Oseas 14:3 - Biblia Dc en Mixe de Quetzaltepec

³ Yë Asiria ja'ayëty ka'ap tjëkyepy xyajtsokmëty ets ka'ap tjëkyepy kwaaykyijxy nkäkmëty. Ka'ap mëpaat n'ëkmëkäjxënë wintsën mëti'ipë kë'ëm nyajkojëmën, jämyë ma mijtsën Wintsën, jämyë yë ku'ooky u'unk tpaatë yë näpya'ëyow nänyajts'ëyowë.

Biblia Mixe de Quetzaltepec

³ Yë Asiria ja'ayëty ka'ap tjëkyepy xyajtsokmëty ets ka'ap tjëkyepy kwaaykyijxy nkäkmëty. Ka'ap mëpaat n'ëkmëkäjxënë wintsën mëti'ipë kë'ëm nyajkojëmën, jämyë ma mijtsën Wintsën, jämyë yë ku'ooky u'unk tpaatë yë näpya'ëyow nänyajts'ëyowë.

Oseas 14:3 ပူးပေါင်းရင်းမြစ်များ

2 Crónicas 16:7

Jä'ä xëëw jä'ä jëmëjt ojts ja Wintsën ja kyäjpxynyajxpë Hananí nyijkxy ma ja Asá yajpaatyën ets t'ënëëmëja'any: Yë Siria ja'ayëty yë tsyiptuunpëtëjk tëë ja m'ëxmatsyë, jä'ä ko mijts yë'ë të xytyuk'ijxpety ets ka'ap yë'ëjëty yë mWintsën ja myëk'ajtën të xymyëmay të xymyëtajy.

Salmos 10:14

Tëë mijts kë'ëm xy'ixy wi'ix ëxëëk y'ëtë'ëtstën y'ëna'antën. Tëë kë'ëm xy'ixy ets mijts ënät mpatëp wi'ix xytyukkumëtoy. Jam ma mijtsën myintë ka'apë tjëkyepy nyäkyuwa'anëtëtyën; mijts mputëjkëp yë ku'ooky u'unk.

Salmos 146:3

Këtii xytyuk'ijxpätëty yë naaxwiinyëtë ja'ay ko mëj'äämpy yajpaaty ma myënaaxwiinyëtë ja'ayën mëti'ipë ka'ap myäyëtëtyën yajnitso'okëty.

Salmos 146:9

Yë Wintsën kyuwäämpy yë jaaypyaat jaaypyo'kxy, Kyëwent'ajtyp yë ku'ooky u'unk ku'ookytyo'oxy, e yë ëxëëkja'aytyëjk yë'ë kë'ëm yajnë'ëtëkoopy yajtu'utëkoopy.

Salmos 33:17

ka'ap tjëkyepy yë kwaay yajtso'okëtëty; oy jënu'un jyamëk'atë nitii tkatuntëty.

Salmos 68:5

Dios, mëti'ipë ijtpën ma tsyajptëjkën, yë'ë nyiteety'äjtyp yë ku'ooky u'unk ets yë'ë näjyëtu'un pyutëjk pyupejtyp yë ku'ookytyo'oxy.

Isaías 1:29

Nëjkxëp xytyuktsëtyuntë tääpë xoj kepy, tääpë pëjykyam mëti'ipë m'oy ijxtëpën, ma xywyintsë'ëkëtën ja tsaa ets kepy ëkë oynatii.

Isaías 2:20

Ko ënety ja xëëw jëmëjt tpaaty, nëjkxëp ja ja'ay ja y'awinax t'ixjëpijpta'atë ma ja teptsy yunën ets ma ja tëëxy pyä'änën, mëti'ipë ënety të t'oytyuntën mëët ja pu'ts pujxn ets poop pujxn.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Isaías 30:16

je'eyë të m'ëna'antë: Nikë oy ntimkyäkmëty, kwaaykyijxy nkäkmëty. Oy, kä'äktë. Tëë m'ëna'antë: Yë'ë ntukäkmëp kepy wintëkäämpë mëti'ipë mëk pëyë'kpën. Je'eyëp ko ja mmëtsipëty mëk ni'ik pyëyë'ëktë poj'am nëjkx mnajtspaatëtë.

Isaías 30:2

Jap pëyi'ikyë nyëjkxtë Egiptë, ëjts ka'apës pën tii xyajtëy; ja yajkutujkpë faraón jä'ä tyukjotkujk'ajtëp, jap Egiptë kyäktso'oktë.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Isaías 31:3

Yë Egiptë ja'ayëty, ja'ay yë näjyëtu'unëty, ets ka'ap tyios'atë; yë këwaayëty, jëyujk yë'ëjëty ets ka'ap pyoj'atë. Yë Wintsën nipëtë'ëkanëtëp yë'ëjëty ets tyiytyuna'anëtë, tu'ukyë ëxëëk jyata'an kyëpäta'antë, jëtu'un ja mëti'ipë kuwaanpën ets mëti'ipë yajkuwaanpën.

Isaías 36:8

Nikë tun tu'uk ja käjpxytyu'unën mëët yë nwintsënës, mëti'ipë jam Asiria yajkutujkpën ets tyam nmo'ojëty nimäjtsk mil yë kwaay pën mpatyp yë nyija'ay mëti'ipë tyuk'u'unyëtëpën.

