Oseas 1:6 - Biblia Dc en Mixe de Quetzaltepec

⁶ Ojts yë Gómer jatëkok wyi'imy u'unk mëët ets ojts tyajmëxu'unk'aty tu'uk yë y'u'unk to'oxytyëjkpë. Tä ja Dios t'ënëmaay yë Oseas: Lo-ruhamá xytyijëty yë mnëëx, jä'ä koos ka'apës yë Israel kyutujkëntakn nëk pa'ëyowanë ets ka'apës n'ëkmä'kxanë.

Biblia Mixe de Quetzaltepec

⁶ Ojts yë Gómer jatëkok wyi'imy u'unk mëët ets ojts tyajmëxu'unk'aty tu'uk yë y'u'unk to'oxytyëjkpë. Tä ja Tios t'ënëmaay yë Oseas: Lo-ruhamá xytyijëty yë mnëëx, jä'ä koos ka'apës yë Israel kyutujkëntakn nëk pa'ëyowanë ets ka'apës n'ëkmä'kxanë.

Oseas 1:6 ပူးပေါင်းရင်းမြစ်များ

1 Pedro 2:10

Miitsëty ka'ap ijty yë Dios mkajpn niwa'anëtë; tyam, Dios miits mkajpn'ajtëtëp. Ka'ap ijty miits ja Dios mpa'ëyowëtë, tyam mpa'ëyoowënëtëp.

Oseas 2:23

Nyajnaaxkëta'akäämpyës yë naax nkajpn ma tu'uk yë naaxjotmën etsës ëjts nkajpn niwa'ana'any; mpa'ëyowäämpyës yë Jo-ruhamá ets n'ënëëmëja'anyës yë Lo-ruhamá: Mijts nkajpn'ajtyp, etsës yë'ë xy'ëtsowa'any: Mijts nTios'ajtyp.

Oseas 2:4

Ka'apës mpa'ëyowa'any yë y'u'unk y'ëna'k, jä'ä ko yë'ë mëti'ipë të tpaatyën ko jyot nyini'kx të tooky.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Oseas 1:8

Ko ja Lo-ruhamá ja tyi'tsk ojts t'ëxmajtsnë, tä ja Gómer ojts jatëkok wyi'imy u'unk mëët ets tyajmëxu'unk'ajty ja y'u'unk ye'etyëjkpë.

2 Reyes 17:20

Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

Amós 7:8

Etsës të xyajtëy: ¿Tii m'ijxyp Amós? Yë'ëjës n'ijxyp mëti'ipë potsy yajtukkijpxpën. Jëtu'unës të n'ëtsoy. Ënätës të xy'ënëëmë: Jëtu'un tä xy'ixyën yajkijpxy yë potsy jëtu'unës näjyëtu'un nkijpxa'any yë jyuukyajtën yë Israel ja'ayëty, mëti'ipës nkajpn'ajtypyën. Ëjts ka'apës yam ja tëkok n'ëkpoky'myä'kxanë.

Amós 9:8

Yë Wintsën y'ijxyp ko yë'ë yaa y'ëne'emy yë nëë poky, paaty y'ënä'äny: Nyajkutëkoyäämpyës yë naaxwiinyëtë, je'eyëp ko yë Jacob yë y'u'unk y'ok ka'apës nyajkutëkooytya'aja'any. Ëjts Wintsën, ëjts ënaanp.