Oseas 2:15 - Biblia Dc en Mixe de Quetzaltepec

¹⁵ Etsës jatëkok nmo'oja'any yë tsatsym kam, etsës yë Acor yë nyitëjkëtyakn nyaj'awinpitanë akujk'ajt jotkujk'ajtën. Jamës xy'ëtsowa'any tääjës xy'ëtsooyën ko y'ëna'k'ajty, tääjës xy'ëtsooyën ko jap pyëtsiimy Egiptë.

Biblia Mixe de Quetzaltepec

¹⁵ Etsës jatëkok nmo'oja'any yë tsatsym kam, etsës yë Acor yë nyitëjkëtyakn nyaj'awinpitanë akujk'ajt jotkujk'ajtën. Jamës xy'ëtsowa'any tääjës xy'ëtsooyën ko y'ëna'k'ajty, tääjës xy'ëtsooyën ko jap pyëtsiimy Egiptë.

Oseas 2:15 ပူးပေါင်းရင်းမြစ်များ

1 Reyes 16:31

jä'ä ko yë'ë ka'ap ojts ninu'un tmëkjawë ko nän yë'ë ja poky tyuunpy mëti'ipë ja Jeroboam tyuunën, Nabat yë myaank. Ni'ik yë'ë, jä'ä ko ojts mëët pyiky ja Jezabel, yë nyëëx yë Et-baal, mëti'ipë yajkutujkpën jam Sidón ets ojts t'ëwtajnë ja Baal.

Salmos 106:12

Ënätnëm ojts tmëpëktë ja Dios ja wyaantakën ets tkuuy'ëëw tkuuyyaxtë.

Salmos 129:1

Ëjts o'ktëyës të njaty të nkëpety koos të n'ëna'k'aty, wä'än t'ëna'any yë Israel ja'ay,

Isaías 65:10

Ma ja Sarón itjotmën, mëti'ipë Joytyuuyën, nëjkxëp wyintujkta'ay mëët yë kupixyny ets tsajppax; näjyëtu'un jam ma Acor itjotmën, Joytyuuypyë, jam nëjkx y'oktë wyëtstë yë nkajpnës yë tsyajpkaa.

Isaías 65:21

Nëjkxëp ja'ay ja tyëjk tkojtë, ets nëjkx jotkujk tuktsëënëtë; nëjkxëp tpäntë tkojtë ja tsatym, ets nëjkx tjë'kxtë tpëktë ko ënety tyëëmpety.

Jeremias 2:1

Ënet ja Wintsën ojts xymyëkäjpxyës ets xy'ënëmaayës:

Jeremias 2:2

Nëjkx mëmëtya'ak yë Jerusalén ja'ayëty; mëk mya'axëty mjokëty ets tja'akyukëtëty, jëtu'un xy'ënëëmëty: Jëtu'un yë Wintsën y'ënä'äny: Nja'amyetsypës ko mijts m'ëna'k'ajty, xywyinkutsë'këpës ijty koos npëjky n'uky, xytsyojkpës xyjya'apës ijty, ojtsës xypyanëjkx jam të'ëts'itum, ma ja it naaxwiinyëtën ma ka'ap tii y'ity wyintëyën.

Jeremias 29:11

Ëjts nija'ap wi'ixës nimay nitajën winë mëët miitsëty ets oy mjuuky'atëty ka'ap y'ëxëëkëty, jotkujk myajpaatëty. Ëjts Wintsën, ëjts ënaanp.

Jeremias 3:4

Naamnëm xyjyaak'ënëëmës: Tatë, mëti'ipës mëët tu'knax të n'ëna'k'atyën,

Jeremias 32:15

Jä'ä ko yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Ma ya'atë naax kamtëjkën nëjkxëp jatëkok yaa naax kam yajjuy yajkëpety ets nëjkx yë jëën tëjk yajkojy yajmä'kxy ets nëjkxëp yaa jatëkok ja tsatsymkyam yajpëjktä'äky.

Lamentaciones 3:21

Tä tu'uk winma'any mëti'ipës nmëët'ajtypyën njotjoty nwinma'anyjoty ets jämyës yë njot nwinma'any njaakpëjktä'äky.

Ezequiel 16:22

Mijts, ma tyam je'eyë mjot mnini'kx xytyo'knë xyajknën ka'ap xy'ëkja'amyäjtsnë wi'ix ojts mëxu'unk'atyën, ko niwa'ats ëxwa'ats miiny naaxwiiny ets jëtu'un ja ne'pny xytyukyäjtsëtyääynyë.

Ezequiel 16:60

Ëjts tëy wa'atsës nja'amyätsa'any ja käjpxytyu'unën mëti'ipës ntuunën mëët mijts ma m'ëna'k'ajtyën ets ntunäämpyës yë käjpxytyu'unën mëti'ipë xëmë ijtëwaanpën.

Ezequiel 16:8

Koos jatëkok nnajxy ets n'ijxy ko tëëtëm myä'knë, jyëkyäjpnëp mye'etyëjk mëëttsënaaynyëty. Ënet ojts yë nwitës ntukniye'epy ets ja mjot mnini'kx nyu'tyës ets n'ënëmaay ko mijts nmëët tsëënëjäämpy; ojts tu'uk käjpxytyu'unën nyaj'o'oyëmë ets mijts npëjky. Ëjts Wintsën, ëjts ënaanp.

