Oseas 12:13 - Biblia Dc en Mixe de Quetzaltepec

¹³ Tu'uk yë käjpxynyajxpë ojts yë Wintsën tukjuuty yë Israel kajpn jap Egiptë ets tu'uk käjpxynyajxpë ojts kyëwent'atëtë.

Biblia Mixe de Quetzaltepec

¹³ Tu'uk yë käjpxynyajxpë ojts yë Wintsën tukjuuty yë Israel kajpn jap Egiptë ets tu'uk käjpxynyajxpë ojts kyëwent'atëtë.

Oseas 12:13 ပူးပေါင်းရင်းမြစ်များ

Génesis 28:2

Nëjkx jam Padán-aram ma ja tyëjkën yë mtatwelë Betuel ets jam mëët mpëkëty yë nyëëx yë mjämy Labán.

Génesis 29:20

Jëtu'un yë Jacob ojts tyëkë tuunpë ma Labankën, mëët ko ënety ja nyëëx ja mutskpë të tsojkën'aty, mëti'ipë xyëëwajtypyën Raquel. Wëxtujk jëmëjt ojts nituny, yajxon ënety tjantytsyoky ja Raquel, paaty pojën tja'awëy nyäjxy ja xëëw jëmëjt wëxtujk jëmëjtpë.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Éxodo 13:3

Ënet ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënety je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 14:19

Ënet ja Dios ja kyukajpxpë ojts ënätyë kyëtä'äky ets ja yoots nyäpyëjktakë ix'am, mëti'ipë ja Israel ja'ayëty ënety jëyëjp winye'eyëtëpën.

Oseas 11:1

Ko yë Israel kajpn ënety pyi'k'atynyëm, ntsojkpy nja'apës ijty; yë'ëkyëjxm ko ënety n'u'unk'atyës, ojtsës nyaxtsoy ets tsyoonëty jap Egiptë.

Oseas 2:15

Etsës jatëkok nmo'oja'any yë tsatsym kam, etsës yë Acor yë nyitëjkëtyakn nyaj'awinpitanë akujk'ajt jotkujk'ajtën. Jamës xy'ëtsowa'any tääjës xy'ëtsooyën ko y'ëna'k'ajty, tääjës xy'ëtsooyën ko jap pyëtsiimy Egiptë.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënety mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Deuteronomio 26:5

Ets m'ëna'anëty jam mWintsën wintum: Ëëts yë nteety n'apëty, mëti'ipë arameë ja'ayëtyën, tëëyëp jëtu'unyë ojts jyëtitë, ok ojts jap nyëjkxtë Egiptë ets jap tsyënaaytyaknpëjktë. Japts ojts yajxon nyimayëtë ets tu'uk mëj kajpn y'awinpijtë, tääts ojts myëkta'aktë.

1 Samuel 12:8

Ko yë Jacob ojts mëët yë y'u'unk y'ëna'k jap nyëjkxtë Egiptë ets ëxëëk tyuunëtë yë Egiptë ja'ayëty, ja m'ap m'okëty ka'ap tmëmëta'akantën ja nätsyäätyunë. Paaty ojts ja Wintsën tmëkajpxtë ets tkejxy ja Moisés ets ja Aarón mëti'ipë yajpëtsëëmtën jap Egiptë ja m'ap m'okëty ets yaa tyajmiiny ma tyam yaa mtsëënëtën.