Oseas 13:16 - Biblia Dc en Mixe de Quetzaltepec

¹⁶ Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënety u'unk mëëtëtyën nëjkxëp yë jyot y'ëwatsta'atë.

Biblia Mixe de Quetzaltepec

¹⁶ Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënäty u'unk mëëtëtyën nëjkxëp yë jyot y'ëwatsta'atë.

Oseas 13:16 ပူးပေါင်းရင်းမြစ်များ

2 Reyes 15:16

Ënet ja Menahem tyajkutëkooy ja Tifsah ets jap winë tyajpëtsëëmtaay ma ja y'itjot nyaaxjotmën, timpyatso'ontäky jëtu'un jam Tirsá ets mëti'ipë ënety ja to'oxytyëjkëty ja u'unk maay pyaatantëpën wa'ats ojts tmoxmëku'umëtyä'äy. Paaty jëtu'un tuuny jä'ä ko ka'ap ënety ja kajpn ja tyëjk'aaw të tyaj'ëwatstë ets yë'ë tyëjkëy.

2 Reyes 17:18

Paaty ojts ja Wintsën tukjoot'anpëjknë ja Israel ja'ayëty, tyajkutujknë ets o'ktëy jyajnëtëty; paaty ojts ja Wintsën y'ëxwojpënëtë jam ma ënety yajpaatën, yi'iyë jaakwë'ëmtë ja Judá ja'ay.

2 Reyes 17:5

ok tnitëjkëtyääy ja naax kajpn oymyëti'ipëty, ja Samaria kajpn tëkëëk jëmëjt ojts natuky tyaj'ity.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 8:12

ets ja Hazael yajtëëwë: ¿Tii ko myä'äxy Wintsën? Tä ja Elisejë y'ëtsooy: Jä'ä ko nija'apës wa'ats ko mijts ëxëëk nëjkx jëna'a xytyuny yë Israel ja'ayëty, nëjkxëp yë nyaax kyajpn ets tsyënaaytyakn xynyino'kë ets y'ëna'ktëjk xyaj'o'k xyajtëkooyë, yë'ëpaat yë pi'k ëna'k mëti'ipë je'eyë miinpnëmën naaxwiiny ets mëti'ipë jap tyaakjootjoty yajpatpnëmën; nëjkxëp ja to'oxytyëjktëjk ja jyot myääts xytsyujkë xyjyë'të.

Isaías 13:16

Nëjkxëp t'ixtë ko ënety y'u'unk y'ëna'k y'ooktë; yë jyëën tyëjkëty nëjkxëp yajtuktsëëmtuta'atë, ets ja tyo'oxytyëjkëty nëjkxëp yajwits yajjëtutë.

Isaías 17:3

Efraín, mëti'ipë Israel ja'ayëty tyukmëjnajxtëpën, ka'ap t'ëkmëët'atanëtë ja nyaax kyajpn ma nyäkyuwa'anëtëtyën; nän timjëtu'un yë Damaskë kajpn jyata'any mëti'ipë jam Sirië jaakwë'ëmpën, kutëkoyaanp ja kutujktakn.

Isaías 8:4

Jä'ä ko ka'anëm ënety kyajpxë'ëkynyëm ko nëjkx yajnitëkë yë Damaskë kajpn ets Samaria kajpn; tëkokyë mëti'ipë ënety jap kajpnjoty yajpatpën, ja Sirië yajkutujkpë nëjkx tmënëjkxta'ay.

Oseas 10:2

Mäjtsk yë Israel yë jyuukyjot të nyäwyä'kxyë, tyam kyëpätäämpy ja nyëë pyoky. Yë Wintsën yajkutëkoyäämpy yë wintsë'këntyakn ets jyijtë'ëkäämpy yë tsaatsetsy mëti'ipë kënu'kxy yajnajxtëpën.

Oseas 11:6

Tunanëp yë tsip ma nyaax kyajpnëtyën ets kyutëkoyä'äny mëti'ipë ta'tspëky ets këwent'atyën, mëët ko ënety ëxëëkëty të myäy të tyajtë.

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Amós 1:13

Jëtu'un yë Wintsën y'ënä'äny: Yë Amón ja'ayëty mëj këjää yë nëë poky të tuuntëkoytyë paaty kopkpëky koos ntëytyuna'antë; jä'ä ko yë'ëjëty ko ja nyaax kyajpn tyajmëjëjantë, yaj'o'ktë ja to'oxytyëjk mëti'ipë ënety u'unk maay nyëkëjxm'ajtëpën ets tmoxmëtsujkëtyääytyë mëti'ipë jam Galaad yajpatëpën.

Amós 3:9

Nimëtya'aktë ja aaw ayuk jam Asdod ets jam Egiptë ma kutujkëntëjkën: Mintë ma Samaria kopkën; min ixtë wi'ix y'ëtë'ëtstë y'ëna'antën ets wi'ix ja'ay y'ëyowtën tsipjoty.

Amós 9:1

Ënätës yë Wintsën të n'ixy jam winkon ma wintsë'këntyaknën, etsës të xy'ënëëmë: Wojpyu'kx të tëjk'ateeny koonëm kyëtawëty yë tëjk akaj; ets jam tyëjtakta'ajëty ma ja'ayëtyën. Mëti'ipë juuky wë'ëmtëpën ëjts nkupujxta'ajäämpy: Oy pën jyakä'äka'anëty ka'ap nëjkx tsyo'oky;

Miqueas 1:4

Jëtu'un yë tun kopk jyiiywya'kxa'any ma tyekpya'tkën tä yë cerë jyiiywyä'kxyën ko yajjëënkupëky ets joy it jëtu'un mäjtskpëky wya'kxa'any tä jeexyë mëj komnëë të nyäwyä'kxyën.

Miqueas 6:16

Jä'ä ko mijts yë'ë të xypyanëjkxy ets të xytyuny ja Omri ja y'ënä'ämën ets ja Ahab ja jyiiky myëku'uk; jëtu'un winë të xytyuny tä yë'ëjëtyën. Paaty mijts ets mnaax mkajpn atsë'ëk ajawë jyata'antë ets je'eyë nëjkx yajnëxi'ik yajtukxi'iktë, ja nnaax nkajpnës ja tsyëtsyu'un jam nëjkx kyëtakta'ay ma mijtsën.

Nahúm 3:10

E yë Tebas kajpn ojts tsumy matsy wiink naax wiink kajpn yajmënëjkxnë; yë y'u'unk y'ëna'këty jam yajmëjjëpijptaaytyë ma potsy tyäkyën; mëti'ipë ënety wyintsën'ajtypyën je'eyë ojts yaj'ijxpëtsëëmnëtë ets tsyiptuunpëtëjk aak kë'ëtsumy ojts yajmënëjkxnëtë mëët yë pujxn jo'oky.