaanp näjyëtu'un ja jotkujk'ajtën ets ja mëtëypyë,

Isaías 1:27

Mëëtës ja ntëyajtën ets ja oypyë ja ntu'unënës nkajpxënës, nyajtso'okäänpyës jatëkok yë Jerusalén ja'ayëty, ets xynyimintëtyës.

Isaías 54:14

Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Dios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Isaías 54:6

Mijts jëtu'un ojts mjaty mkëpety tä tu'uk to'oxy'ëna'k yajnike'ekyën mëti'ipë naanpëkën, e yë Wintsën yë'ë jatëkok të mmëkäjpxyë ets të m'ënë'ëmxëty:

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënety tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Ezequiel 16:8

Koos jatëkok nnajxy ets n'ijxy ko tëëtëm myä'knë, jyëkyäjpnëp mye'etyëjk mëëttsënaaynyëty. Ënet ojts yë nwitës ntukniye'epy ets ja mjot mnini'kx nyu'tyës ets n'ënëmaay ko mijts nmëët tsëënëjäämpy; ojts tu'uk käjpxytyu'unën nyaj'o'oyëmë ets mijts npëjky. Ëjts Wintsën, ëjts ënaanp.

Ezequiel 39:29

Ka'apës nëjkx njëxk n'ëkja'atyëkooyëtë, jä'ä ko tëëjës yë nmëjajtën nyajnaaxkëtä'äky ma Israel kajpnën. Ëjts Wintsën, ëjts ënaanp.

Oseas 14:4

Jëtu'un yë Wintsën y'ënä'äny: Nyajtso'okantëp yam ma je'eyë mkäjpxykyumëtoownaxtën; ntsokantëp yam oy mkapaat mkanitëkëtë, jä'äs ko tëëjës ja njoot'an xyeemy.

Joel 3:20

Jam ma Judá kajpnën ets Jerusalén kajpnën nëjkxëp ja'ay tsyëënëtë kanaakjëjp.

Zacarías 13:2

Nyajkutëkoyäämpyës tëkokyë yë awinax mëti'ipë yajpatëpën ma naax kajpnën, këtiipë pën t'ëwtatëty. Njëpëkäämpyës näjyëtu'un yë käjpxynyajxpëtëjk ets ëxëëk poj. Ëjts Wintsën, ëjts ënaanp,

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.

2 Corintios 11:2

Ni'ikës miits ntsoktë mëët ja Dios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Dios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.