Oseas 2:11 - Biblia Dc en Mixe de Quetzaltepec

¹¹ Nëjkxëpës nyajkëxy nyajnaxy yë xyoontakënëty, yë xyëëwëty ets ma po'o u'unk tnixëëwtuntën, ma sapëtë xëëw tpo'kxtën ets tëkokyë xyëëwëty.

Biblia Mixe de Quetzaltepec

¹¹ Nëjkxëpës nyajkëxy nyajnaxy yë xyoontakënëty, yë xyëëwëty ets ma po'o u'unk tnixëëwtuntën, ma sapëtë xëëw tpo'kxtën ets tëkokyë xyëëwëty.

Oseas 2:11 ပူးပေါင်းရင်းမြစ်များ

1 Reyes 12:32

Ojts näjyëtu'un tu'uk ja xëëw tyajnaxkëtä'äky, ma myajkmokx'anyën ja mëtuktujkpo'opë, jëtu'un tä ijty jam xyëëwtuntën ja ja'ayëty ma ja Judá kajpnën ets kë'ëm wyintsë'kën ojts tkë'ëyajkojy ma ja wintsë'këntyaknën. Ya'atë ojts jam tuny Betel, ko tmooy ja wyintsë'kën ja tsajpkaa ayääkë, ma ënety ja nyiteety kë'ëm të tpëjktakën.

Jeremias 16:9

jä'ä ko ëjts, Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, ëjts ënaanp: Nyaj'atëkoyäämpyës ja xëëw ets ja xoontakën, ja ëy yä'äxy ma yajwin'ëwtën ja pëjkpë ukpë. Ya'atës nikäjpxyën jää tyuna'any jyata'anyë ma ënety mjuuky'atën ets nëjkxëp kë'ëm xy'ixtë.

Jeremias 25:10

Ëjts ka'apës n'ëwa'atsa'any nijëna'a ets jam jatëkok yë ja'ay xyi'ik y'ëwë'ëkëty ëkë y'ëwëty ya'axëty akujk jotkujk, ka'ap nëjkx pëjkpë ukpë y'ëknänyikaayënë, ka'ap nëjkx ja'ay y'ëkyajmëtoownë tsaa tukjëtsy ets yë'ëpaat nëjkx ka'ap yë kutë'kxn y'ëktë'kx y'ëkjajnë.

Jeremias 7:34

Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Ezequiel 26:13

Jëtu'unës nyajjëjptuka'any ja m'ëy myä'äxy ets ka'ap y'ëkyajmëtowanë yë mkow.

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

Oseas 5:7

Tëë yë Wintsën tmëtëkoytyë, jä'ä ko tam yë y'u'unk tmëëtëty mëti'ipë wiinkteety tyeety'äjtypyën. Mëët ko ja pëjkën ukën të tkawinkutsë'ëkë, tu'kpo'o je'eyë nëjkx yë nyaax kyajpn kyam y'ëyo'onpata'ay.

Amós 5:21

Ëxëëkës n'ixy ko mxëëwtun mxëëwkajpxtë; ëxëëkës n'ixy ko mtu'ukmuktë ets nyätyijyë xy'ëwtatë Dios.

Amós 8:3

Jä'ä xëëw jëëpyë yaxpë nëjkx y'awinpijta'atë ja ety xoontä'äky. May ja ja'ay y'ooka'antë ets may nëjkx Amón api'its nyaaxtëkëtë jam kajpnpë'am. Yë Wintsën jëtu'un ënaanp.

Amós 8:5

miitsëty mëti'ipë ënantëpën: Tim je'eyë xëëw nyaxëty ma yajnixëëwtunyën yë po'o ko pyi'k'aty, tääts nto'kmëty yë tsajpmok. Tim je'eyë xëëw nyaxëty ma yajmëjjawën yë po'kxënxëëw tääts nto'kmëty yë aaypyajk ujtspajk mëti'ipë nmëët'ajtëmën ets ka'ap kä'pxy nkijpxmëty ets tsow nto'kmëty.

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.