Oseas 11:6 - Biblia Dc en Mixe de Quetzaltepec

⁶ Tunanëp yë tsip ma nyaax kyajpnëtyën ets kyutëkoyä'äny mëti'ipë ta'tspëky ets këwent'atyën, mëët ko ënety ëxëëkëty të myäy të tyajtë.

Biblia Mixe de Quetzaltepec

⁶ Tunanëp yë tsip ma nyaax kyajpnëtyën ets kyutëkoyä'äny mëti'ipë ta'tspëky ets këwent'atyën, mëët ko ënäty ëxëëkëty të myäy të tyajtë.

Oseas 11:6 ပူးပေါင်းရင်းမြစ်များ

Salmos 106:39

Yë'ëjëty ojts nyäyaj'ëxëëkëtë, mëët ja y'ëxëëktu'un y'ëxëëk kajpxën.

Salmos 106:43

Dios ojts jyayajtso'okëtë kanaak ok, e yë'ëjëty ka'ap ojts tkupëktë mëti'ipë ënety ja Dios të tjatuknipëjktaakën. Tä ojts kë'ëm ëxëëktum nyäyajwë'ëmëtë mëët ja y'ëxëëktu'un y'ëxëëk kajpxënëty,

Isaías 18:5

Ko ënety ja tsatym të pyëjktä'äky ets ënety të myëjaawnë, ka'anëm ënety ja pëjktä'äky pyëti'ikynyëm, wa'ats nëjkx yajxe'enty pyujxta'ay tsatym, ets nëjkx jam kajpnpë'am yanitsëëmpety.

Isaías 27:10

Ja naax kajpn mëti'ipë ënety ta'tspëkyën ets këwent'atyën, xit ko'ow të jyajta'ay, jëtu'un tä tu'uk yë tëjkën mëti'ipë ka'ap pën tuktsëënën, ijxtëm it naaxwiinyëtën mëti'ipë anë'ëk tëëtsë'ëkën ets ka'ap jam pën tsyëënë. Ma tääpë it naaxjotmën jëyujk tënaaytyakn nëjkx wyä'äny, jëyujk tsajpkaa nëjkx jam y'oktë.

Isaías 30:1

Jëtu'un ja Wintsën y'ënä'äny: Janty mon janty tuk yajpaatë ja u'unk ëna'k mëti'ipë ka'ap jyä'äkyukëtën, mëti'ipë winë tyuknipëjktakëtyëpën ets ka'apës xyajtëwtë, mëti'ipë tii tyuuntëpën ets ka'apës y'ëjtsëty nwinma'anymyo'otë, jëtu'un ni'ikyë ja pyoky tyajmayëtë.

Isaías 9:14

Ënet ja Wintsën ja Israel kajpn jëtu'un të tuny tä ja'ay tu'uk yë jëyujk tpi'ixy pyujxtu'utyën ets kyëpajk tnëpujxë, ëkë jëtu'un tä ja'ay tu'uk yë kum kepy tpujxkëtayën ëkë tä aats muum tnëpuxyën. Ets tu'kxëëyë të tyaj'atëkoy.

Jeremias 5:17

Nëjkxëp tjë'kxta'atë mëti'ipë të xynyiyu'u të xynyitunën, nëjkxëp tkaaytya'atë yë mtsajpkääky, yë'ëpaat yë m'u'unk m'ëna'k ye'etyëjkpë to'oxytyëjkpë nëjkx tsu'utstë. Ja mkupixyny ets ja mjëyujk mtsajpkaa wa'ats tsu'tsta'aja'antë, yë mtsatym kyam ets mxe'enky kyam wa'ats tyajpëtë'kta'aja'antë. Mëët yë tyi'pxnëty kyu'umënëty tyajkutëkoya'antë yë mnaax mkajpn mëti'ipë ënety mtijpyën ko tya'tspëkyëty ets kyëwent'atyëty.

Jeremias 50:35

Jëtu'un yë Wintsën y'ënä'äny: Wä'än t'ooktë yë Babilonyë ja'ayëty, yë kyopktëjkëty ets wyijyä'äytyëjkëty.

Lamentaciones 2:9

Ja naax kajpn tëë ja nyitëjk'aaw mya'taaynyë ets mëti'ipë mëët y'ëtukyën nän tëë mya'ta'ay; tëj joow të jyajta'ay, aak naaxkëjxy të kyëtakta'ay. Yë yajkutujkpë ets y'ënä'ämpëtëjk aakjam yajpata'atë wiink naax wiink kajpn ma ja'ay wiink tios t'ëwtatën; ka'ap maa ja Dios ja tyiyajtën y'ëkyajpatnë. Yë kyäjpxynyajxpëtëjk ka'ap y'ëkwinkëmaanëtë ets Wintsën tii y'ëktuk'ijxënëtë.

