Oseas 13:15 - Biblia Dc en Mixe de Quetzaltepec

¹⁵ Oy yë Israel jyayaj'ixëty pëjyën, jam yë jëënpoj tsyoona'any maatsow yë xëëw pyëtsimyën, yë mëkpoj mëti'ipë jam të'ëts'itjotm tso'onpën, yajtë'ëtsäämpy ets yajkëxäämpy yë nëëkopk. Yë mëtsip yë'ë pëjkëtya'ajanëp yë wyit myeeny, yë nyantsëm kyë'ëjiits ets tyatsktëy.

Biblia Mixe de Quetzaltepec

¹⁵ Oy yë Israel jyayaj'ixëty pëjyën, jam yë jëënpoj tsyoona'any maatsow yë xëëw pyëtsimyën, yë mëkpoj mëti'ipë jam të'ëts'itjotm tso'onpën, yajtë'ëtsäämpy ets yajkëxäämpy yë nëëkopk. Yë mëtsip yë'ë pëjkëtya'ajanëp yë wyit myeeny, yë nyantsëm kyë'ëjiits ets tyatsktëy.

Oseas 13:15 ပူးပေါင်းရင်းမြစ်များ

Génesis 41:23

Jam ix'am wiinkpë yontë nän niwëxtujk yë tsajpmok kepy, e jä'äjëty të'ëtsëty kyëxë'ëktë ets xootsëty ets tëë yë xëëw'an tsyääytyääyënëtë ets të pyojkëtaawtaaynyëtë.

Génesis 41:52

Ja mëmäjtskpë jä'ä txëëwmooy Efraín ets y'ënäny: Tiosës yë u'unk maay të xymyo'oy ma ja naax kajpnën maas mëk të n'ëyoyën.

Génesis 41:6

Jam wiinkpë t'ijxy yony niwëxtujk të'ëtsëty ets tëë yë xëëw'an tsyääytyääyënë.

Génesis 48:19

E yë tyeety ka'ap jëtu'un t'a'ijxëy ets y'ëtsooy: Ëjts nija'ap u'unk, ëjts nija'ap; yë'ë nëjkxëp näjyëtu'un yë kyajpn y'awinpity mëjwiin këjää, je'eyëp ko ni'ik nëjkx mëj'äämpy y'ity yë y'uty yë nyaax kyajpn ets y'u'unk y'ok wäänë nimay nëjkx yë nyaax kyajpn tyaj'ixta'aktë.

Génesis 49:22

Yë José jëtu'un yë'ë tä aay ujtsën mëti'ipë nëë''ëkë'ëy tënääpyën, ets tyëëmpety janty may, yë xye'enty jyi'tsk jëtu'un tjantynyiyoonaxtë yë potsy.

Job 18:16

Jëtu'un jyata'any tä tu'uk yë kepyën mëti'ipë tëë yë tyikts tyëtstaaynyën ets tëë yë y'ääy nyëka'ataaynyë ets xyo'tstaaynyë.

Salmos 1:4

E yë ëxëëkja'aytyëjkëty ka'ap jyëtu'un'atë, jä'ä ko jëtu'un yë'ëjëty tä aaykyëta'akën mëti'ipë winpapojpën.

Salmos 109:13

Wä'än timkyixy timnyäxy yë y'aptëjk, ets wä'än timy'atëkoy yë xyëëw.

Isaías 14:21

Nipëjktaakëtë ets xyaj'ooktëty ja y'u'unk y'ëna'këty ja ja'ay mëti'ipë ja tyeety tyaak të yajja'ay'ooktën, këtiipë y'ëkjää'ajtnëty mëti'ipë je'eyë myëmay myëtajëpën wi'ix ja naax kajpn o'ktëy tuntëty ets je'eyë xii yaa muum ja kajpn tyaj'ixta'aka'anëty.

Isaías 17:13

Ko ja Wintsën y'ojëtë, ënätyë kyääkjoktë ets jëkäm nyëjkxtë, jëtu'un tä pu'uxm wyimpapojyën tunkëjxm, jëtu'un tä äpnytyë'ëts pyojë'ëkyën ko mëktuupoj myiny.

Isaías 27:8

Ko yë Dios yë nyaax kyajpn të yajjoot'anpëkyë, je'eyë wiink kajpn të tnajtskäxë, je'eyë ojts yë nyaax kyajpn tuk'ëxmatsy ijxtëm tu'uk yë pu'uxm pyojke'ekyën, ijxtëm tu'uk pu'uxm wyimpapojyën mëët jëënpoj mëti'ipë tso'onpën xëëwpëtsëmtsyow.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Dios xytyukxoonta'akëty, ja Wa'atspë yajpaatyën jam ma Israel kajpnën.

Jeremias 20:5

Yë mëtsip yë'ë nëjkx nkë'ëmooytyä'äyës tëkokyë wit meeny mëti'ipë yaajën naaxjoty kajpnjoty, tëkokyë ja naax kam, wit tujkxy ets apëjk atu'unën mëti'ipë tsowëtyën; mëtsip nëjkx tjä'ä'ajta'ay ja wit meeny mëti'ipë ja Judá yajkutujkpë të tnipëjkpetyën, tëkokyë aak Babilonyë nëjkx yajmënëjkxta'ay.

