Oseas 11:3 - Biblia Dc en Mixe de Quetzaltepec

³ E oyës njanijawë ko jëtu'un y'ëtë'ëtstë ojtsës yë Efraín kajpn ntu'uwinwoy etsës ntukni''ijxëy wi'ix ye'eyëtyën; e yë'ëjëty ka'ap twinja'awëtyë ko ëjts ënety nkëwent'ajtëpës.

Biblia Mixe de Quetzaltepec

³ E oyës njanijawë ko jëtu'un y'ëtë'ëtstë ojtsës yë Efraín kajpn ntu'uwinwoy etsës ntukni''ijxëy wi'ix ye'eyëtyën; e yë'ëjëty ka'ap twinja'awëtyë ko ëjts ënäty nkëwent'ajtëpës.

Oseas 11:3 ပူးပေါင်းရင်းမြစ်များ

Salmos 107:20

Kyäjx yë y'aaw y'ayuk ets tyajtsoky; ka'ap t'ëwatsy ets nyëjkxtëty o'kpëjutjoty.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Éxodo 19:4

Miitsëty tëë kë'ëm xy'ixtë wi'ixës ëxëëk të ntunyën yë Egiptë ja'ayëty ets wi'ix miitsëty yaa të nyajmintën maas yaa nyajpaatyën, pojën yaj'ixy të mintë jëtu'un tä jeexyë jam mkäknëtyën.

Éxodo 23:25

Yë'ë jëtu'un m'ëwtatëp yë mWintsën ets yë'ë mo'ojanëp yë mka'ayën m'ukën. Nëjkxëpës näjyëtu'un njëpëky njëtuny yë pa'am ëyo'on ma miitsëtyën.

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënet ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Isaías 46:3

Mëtoow'itë ya'atë aaw ayuk, miitsëty Jacob yë y'u'unk y'okëty mëti'ipë të wyë'ëmtën ma ja Israel kyajpnën: Tëë miitsëty ntsëëmjëtitë ka'anëm ënety mintënëm naaxwiiny naaxkëjxy; tëë ntsääntë nkontë,

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Jeremias 30:17

Nyajtso'okäämpy nyaj'akëta'akäämpy jatëkok, nyajtsooypyätäämpyës ja mtsëtyut, oy jënu'un yë mmëtsiptëjk jya'ëna'antëty: Yë Sión kajpn tëë yaj'ëxmajtsnë, ka'ap pën y'ëkmëmaay y'ëkmëtajënë. Ëjts Wintsën, ëjts ënaanp.

Jeremias 8:22

¿Këtii jëtää jam Galaad ma tsooyë? ¿Këtii jëtää jam pën mëti'ipë yajtsokpënë? ¿Wi'ix ko yë nnaax nkajpnës ka'ap tsyo'oky y'akëtä'äky?

Oseas 14:4

Jëtu'un yë Wintsën y'ënä'äny: Nyajtso'okantëp yam ma je'eyë mkäjpxykyumëtoownaxtën; ntsokantëp yam oy mkapaat mkanitëkëtë, jä'äs ko tëëjës ja njoot'an xyeemy.

Oseas 2:8

E yë'ë ka'ap ojts t'ixkäpy ko ëjts ijty nyajkääpy nyaj'ukpy, ko ëjts ijty nmoopy yë tsajpmok, yë tsatym nyëë tëëpë nyimaanaxyën ets on. Ko ëjts ijty nmoopy yë pyu'tspujxn mëti'ipë tyuk'oytyuunën yë y'awinax.

Oseas 7:1

koos yë nnaax nkajpn, yë Efraín kajpn ets Samaria kajpn njäyajtso'oka'antë, ënätyë nyëë pyokyëty wyinkëjxm jyëjpkëjxm jyä'ty. Jä'ä ko aak antaktëp; mä'tstëp, tëjktëjkëtyëp ets në'ëjoty tu'ujoty muum ja'ay tmäätstë.

Oseas 7:15

Ëjts ojtsës njayaj'ijxpëktë ets jyamëët'ajtë ja mëk'ajtën, e yë'ëjëty wiinkjaty ojts xynyimay xynyitajëtës.

Hechos 13:18

Wëxytyikxy jëmëjt jam të'ëts'itjotm tmëmä'kxtujky.

Deuteronomio 1:31

Ets jam të'ëts'itjotm yë Wintsën mëti'ipë mTiosajtëpën jëtu'un të mtimjyawëtë, tä yë ja'ay yë y'u'unk muum tseeny kony tyajnëjkxyën ets jëtu'un yaa të myajja'tëtë.

Deuteronomio 33:27

Yë Tiosën xëmëpë y'ityën yë'ë mtsoktakn'ajtyp, yë myëk'ajtën yë'ë mnätyukputëkëtëp. Jä'ä ko yë'ë ojts tyajke'eky tyajputy yë mmëtsip, ets mnëmaayë ets xytyimyajkutëkooytya'ajëty.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.