Oseas 12:11 - Biblia Dc en Mixe de Quetzaltepec

¹¹ Jam Galaad tam wiink tios jyätyë, je'eyëp ko yë'ë mëti'ipë ka'ap myëtëyëtyën. Jam Guilgal yë'ë jam wintsë'kën'ajtp yë tsajpkaa; ets yë'ë jam wintsë'këntyakn'ajtp yë tsaanipiy ma të t'awitstën yë kam tu'u.

Biblia Mixe de Quetzaltepec

¹¹ Jam Galaad tam wiink tios jyätyë, je'eyëp ko yë'ë mëti'ipë ka'ap myëtëyëtyën. Jam Guilgal yë'ë jam wintsë'kën'ajtp yë tsajpkaa; ets yë'ë jam wintsë'këntyakn'ajtp yë tsaanipiy ma të t'awitstën yë kam tu'u.

Oseas 12:11 ပူးပေါင်းရင်းမြစ်များ

Oseas 8:11

Jä'ä ko yë Efraín kyojpy may yë wintsë'këntyakn, mëti'ipë je'eyë yajpokytyuunëpën.

Oseas 6:8

Jam Galaad aakyë'ë ëxëëkja'aytyëjk jam tsyëënëtë, aak ne'pnymyëët yë nyaax kyajpn yajpaatë.

Oseas 4:15

Pën mijts Israel mto'kpy myäjkpy yë mjot mnini'kx, yë Judá ka'ap mëpaat pyokytyuny. Këtii jam mnëjkxtëty Guilgal, këtii jam mpa'tëkëtëty Bet-avén ets këtii nëkoo je'eyë kajpxpäjn xywya'antëty yë Wintsën.

Oseas 9:15

Jëtu'un yë Wintsën y'ënä'äny: Jam Guilgal ëxëëk jam y'ëtëtstë y'ënantë, jam ojts kyëjääjë ka'ap n'ëktsojknëtës. Mëët ko ëxëëk winë të tuntë n'ixkäxäämpyës yam maas njëën ntëjkën; ëjts ka'apës n'ëktsokanëtë, jä'ä ko yë kyopktëjkëty je'eyës të xykyäjpxy kumëtoownaxtë.

Oseas 10:1

Jëtu'un yë Israel kajpn nyäxy tä tu'uk yë tsatym kyepyën; ko may ja tyëëm tpëjktä'äky, may näjyëtu'un t'oytyuny ja wyintsë'këntyakn; ko ja nyaax kyajpn ijty y'oyë, nän oy ja y'awinax t'oytyuny mëti'ipë kënu'kxy yajnajxypyën.

Jonás 2:8

Mëti'ipë wiink tios pyanëjkxtëpën, yajtëkooynyëtëp ja wiinkutsë'kën ma mijtsën.

Amós 5:5

Këtii jam Betel ets Guilgal mnëjkxtë ets këtii jam Beerseba mtimnyaxtëty, jä'ä ko yë Guilgal ja'ayëty tsumy matsy yajmënëjkxa'antë wiink naax wiink kajpn ets Betel axit ako'owë jyajta'aja'any.

Amós 4:4

Nëjkxtë jam Betel ets jam Guilgal; tuuntëkoy kajpxtëkoytyë; yajnipätë mpokyëty ets käjpxy kumëtoownaxtë. Jopyëp mënëjkxtë mwintsë'kënëty ets wintëkëëk xëëw xyaktëty ja tu'ukpë xypyupëktën ma ja majk pëkpyën.

Jeremias 10:15

ka'ap nitii tsowajtën tmëëtëty ets ëxëëk oytyukxiknë yaj'ixy. Ko ënety ja Wintsën tii tnipaye'ey, jää tyajkutëkoyä'äny yë awinax.

Jeremias 10:8

Aak tsuu aak nëpap yë ja'ayëty, ni pën wijyajtën tkamëëtëty. Ijxkëm pën tu'kpuxyën tyukni''ixëtë kepy.

Jeremias 2:28

Judá, ¿ma ënät ja mtios mëti'ipë të xyajkojyën? Mijts jëtu'un yë tios may xymyëëtëty tä maykyajpnën. Wä'än yë'ë mniminyë ets wä'än myajtso'okyë ko ëyo'on xypyaatëty.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

Oseas 10:2

Mäjtsk yë Israel yë jyuukyjot të nyäwyä'kxyë, tyam kyëpätäämpy ja nyëë pyoky. Yë Wintsën yajkutëkoyäämpy yë wintsë'këntyakn ets jyijtë'ëkäämpy yë tsaatsetsy mëti'ipë kënu'kxy yajnajxtëpën.

2 Reyes 17:13

Tëë ënety ja Wintsën ja jyot wyinma'any tjaakmëktuny, ko tkejxy ja kyäjpxynyajxpëtëjk ets ja wyijyjyä'äytyëjk ko t'ënëmaay ja naax kajpn ets jeexyë jyootwinpitë, tyaj'oyëtë ja jyot wyinma'any, ja nyë'ë tyu'ujëty; tuntë jeexyë jëtu'un winë tä ja ënä'ämën tëyajtën myinyën, mëti'ipë ojts tjatukmëwë'ëmyën ja y'apëty y'okëty ko ja Wintsën ja kyäjpxynyajxpë ojts tjakajpxwa'kxtë ja oypyë ja aaw ayuk.

Ezequiel 17:2

Mijts ye'etyëjk, tukmëmëtya'ak yë naax kajpn tu'uk yë ijxpäjtën.