Ezequiel 28:25

Ëjts Wintsën, jëtu'unës n'ëna'any: Nyajmujjkta'ajäämpyës yë Israel ja'ayëty jënu'un yajpaatën axit ako'owë wiink naax wiink kajpn ets jëtu'un nyaj'ixa'anyës ja nwa'ats'ajtënës ma ja naax kajpnën. Yë Israel kajpn nëjkxëp jatëkok yë nyaax kyajpn tniwä'äky ma ja naax kajpnën mëti'ipë ojts yë ntuunpës Jacob ntukumayën.

Ezequiel 28:26

Jam nëjkx jotkujk y'itë tsyëënëtë ets nëjkx tkojtë jyëën tyëjkëty; nëjkxëp jam tpëjkta'aktë kyam tyu'ujëty. Ja naax kajpn mëti'ipë ënety ëxëëk të tunyën yë Israel kajpn nëjkxëpës ntukumëtoy. Jëtu'un nijawëtëty ko ëjts wintsën, mëti'ipë jam Israel Tios'ajtpën.

Oseas 11:1

Ko yë Israel kajpn ënety pyi'k'atynyëm, ntsojkpy nja'apës ijty; yë'ëkyëjxm ko ënety n'u'unk'atyës, ojtsës nyaxtsoy ets tsyoonëty jap Egiptë.

Oseas 12:13

Tu'uk yë käjpxynyajxpë ojts yë Wintsën tukjuuty yë Israel kajpn jap Egiptë ets tu'uk käjpxynyajxpë ojts kyëwent'atëtë.

Oseas 12:9

Ëjts, mëti'ipë Wintsën'ajtpën, mëti'ipë mijts mTios'ajtypyën maju'unëm jap Egiptë myajpaatyën, nyajkutukäämpyës jatëkok ets wit tëjk xytyuktsëënëty, jëtu'un tä jam ojts näpyatëmën wintë'ëtstum.

Oseas 13:4

Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Dios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

Oseas 2:12

Nyajkutëkooyäämpyës yë tsatsym kamën ets y'higo kamëty, mëti'ipë ijty tyijtëpën: Ya'atës xytyukmëjuupy yë n'atsokyjyä'äyës. Äämjyotës nyaj'awinpita'any ets äämjyot yë'ë nëjkx t'ojkta'atë yë aayjëyujk ujtsjëyujk.

Amós 9:14

Ënätës nyajmina'any ja nnaax nkajpnës mëti'ipë ënety të yajpaatyën tsumy matsy wiink naax wiink kajpn. Ets nëjkx tkoj'o'oyëtya'atë ja kajpn mëti'ipëjaty të jyityën ets jam jyuuky'atëty; nëjkxëp yë tsatym tniyu'ujëtë ets nëjkx t'uuktë yë tsatym nyëë; nëjkxëp tkojtë tpäntë yë y'ääy y'ujtsëty ets y'ääy kyepyëty mëti'ipë jyë'kxtëp pyëktëpën.

Zacarías 9:12

Miitsëty jënu'un tsumy matsy myajpaatën, mëti'ipë ka'ap të xyjyä'äytyëkoytyën ja jotkujk'ajtën, winpitë jatëkok jam ma ja kajpnën mëti'ipë ta'tspëky ets këwent'atyën yajpatpën. Jëtu'un miits n'ënëëmëtë ko mäjtsk'oknipety nmo'oja'antë yë kënu'kxën ko të m'ëyowtë.

Juan 10:9

Ëjts jëtu'un ijxtëm ja kemy aawën. Pën tëjkëp ma ëjtsën yë'ë nitso'okaanp. Jëtu'un nyaxa'any ijxtëm ja kupixyny tyëkëtën pyëtsëmtën ets jap jyi'kxypyaatë.

Hechos 14:27

Ko jyajtë jam Antioquía, ënät ojts tyajmujkta'atë ja mëpëjkpëtëjk ets tukmëmëtyaktaaytyë wi'ix ënety ja Dios të tyunyën ma yë'ëjëtyën ets wi'ix ja Dios ja nyë'ë tyu'u të tyaj'ëwa'atsyën ko näjyëtu'un të myëpëktë mëti'ipë ka'ap jyutiis'atën.

Josue 7:26

Ok ojts may tuknipiwtë yë tsaa, tyampaat je'eyëm jam tsaanipiy yaj'ixy. Paaty ojts txëëwmo'otë ja it naaxwiinyëtë Acor. Koonëm jëtu'un jyajtë kyëpäjtë täänëm ja Wintsën ojts tuk'ëwa'anxeemy ja Israel kajpn.

Jueces 8:34

Ojts tja'atyëkooynyëtë ja Dios mëti'ipë ënety të pyutëkëtën oy muum mëët të nyäwyinkuwa'akëtë ja myëtsipëty mëti'ipë ënety ja yajkutëkoyanëtëpën.