Jeremias 4:11

Ko ënety jëtu'un ja xëëw jëmëjt tukja'ty, tääts nëjkx ja Jerusalén ja'ayëty yaj'ënëëmëtë: Mëkjëënpoj miimp mëti'ipë jam tso'onpën të'ëts'itjotm ets nitëyë nyijkxy maas yë nnaax nkajpnën. Ka'ap yë'ëjëty tëtykpyoj mëti'ipë yajtukwinpojpën yë tsajpmok;

Jeremias 4:12

ja mëkpoj mëti'ipës nyajminäämpyën, mëkës nyaj'ita'any, ka'ap tjëkyepy ets tsajpmok yajtukwinpojëty, yë'ëjës ntukwinmëtowantëp jënu'un ëyoowtaknjoty y'ita'antën.

Jeremias 51:1

Jëtu'un yë Wintsën y'ënä'äny: Nkäxäämpyës tu'uk yë mëkpoj mëti'ipë winë yajkutëkoyäämpyën ma Babilonyë kajpnën, ma caldeo ja'ay tsyëënëtën.

Jeremias 51:36

Jëtu'un yë Wintsën y'ënä'äny: Ëjts mijts nipaye'eyäämpy ets mmëtsip ntukukëpäta'anyës ijxtëm të mtunyën. Nyajtëtsta'ajäämpyës yë mëjnëë ets nëë wok jampë Babilonyë yajpaatyën,

Ezequiel 17:10

Oy jyayajpääntëkatsëty, ka'ap nëjkx jyiitsy; jää nëjkx tyëtsta'ay ko ënety myiny ja jëënpoj mëti'ipë xëëwpëtsëmtsyow tso'onpën; jam tsyë'ëtsa'any ma ënety jyiitsa'anyën.

Ezequiel 19:12

Je'eyëp ko ojts atsip tnujkë'ëktë ets tnajtsjëpijpëtyë. Jam xëëwpëtsëmtsyow ojts ja jëënpoj tsyoony ets yajtëtsë tääts tyëëmka'ataay; ja xye'enty ojts tsyëtsta'ay ets yajjëënkupëjky.

Daniel 11:8

Ets nëjkx tmënëjkxta'ay jap Egiptë ja tyiosëty, ja y'awinaxëty mëti'ipë oytyunyëtyën mëët yë pujxn win'ëëtypë ets tëkokyë ja mëët ja pu'ts pujxnëty, poop pujxnëty. Nëjkxëp jëtu'un jekytyëkë y'ity ka'ap maa tsip käjpxy.

Oseas 10:1

Jëtu'un yë Israel kajpn nyäxy tä tu'uk yë tsatym kyepyën; ko may ja tyëëm tpëjktä'äky, may näjyëtu'un t'oytyuny ja wyintsë'këntyakn; ko ja nyaax kyajpn ijty y'oyë, nän oy ja y'awinax t'oytyuny mëti'ipë kënu'kxy yajnajxypyën.

Oseas 2:3

Pën je'eyëm tuun'ëtë'ëtsy ëxëëkpë, niwa'ats ëxwa'atsës nyajwë'ëma'any: Jëtu'unës mpëjkta'aka'any niwa'ats ëxwa'ats tä myiinyën naaxwiiny, aanë'ëk tëëtsë'ëkës nyaj'awinpita'any, ets nyajnëëtëëtsë'ooka'anyës.

Oseas 4:19

Jëtu'un wyimpapoja'antë tä joon wyimpapojyën ets nëjkxëp tjamëtsëtyuunëtë ko ënety wiink tios t'ëwtatë.

Oseas 9:11

Jëtu'un kyääkë'ëka'any yë Efraín yë myëj'ajtën tä joon kyääkë'ëkyën. Ka'ap yë pi'k ëna'k y'ëkmëxu'unk'atanëtë, ka'ap yë to'oxytyëjk y'ëk'u'unk paatanëtë ets ka'ap y'ëk'u'unk ixanëtë.

Jonás 4:8

Ko ja xëëw pyëtsiimy, ënät ja Dios ja jëënpoj tyajmiiny, jamtsow pëtë'ëktsow, yajxon ja xëëw'an jam tyimkëxjajy ma ja Jonás ja wyiin jyëjpën, tääts nyäjya'awëy tim ookaanp yowë. Ets myäy tyäjy: Nikë oyës ntimy'ookëty.

Nahúm 2:9

Mä'tsta'atë yë poop pujxn. Mä'tsta'atë yë pu'ts pujxn. Nëkooyë myäy'ajnë ja wit meeny jam Nínive.

Deuteronomio 33:17

Ko yë José y'ëna'k'ajty oy mëk ojts jyä'äy'äty, jëtu'un mëk jyä'äy'äjty tä yë tsajpkaa u'unkën, mëk yajpaty, tä tu'uk yë tsajpkaani'kxën tunkëjxmëpë. E yë'ëts ënät tyam miimp ets tjä'ä'ata'any ja naax kam mapaat ja naaxwiinyëtë y'ëwtityën. Yë'ë yaj'antijtëp yë Efraín yë jyä'äy, yë Manasés yë jyä'äyëty.