Oseas 13:8 - Biblia Dc en Mixe de Quetzaltepec

⁸ Jëtu'un nipëtsëma'any tä Osë tnipëtsëmyën yë y'u'unk mëti'ipë të ye'eytyëkoyën, etsës ntuktsu'utsëja'any ntukwëtsëja'any yë jyot. Jämyë maas ënety nmatsyën jämyës ntsu'utsa'any nwëtsa'any; tä tu'uk yë jëyujkën jëtu'un ntuktëjëja'any ntukwaxëja'any.

Biblia Mixe de Quetzaltepec

⁸ Jëtu'un nipëtsëma'any tä Osë tnipëtsëmyën yë y'u'unk mëti'ipë të ye'eytyëkoyën, etsës ntuktsu'utsëja'any ntukwëtsëja'any yë jyot. Jämyë maas ënäty nmatsyën jämyës ntsu'utsa'any nwëtsa'any; tä tu'uk yë jëyujkën jëtu'un ntuktëjëja'any ntukwaxëja'any.

Oseas 13:8 ပူးပေါင်းရင်းမြစ်များ

2 Samuel 17:8

Mijts wa'ats xynyijawë ko yë mteety ets jyä'äy jotmëk yë'ëjëty; tyam yajxon jam jyottoyëtë tä tu'uk yë uk'iinpën ko muum yë myëku'uk t'a'ijxnaxy. Ets näjyëtu'un yë mteety wa'ats yë tyäty nyijawë wi'ix yë tsip tyunyën, tyam m'a'ijxëp xyij jam myaanaxyë ma ja myëku'uktëjkënë.

Salmos 50:22

Ja'aykyukëtë yajxon ya'atë, miitsëty jënu'un yë Dios ijxtëkoy ja'atyëkoy xyaj'itën, këtiipë ajotkumonë n'awots ntukwotsëtëty ëkë ëxëëk ntuntëty ma ka'ap pën myajtso'oka'anëtën.

Salmos 80:13

Yë ujts ëtsëm jëtu'unyë tuknuk tukwëtsë ets jëyujk tsajpkaa mëti'ipë ëwa'anëtyën jëtu'unyë t'akääp tukääpëtë.

Proverbios 17:12

Nikë oy ko muum osë npatmëty këtiinëm yë tsuuja'ay ka'apë jyä'äkyukën.

Isaías 5:29

Jëtu'un nyiitsy tä kaajën, tä kaajën mëti'ipë të jyëyujk matsyën, ets tmënëjkxy ja jëyujk ooky, pën ëkpëjkëtëp.

Isaías 56:9

Miinta'atë ëwa'anjëyujkëty; yukjotypë mtsëënëtën, mëti'ipë tsyu'tstëpën ja tsajppax ets kupixyny,

Jeremias 12:9

Jëtu'unës yë nnaax nkajpn tä tu'uk yë joonën mëti'ipë janty'oy yë jyëmkën, mëti'ipë tukmëtsip'ajtëpën ja myëku'uk ko y'oyëty ja jyëmk. Miinta'atë nitëkokyë aayjëyujk ujts jëyujkëty mëti'ipë ëwa'anëtyën ets mtu'ukmuktëty ets mjë'kxtëty mpëktëty.

Jeremias 25:38

Jëtu'un të tnipëtsëmy ja naax kajpn tä tu'uk kaa pyëtsimyën y'ijtaknjoty ets ëxëëk tuuny ja naax kajpn, jä'ä ko ja Wintsën ja tsyip y'äkë jëënën tsyooypyijky, paaty tyajnaaxkëtäky ja jëën tsip.

Oseas 2:12

Nyajkutëkooyäämpyës yë tsatsym kamën ets y'higo kamëty, mëti'ipë ijty tyijtëpën: Ya'atës xytyukmëjuupy yë n'atsokyjyä'äyës. Äämjyotës nyaj'awinpita'any ets äämjyot yë'ë nëjkx t'ojkta'atë yë aayjëyujk ujtsjëyujk.

Oseas 5:14

Tä yë kaa jyëyujk matsyën jëtu'unës yë Efraín ets Judá ntukja'ta'any; je'eyës piw nuuk ntuunta'aja'any etsës nëjkxankojnë; ëxëëkës ntuna'antë ets ka'ap nëjkx pën yaj'ëwaatsëpëtsëmyë.