Oseas 11:4 - Biblia Dc en Mixe de Quetzaltepec

⁴ Mëët ja tsojkën ja'awën nyajmiintës maas ëjtsën; jëtu'unës ojts ntseeny nkony tä tu'uk mëxu'unkën mëti'ipë tsi'tspnëmën; ojtsës n'amëtunëtë ets nyajkay nyaj'uuktë,

Biblia Mixe de Quetzaltepec

⁴ Mëët ja tsojkën ja'awën nyajmiintës maas ëjtsën; jëtu'unës ojts ntseeny nkony tä tu'uk mëxu'unkën mëti'ipë tsi'tspnëmën; ojtsës n'amëtunëtë ets nyajkay nyaj'uuktë,

Oseas 11:4 ပူးပေါင်းရင်းမြစ်များ

2 Samuel 7:14

Ëjtsës nëjkx xytyeety'äty ets yë'ë nmaank'atyës. E ko ënety tyuuntëkoy, nëjkxëpës ntukumëtoy ijxtëm tu'uk yë u'unkteetyën yë y'u'unk tukumëtoyën ko kyamëtä'äky,

Salmos 105:40

Ko ja naax kajpn tpëjktsooy ja ka'ayën ukën, ojts yajtuknikäxtë muuxy, ets tsajpkääky ets ojts ku'uxyë wyë'ëmtë.

Éxodo 16:32

Ënet ojts ok ja Moisés y'ënä'äny: Ya'atë jëtu'un ënä'ämën'ajtp mëti'ipë yë Dios të tyäkyën: kijpxtë ëpëky mäjtsk nëë a'ukën yë maná, mëti'ipë yë'ë mtuknipëjkë'ëkëtëpën ja m'u'unk m'okëty. Yë'ët nëjkx t'ixtë ets nijawëtëty wi'ix ojts miitsëty ja ka'ayën ukën nmo'otën nkäxtën të'ëts'itum, ko nyajpëtsëëmtë jap Egiptë.

Cantares 1:4

Yajjaamkojkës pojën. Japës yajnëjkxk mijts yajkutujkpë ma m'ityën mtsëënën. Mëët mijts jotkujkës nyajpaata'antë, yë'ëjës ni'ik n'oyjya'awëtyëp yë mwiin mjëjp këtiinëm yë tsatym nyëë. Paatyëmën to'oxytyëjk mtsokëtë.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Oseas 2:8

E yë'ë ka'ap ojts t'ixkäpy ko ëjts ijty nyajkääpy nyaj'ukpy, ko ëjts ijty nmoopy yë tsajpmok, yë tsatym nyëë tëëpë nyimaanaxyën ets on. Ko ëjts ijty nmoopy yë pyu'tspujxn mëti'ipë tyuk'oytyuunën yë y'awinax.

Juan 12:32

E koos naaxkëjxy ntsoonëty etsës npa'tëkëja'any tsajpjotm, nyajnëjkxta'ajäämpyës ja ja'ay ma ëjtsën.

2 Corintios 5:14

Ja Kristë ja tsyojkën jya'awën yë'ë yajpatp ma ëëtsëtyën maju'unëm yajnijawën ko tëë tku'o'këtyä'äy ja ja'ay, ets ja ja'ay jëtu'un ni'ëmukë të y'o'kta'atë.

Deuteronomio 32:12

Yë Wintsën yë'ë ojts kë'ëm tyimtu'uwinwowëtë, ka'ap wyiinkja'ayëty. Ka'ap ojts muum yë wiink wintsën y'ëktso'onpë ets tyu'uwinwoowëtë.

Deuteronomio 32:14

Ma tsyajpkaato'oxyëtyën jam ja y'on tpatë ets quesë; ojts tsu'utstë yë tsajppax ets kupixyny oyëtypë ni'kxëtypë aakyë'ë jëtu'unpë tä mëti'ipë jamën Basán; aakyë'ë kyääytyë y'uktë oyëtypë tsajpmok ets yë'ë tyukpa'uktëp tsatym nyëë, jëtu'unpë ja nyëë y'akëxë'ëkën tä ne'pynyën.