Ezequiel 20:47

ets xy'ënëëmëty: Jëtu'un yë Wintsën y'ënä'äny: Nyajmëjëjäämpyës yë jëën ma mijtsën mëti'ipë nyo'ktëkoyäämpyën yë m'aay mkepy, tsuxkpë, të'ëtspë; ya'atë jëën toyaanp ets ka'ap pyi'itsa'any, nyo'kta'ajäämpy yë wyiin jyëjp ja ja'ay mëti'ipë jam tsënaaytyëpën anëkëjxmtsow ets ëpa'tkë'ëytsyow.

Oseas 10:14

nëjkxëp ja'ay nyänyipëtë'ëkyë ma mnaax mkajpnën ets tëkokyë ja mnaax mkajpn mëti'ipë ënety ta'tspëky ets këwent'aty mëët'ajtypyën nëjkxëp kyutëkooytya'atë, jëtu'un tä ojts kyutëkoyën ja kyutujkën ja Bet-arbel mëti'ipë jam Salmán ënä'ämpën ko ojts ja tsip y'ity ets ko ojts ja taak y'ooky tyëkoy mëët ja y'u'unk.

Oseas 10:6

Tääpë awinax jam Asiria yajmënëjkxa'any ets yajtukë'ëtëkëja'any yë yajkutujkpë. Jëtu'un nëjkx yë Efraín wyi'imy tsëtyu'unmëët: Yë Israel wintsëtyu'un jëjptsëtyu'un nëjkx nyäjyawëty mëët ko ënety ja y'awinax të tyukjijtëtyä'äy.

Oseas 13:16

Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënety u'unk mëëtëtyën nëjkxëp yë jyot y'ëwatsta'atë.

Oseas 4:16

Yë Israel je'eyë kyäjpxykyutëjy tä tu'uk tsajpkaa inën; ¿ets ënät nkëwent'ajtpëtyësë ma jyi'kxyjyotëtyën tä jeexyë kyupixyny'atënë?

Oseas 4:17

Yë Israel, mëti'ipës ntsojkpy nja'apën, të nyäkyë'ëyäkyë ma wiink tiosën. Tä ëmu'ukyë ja'ayën të kyëtaawta'atë. Janaam jatsojk jyot nyini'kx tooktë tyaktë ets yë'ë ni'ik tsyojkën'ajtëp yë tsëtyu'un këtiinëm yë näyajmëjnaxë.

Amós 6:8

Yë Wintsën, Dios mëti'ipë maaytyääyëpën winë tëë kë'ëm ja xyëëw tukkajpxpety ets të y'ënä'äny: Ëxëëkës n'ixy yë Jacob yë nyaax kyajpn ko je'eyë nyämyëjaw nyäjyääntyjyawëty; ëxëëkës n'ijxë yë y'akujktëjk kyutujkëntëjk; yë myëtsip yam ntukë'ëtëkëjäämpyës yë naax kajpn mëët tëkokyë mëti'ipë myëët'ajtypyën.

Miqueas 5:11

Aak potsykyutukës nyajwë'ëmäämpy ma mnaax mkajpnën ets nyajijta'aja'anyës yë mnaax mkajpn mëti'ipë këwent'aty ets ta'tspëky yajpatpën.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Deuteronomio 28:52

Ja mnaax mkajpn wa'ats nëjkx tyajnatujkta'atë, koonëm ja nyipotsy tjijtë'kta'atëty; ja potsy oy ënety jënu'un jyata'tspëkyëty ets jyakëjxmëty, mijts ka'ap tjëkyepy xytyukjotkujk'atëty. E jëtu'un jyata'any kyëpäta'any ja naax kajpn mëti'ipë ënety ja mWintsën të mjamo'oyën, ja mmëtsip nëjkx tjä'ä'ajnë.

Deuteronomio 32:25

Yë y'u'unkëty y'ëna'këty jam nëjkx muum kupuxy y'ooktë tu'ujotm, jap tyëkotyëty tsë'ëkëtëp jam xëmë, ooktëp ja yä'äy'ëna'k, to'oxy'ëna'k, mëjja'ay mutskja'aypyë, pi'k'ëna'këty mëti'ipë tsi'tstëpnëm.