Oseas 1:7 - Biblia Dc en Mixe de Quetzaltepec

⁷ Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.

Biblia Mixe de Quetzaltepec

⁷ Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.

Oseas 1:7 ပူးပေါင်းရင်းမြစ်များ

2 Reyes 19:29

Tä ja Jeséas t'ënëmaay ja Ezequías: Ya'atë jëtu'un ja ijxpäjtën yakäämpy mëët ja mëti'ipë tunan jatanëpën: Ya'atë jëmëjt ets tääpë myinyën yë'ë nëjkx xykyäytyë xy'uuktë ja tsajpmok mëti'ipë kë'ëm yoonpën, kom tëkëëk jëmëjt jyëkyejpy myuunëtëty mtuunëtëty ets mnipnëtëty mkojnëtëty, xyajpëtë'knëtëty ja mpëjktä'äkyëty, jyëkajpnëp xypyäntëty xykyojtëty ja m'aay mkepyëty.

2 Reyes 19:34

Ëjts nkuwa'anäämpyës ya'atë naax kajpn, etsës nyajtso'oka'any, mëët koos n'oyjyawë ja ntuunpës David ets mëët ko ja nxëëwës mëj'äämpy nyaj'ita'any.

2 Reyes 19:35

Jä'ä tsu'um ja Wintsën ja kyukäjpxy ojts tyaj'o'kta'ay ja Asiria ja'ayëty ma ënety jam jyajta'aktën, mëko'px ja tëkë'px mëkoxk mil ja Asiria tsyiptuunpëja'ayëty y'o'ktë, komjëpom may o'kpë ojts kyuxëënyë.

2 Reyes 6:18

Tam ënety ja sirië ja'ayëty tim nyipëtë'ëkanëtë ja Elisejë, ko ja Elisejë tyëjkëy kajpxtakpë ma Wyintsënën: Wintsën tyam n'amëtoy ets wyiintsëtya'atëty ya'atë tsiptuunpëtëjkëty. Ets ja Wintsën tjanty yajwiintsëtyääy, jëtu'un tä ënety ja Elisejë të t'amëtoyën.

Salmos 33:16

Nitu'uk yë yajkutujkpë kyatso'okëty oy jënu'un ja tsyiptuunpëtëjk jyanimayëty, ets oy jënu'un yë ja'ay jyotmëkëty ka'ap myëta'akëty mëët yë myëk'ajtën;

Salmos 44:7

mijts ojts xypyutëkëtës ets nmëmëtaktës ja nmëtsip, mijts myajtsëtyu'unpat mëti'ipë ënety ëëtsëty xymyëtsip'ajtëpën.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Éxodo 14:30

Jëtu'un ja Dios ojts tyajtso'oky ja Israel ja'ayëty jä'ä xëëw ma ja Egiptë ja'ayëtyën. Yë Israel ja'ayëty y'ijxtë ja may o'kpë, ko jam myäykyëniinpëtsëmtë nëëpë'am.

Isaías 12:2

Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Jeremias 25:5

Yë'ëjëty tëë kanaak ok mja'ënë'ëmxëtë: Ixmatstë yë m'ëxëëkjot m'ëxëëk winma'any ets m'ëxëëktu'un m'ëxëëk kajpxënëty; jëtu'un jotkujk mjuuky'atëty ma ja it naaxwiinyëtën mëti'ipë ja Wintsën mmooyëtën ets myooyën ja m'ap m'okëty.

Jeremias 25:6

Këtii xypyanëjkxtëkëtëty wiink tios; këtii xytyukmuk xytyukxu'umtëty ets ka'ap xy'ëwtatëty. Këtii nëkoo xyajjoot'anpëktëty yë Wintsën ko miitsëty wiink tios xy'ëwtajtëpë, mëti'ipë kë'ëm myajkojtëpën; këtiipë ëxëëk mtunëtëty.

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Oseas 1:8

Ko ja Lo-ruhamá ja tyi'tsk ojts t'ëxmajtsnë, tä ja Gómer ojts jatëkok wyi'imy u'unk mëët ets tyajmëxu'unk'ajty ja y'u'unk ye'etyëjkpë.

Oseas 11:12

Yë Efraín je'eyës xywin'ëëny; je'eyë y'antä'äky yë Israel kajpn maas ëjtsën. Yë Judá ja'ayëty tëë jyëwa'knëtë maas ëjtsën, tyam yë'ë oy myëtuunëp yë awinax.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

1 Samuel 17:47

Tëkokyë jënu'un tyam yaa yajpaatën nyija'awëtëp jëtu'un ko yë Wintsën ka'ap yë'ëjëty mëët yajtso'oky pujxn ku'umën, ëkë ti'pxn. Jä'ä ko ya'atë tsip Dios yë'ë kë'ëm tyimtunäämpy ets yë'ë mkë'ëyakanëp ma ëëtsëtyën.