Oseas 13:9 - Biblia Dc en Mixe de Quetzaltepec

⁹ Nyajkutëkoyäämpy yam mijts Israel ets ka'ap pën myäyëtëty t'akajpxtukëty.

Biblia Mixe de Quetzaltepec

⁹ Nyajkutëkoyäämpy yam mijts Israel ets ka'ap pën myäyëtëty t'akajpxtukëty.

Oseas 13:9 ပူးပေါင်းရင်းမြစ်များ

Jeremias 2:17

Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Dios mëti'ipë ijty mtu'uwinwoowëpën.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Dios. Ëjts Wintsën mëti'ipë maaytyääyëpën winë, ëjts ënaanp.

Deuteronomio 33:26

Ni pën tkamëpaatëty yë Dios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.

Oseas 14:1

Israel, niwinpit yë mWintsën Dios, mijts mpoky ëxëëk të myajjatyë.

Jeremias 5:25

E ja poky mëti'ipë të xytyuntën, jä'ä të tyajtëkajtsta'ay winë ets ka'ap xytyukxoonta'aktëty mëti'ipë mjapat mja'ijxtëpën.

Malaquías 1:9

Miitsëty jyëkyejpy xy'amëtowtëty yë Dios yë pa'ëyo'owën najts'ëyo'owën. Je'eyëp tëy ko jëtu'unpë wintsë'kën xymyo'ojantëpëty ka'ap nëjkx tkupëky ets ka'ap nëjkx myaj'ëxajëtë oy. Yë Wintsën mëti'ipë maaytyääyëpën winë, jëtu'un y'ënä'äny:

Oseas 13:4

Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Dios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

Isaías 3:9

Ja y'ëxëëkjot y'ëxëëk winma'any yë'ë kë'ëm ëxaty nätyuktuunëtëp, jä'ä ko ja nyëë pyokyëty ka'ap tjëkyepy tkuyu'utstëty; timjëtu'un tä tëkok jyäjty kyëpejtyën yë Sodomë kajpn, ojts ja naax kajpn tuknija'awëtyä'äy wi'ix ënety tyëkoyën. Janty mon janty tuk yajpaatë, kë'ëm nyäyajkutëkoya'anëtë.

Proverbios 8:36

e koos pën xy'ëxmatsy, jëtu'un tä jeexyë atsë'ëkëtuuy nyäpyëjktä'äkyën; pënës xy'ëxëëk'ijxp, o'kën tsyojkën'ajtyp.

Proverbios 6:32

Tsuu yë ja'ay mëti'ipë wiink to'oxytyëjk mëët jyëtityën. Mëti'ipë jëtu'unpë tyuunpyën, kë'ëm nyäyajtëkoyë.

Salmos 146:5

Janty jotkujk yë ja'ay yajpaaty mëti'ipë yë putëjkën y'ëxajëpën ma Tiosën, Dios, mëti'ipë Jacob y'ëwtajtën, mëti'ipë jam pyëjktäkpyën yë jyot wyinma'any ma Wintsënën mëti'ipë Tyios'ajtypyën.

Salmos 46:1

Dios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Salmos 33:20

Ëëtsëty yë'ëjës yë Wintsën ntukjotkujk'ajtëp; yë'ëjës xypyutëjkëtyëp ets xykyuwantëp.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënety myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënety amëj akëjxm jyä'äy'atën.

Jeremias 4:18

Mëët ko yi'iyë të xytyuny mëti'ipë ëxëëkën, paaty o'ktëy të mjaty; mëët ko të mtuuntëkoy, paaty të mjoottëkëty ja ëyo'on ets tëë ja mwinma'anytyëkoy.

Malaquías 1:12

E miitsëty, ni'ikyës xyajjoot'anpëktë, maaytyëp mtajtëp jëtää, koos jyëkyejpy ixtijy nwë'ëmëtyës ets jyëkyejpy jä'ä nyajmo'ojëtyës ja kääky jë'kxy ka'apë pën t'ëk tsojknën.

Malaquías 1:13

Miitsëty jëtu'un m'ëna'antë: Tëës nmëtsipkä'äxnëtë tu'kë'ëyë ya'atë. Xy'ixtijnëtëpës. Ets ni'ikyë mmaytyë mtajtë ko ntukxoontäkpyës ko xymyëmintë ja kupixyny ëkë ja tsajpkaa mëti'ipë meetsyën ëkë tekymya'atën ets jä'ä xytyukwintsë'ëkëja'antës

2 Crónicas 28:23

Ni'ikyënëm ojts ja wyintsë'kën tmo'oy ja tios mëti'ipë Damaskë ja'ay y'ëwtajtëpën, yë'ë ojts yajtëkoyë. Jëtu'un ojts myäy tyäjy pën tyaapë tios yë'ë të tputëkë yë Sirië yajkutujkpë näjyëtu'un nëjkx pyutëkëty ko tmo'ojëty yë wyintsë'kën. E yë'ë ni'ikyënëm ojts o'ktëy yajjatyë ets o'ktëy ja nyaax kyajpn tyajjajty tyajkëpejty.

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Oseas 7:15

Ëjts ojtsës njayaj'ijxpëktë ets jyamëët'ajtë ja mëk'ajtën, e yë'ëjëty wiinkjaty ojts xynyimay xynyitajëtës.