Jeremias 49:11

Wä'än ja mku'ooky u'unktëjk twë'ëmy mëët ëjts, ëjts nkëwent'atëp. Ja to'oxytyëjkëty ku'ookyëtypë ëjts nkëwent'atëp.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Ezequiel 37:23

Näy ka'ap nëjkx y'ëknätyukyaj'ëxë'kënëtë ja awinax ëkë wiinkëtypë ja tios, ka'ap nëjkx nëkoo ja nëë poky t'ëk tuuntëkooynyëtë. Nëjkxëpës npokymyä'kxtë oy ënety tiijaty të tuntë ets nëjkxëpës nyajpokywya'atstë. Yë'ë nëjkx nkajpniwa'antës ets ëjts nëjkx xyTyios'atës.

Oseas 12:1

Yë Efraín poj jyi'kxyp: Tu'kxëëw tpaye'ey yë poj mëti'ipë xëëwpëtsëmtsyow tso'onpën. Këjääjëp yë wyin'ë'ënën ets tsyip y'äkë. Yë Asiria ja'ay yë'ë mëët käjpxytyu'unën tuny ets Egiptë ja'ayëty tyuknikejxyp yë olivë on tä tu'uk näynyamo'ojën.

Oseas 13:2

Ja ja'ayëty je'eyëm pyokytyuun'ëtë'ëtstë. Yajjëëytyëëwtëp yë poop pujxn ets t'oytyuntë y'awinax jëtu'un ijxtëm wyinma'anypyaatën ets jëtu'un ijxtëm yë pujxn'oytyuunpë t'oy'ixyën ets y'ëna'antë: Mo'otë wyintsë'kën ets ja ja'ay tjanty tsyu'kxtë ja y'awinaxëty mëti'ipë jëtu'un këxë'kpën tä tsajpkaa'u'unkën.

Oseas 14:8

Ets Efraín nëjkx y'ënä'äny: ¿Tiijës nyajwa'anëty yë awinax? Kë'ëmës winë n'ixy ets kë'ëmës n'ijx'ity yë nnaax nkajpn. Jëtu'unës ëjts tä tu'uk yë tsiin kepyën xëmëpë tsyuxk'ityën, ma ëjtsën tpaata'any yë nnaax nkajpnës yë jyi'kxy pyiky.

Oseas 2:17

Njëpëjkta'ajäämpyës ma wyiin y'aawën yë Baal yë xyëëw ets ka'ap nëjkx nijëna'a yë Baal y'ëkyajkajpxpatnë.

Oseas 4:12

Yë nnaax nkajpnës jam winë tyajtëy ma kyepy tyë'ëtsën; tam yë kyepy tkë'ëkap'aty mëti'ipë tyuknasja'apën. Tëës xy'ëxmajtsnë. Jëtu'un ijxtëm tu'uk yë to'oxytyëjkën mëti'ipë tyo'kpy yäjkpyën nyini'kx, näjyëtu'un miitsëty tëë mnäyajkënë ets xywyintsë'ëkëtëty wiink tiosëty.

Oseas 5:13

Ko yë Efraín nye'ixëtëty pëjkëp ijxëp ets Judá t'ijxpaatëty yë tsyëtyut, ënät nëjkx yë Efraín nyijkxy jam Asiria ets putëjkën t'amëtowëty ja Asiria yajkutujkpë, e yë'ë ka'ap nëjkx myäyë wi'ix yajtsokxëtëty ja pyu'uts ets ja tsyëtyut.

Oseas 7:11

Yë Efraín jëtu'un tä tu'uk yë pakën tëëpë kyumu'ukyën, ka'apë wyijyëtyën: Y'amëtoopy yë näypyutëkë jap Egiptë ets nän y'amëtoopy yë näypyutëkë yë Asiria ja'ayëty.

Oseas 8:6

Tääpë Samaria ja'ay y'awinaxëty mëti'ipë y'ëwtajtëpën, ka'ap yë Tyiosëty, tsäjtspë ja'ay të yajkojyë ets ma'ataanp yë'ë.

Oseas 8:9

Mëët ko yë Asiria kajpn të t'amëtowtë yë näypyutëkë ets të jyatë tä tu'uk jëyujk mëj ja'ayën ka'apë y'ëkja'akyujkënën. Yë Efraín tëë tyajkwä'kxy yë näynyamo'ojë ets ja'ay pyutëkëtëty.

Jonás 2:10

Ënet ja Wintsën ojts ja nëë jëyujk tyajnëjkxy jam nëëpë'am ets ja Jonás yaj'ix'ë'tsy.

Zacarías 13:2

Nyajkutëkoyäämpyës tëkokyë yë awinax mëti'ipë yajpatëpën ma naax kajpnën, këtiipë pën t'ëwtatëty. Njëpëkäämpyës näjyëtu'un yë käjpxynyajxpëtëjk ets ëxëëk poj. Ëjts Wintsën, ëjts ënaanp,

Juan 14:18

Ka'ap miits ku'ooky u'unkën nyajwë'ëma'antë; winpitaanpës jatëkok ets miits mëët nyajpaata'anyës.

Deuteronomio 17:16

Ja ja'ay mëti'ipë ënety ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.