Oseas 1:5 - Biblia Dc en Mixe de Quetzaltepec

⁵ Jä'ä xëëw mpëjkëja'anyës yë myëk'ajtën yë Israel jam Jezreel joyjotm ko ënety ka'ap ja tsyiptuunpëtëjk y'ëkmëtaknë.

Biblia Mixe de Quetzaltepec

⁵ Jä'ä xëëw mpëjkëja'anyës yë myëk'ajtën yë Israel jam Jezreel joyjotm ko ënäty ka'ap ja tsyiptuunpëtëjk y'ëkmëtaknë.

Oseas 1:5 ပူးပေါင်းရင်းမြစ်များ

2 Reyes 15:29

Ma ënety ja Peka yajkutukyën jam Israel, ënety jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënety jam tsënaaytyëpën aakjam ojts tsumy matsy nyëjkxta'atë Asiria.

Salmos 37:15

Ko tpaatëty ja xëëw jëmëjt kyë'ëm tëypyujxn nëjkx nyätyukyaj'ookëtë, ets tyi'pxnëty nëjkxëp atëj tuktëjë jyajta'ay.

Salmos 46:9

tëë tyajkëxy tyajnaxy yë tsip käjpxy naaxwiinyëtë apëtsëmy, tëë tëjtakta'ay yë ti'pxn, tëë piw nuuk tyajjajta'ay yë ku'umën. Të tyajnitooytyä'äy yë kepy wintëkäämpë mëti'ipë ja'ay myëtsiptuuntëpën.

Jeremias 51:56

Të myintë ja myëtsip ets tyajkutëkoya'antë ja Babilonyë kajpn; tëë yajmajtsta'atë ja tsyiptuunpëtëjk ets ja tyi'px të yajtuktëjëtya'atë. Jä'ä ko yë Wintsën mëti'ipë Tios'ajtpën, myooytyääpy nitu'ukjaty ja'ay yë tëytyu'unën wi'ixjaty të tyuuntëkoytyën.

Ezequiel 39:3

Etsës ntëjtakta'aja'any ja ti'pxn mëti'ipë mmajts'ijtypyën ma m'anajnykyë'ëjën ets xymyajtska'ata'ajëty ja ti'pxnkepy mëti'ipë mmëët'ajtypyën ma m'a'oykyë'ëjën.

Oseas 2:18

Jä'ä xëëw nëjkx tu'uk yë käjpxytyu'unën ntunyës mëët yë aayjëyujk ujts jëyujkëty mëët ko yë Israel ntsoky njawës ets nëjkxëp mëët ntunyës käjpxytyu'unën yë joonëty ets tsa'anyëty; ntuktëjëtya'ajäämpyës yë ti'pxn, yë tëypyujxn ets ka'apës yë tsip n'ëkupëkanë, jëtu'unës yë nnaax nkajpn jotkujk yajpaatëty.

Josue 17:16

Tääts y'ëtsoowtë: Tääpë kopkjot ka'ap yë myëta'akëty etsës nyajtuntëty. Yë Canaán ja'ayëty jampë jyuuky'atën joyjyotm myëët'ajtëp yë pujxnwintëkäämpë mëti'ipë myëtsiptuuntëpën, näjyëtu'un mëti'ipë tsënaaytyëpën Bet-sean ets ma tëkokyë ja myutsk kajpnëtyën ets jampë yajpaatën ma Jezreel joyjyotmën.

Jueces 6:33

Ënet ja Madián ja'ayëty ets ja Amalec ja'ayëty tëkokyë mëti'ipë ënety jam tsënaaytyëpën awinmtsow tyu'ukmujktaaytyë ets tuknajxtë ja nëë mëti'ipë yajtijpën Jordán ets jam nyäpyëjktakëtë ma txëëwatyën ja joyjyot Jezreel.