Oseas 12:3 - Biblia Dc en Mixe de Quetzaltepec

³ Ka'anëm ënety myëxu'unk'atynyëm ko yë Jacob tkunajxy yë y'äjty ets ko ojts myëjnë'ajnë tsiptuun mëët yë Dios.

Biblia Mixe de Quetzaltepec

³ Ka'anëm ënäty myëxu'unk'atynyëm ko yë Jacob tkunajxy yë y'äjty ets ko ojts myëjnë'ajnë tsiptuun mëët yë Tios.

Oseas 12:3 ပူးပေါင်းရင်းမြစ်များ

Génesis 25:26

Ënätnën ojts näjyëtu'un ja y'uty myëxu'unk'aty jap myajts'ityë ma tyeky ixpo'kxën mëët yë kyë'ë. Paaty ojts jëtu'un txëëwmo'otë Jacob. Yë Isaac tëkë'px ënety yë jyëmëjt, ko ojts yë Rebeca tyajminy naaxwiiny yë y'u'unk myääy nimäjtskpë.

2 Reyes 17:18

Paaty ojts ja Wintsën tukjoot'anpëjknë ja Israel ja'ayëty, tyajkutujknë ets o'ktëy jyajnëtëty; paaty ojts ja Wintsën y'ëxwojpënëtë jam ma ënety yajpaatën, yi'iyë jaakwë'ëmtë ja Judá ja'ay.

2 Reyes 17:20

Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

Jeremias 2:9

Paaty n'ëna'anyës, ëjts mëti'ipë Wintsën'ajtpën: Nyajpëtë'ëkäämpyës tu'uk ë'ënën ma miitsëtyën ets ma m'u'unk m'okëtyën.

Ezequiel 7:3

Winkoomp ja xëëw jëmëjt jëna'a mijts Israel mkutëkoyä'änyën. Jamës yë n'äkë nkëxkäjxtaja'any ma mijtsën; ntuknikajpxäämpy wi'ixjaty m'ëtë'ëtsy m'ëna'anyën ets ntëytyuna'any jä'ä ko aakyë'ë mtuumpy mëti'ipë ëxëëkën.

Ezequiel 7:8

Tyamës yë n'äkë nyajnaxa'any ma miitsëtyën koonëmës nku'uxëtëty, n'amëtoowta'ajäämpy tiijaty të xytyuuntëkoyën ets tu'ukjaty ntukumëtoowa'any.

Oseas 4:1

Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Oseas 4:9

Jëtu'un yë naax kajpn tyëkoy tä teetytyëjkëtyën, ëjts ntukumëtowäämpyës yë tyëko'oyënëty.

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Miqueas 6:2

Mëtoow'itë miitsëty tun kopk, mëti'ipë ja naaxwiinyëtë tsyëëm'ijtëpën ta'tspëky; yë Wintsën yë'ë pyaye'eyäämpy ja tyuuntëko'oy kyajpxtëko'oyën ja nyaax kyajpn, näy'ojjanëtëp mëët ja Israel kajpn.

Romanos 9:11

Naamka'anëm ënety myintë kyä'äxtë, ka'anëm ënety tii tuntë oy ka oy, ko ja Rebeca ja Dios y'ënëmaayë: Ja mëjpë myëtunëp ja mutskpë, näjyëtu'un ijxtëm ja Dios ja y'aaw y'ayuk kyëxja'ayëtyën: Ntsojkës ja Jacob, Esaú ka'ap. Jëtu'un ojts wyi'imy nijawë ko ja Dios myëët'ajtyp ja kuttujkën ets twin'ixëty mëti'ipë yë'ë tsyojkpyën, mëti'ipë yë'ë myëkajpxäämpyën oy ënety tii oy pën të tkatuny.