Oseas 1:1 - Biblia Dc en Mixe de Quetzaltepec

¹ Ya'atë ja Wintsën y'aaw'ajtyp y'ayuk'ajtyp mëti'ipë yajmooyën ja Oseas, yë Beerí yë myaank, ma ënety yajkutuktë yë Ozías, Jotam, Ahaz ets Ezequías jam Judá ets ma ënety yajkutukyën yë Jeroboam, yë Joás yë myaank, jam Israel.

Biblia Mixe de Quetzaltepec

¹ Ya'atë ja Wintsën y'aaw'ajtyp y'ayuk'ajtyp mëti'ipë yajmooyën ja Oseas, yë Beerí yë myaank, ma ënäty yajkutuktë yë Ozías, Jotam, Ahaz ets Ezequías jam Judá ets ma ënäty yajkutukyën yë Jeroboam, yë Joás yë myaank, jam Israel.

Oseas 1:1 ပူးပေါင်းရင်းမြစ်များ

2 Reyes 13:13

Ko ja Joás y'o'ky jam ojts tyajnaaxtëkëtë Samaria, ma jam ja myëku'uktëjk kyo'knëtën mëti'ipë të yajkutuktë jam Samaria. Yë'ë ojts kyutëkëty yë Jeroboam.

2 Reyes 14:16

Ko ojts y'o'knë, jam nyaaxtëjkëy Samaria, ma nyaaxtëjkëtyën näjyëtu'un ja yajkutujkpëtëjk mëti'ipë ënä'ämtën jam Israel. Ok ojts kyutëkëty ja myaank Jeroboam.

2 Reyes 14:23

Ma myajkmokx jëmëjtën ma tyëkën yajkutujkpë yë Amasías, yë myaank yë Joás jam Judá; jää ojts tyëkë yajkutujkpë yë Jeroboam, yë myaank yë Joás mëti'ipë ënä'ämën jam Israel ets jä'ä jam yajkutujky Samaria wëxtyikxy tyu'uk jëmëjt.

2 Reyes 15:32

Ma ënety myëmäjtsk jëmëjtpetyën, ma yajkutukyën yë Peka, myaank yë Remalías, jää ojts tyëkë yajkutujkpë jam Judá yë Jotam, myaank yë Uzías.

2 Reyes 15:5

Yë Wintsën ko jëtu'un t'ijxy, ojts ja yajkutujkpë tëytyuny mëët tu'uk yë pu'uts pa'am mëti'ipë ja'ay tyijtëpën lepra, yë'ë ënety pëjkëp ko ojts y'o'knë, jam jëkäm jyaak jyuuky'äjty, myëjëkäm'ajtyp ja kyutujkëntëjk, wiink ja'ay ojts ja tuunk tjaak yajtu'uye'ey mëti'ipë yë'ë ja patëpën; ja myaank Jotam jä'ä jaakkutëjkëyë ets ojts yë'ë yajkutuky ma ja naax kajpnën.

2 Reyes 15:7

Ko yë Azarías y'o'ky, jam tyajnaaxtëjkëtyë ma ja David ja kyajpnën, ma nyaaxtëjkëtyën mëti'ipë yajkutujktën. Yë'ë kutëjkëyë ja myaank Jotam.

2 Crónicas 27:1

I'px tu'uk ënety Jotam jyëmëjt ko tyëjkëy yajkutujkpë jam Jerusalén, majkmokx tu'uk jëmëjt ojts y'ëne'emy. Jä'ä ijty yë tyaak xyëëwajtyp Jerusá, Sadoc yë nyëëx.

2 Crónicas 28:1

I'px ënety yë Ahaz jyëmëjt ko tyëjkëy yajkutujkpë ets majkmokx tu'uk jëmëjt ojts yajkutuky jam Jerusalén; je'eyëp ko yë'ë ka'ap ojts oy ja Wintsën tmëtuny, jëtu'un tä David mëti'ipë y'apäjtën.

2 Crónicas 29:33

Jä'ä wyinë'ajty ja tsajpkaa, nitëtujk mëko'px ets tëkëëk mil ja tsajpkaa ëna'k.

Isaías 1:1

Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënety yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Isaías 7:1

Ja yajkutujkpëtëjk mëti'ipë xyëëwajtëpën Resin, Siria ja'ayëty ets ja Pecah, Israel ja'ay, yë myaank yë Remalías; ojts tjanitëkëtë tëkok yë Jerusalén kajpn, je'eyëp ko ka'ap ojts myëta'aktë. Jää ojts jëtu'un tyunyë jyätyë ma ënety yajkutukyën yë Acaz, yë Jotam yë myaank, yë Ozías y'ok'u'unk, mëti'ipë jam Judá yajkutujkpën.

Jeremias 1:2

Yë Jeremías jää ojts yë Wintsën myëkäjpxyë ma ënety yë Josías, yë Amón yë myaank, mëmajk tëkëëk jëmëjt yajkutukyën jam Judá.

Jeremias 1:4

Ënet yë Wintsën ojts xymyëkäjpxyës ets xy'ënëmaayës:

Joel 1:1

Ya'atë ja aaw ayuk mëti'ipë Wintsën tyuknikäjxën yë Joel, Betuel yë myaank.

Amós 1:1

Ya'atë Amós y'aaw'ajtyp y'ayuk'ajtyp, ja kupixyny këwent'ajtpë, mëti'ipë jam Tecoa kukajpn'ajtpën. Ojts yë Wintsën tyukmëmëtyä'äkyë wi'ix ja Israel kajpn jyata'anyën, ja mäjtsk jëmëjt ënety tkapaaty ma ja mëk ujx nyaxa'anyën; jää xëëw jää jëmëjt ma ënety yajkutukyën yë Ozías, Judá yajkutujkpë ets ma yajkutukyën yë Jeroboam, yë Joás yë myaank, Israel yajkutujkpë.

Jonás 1:1

Ënet ja Wintsën ojts tmëkäjpxy yë Jonás, yë Amitai myaank ets t'ënëmaay:

Miqueas 1:1

Ya'atë aaw'ajtp ayuk'ajtp, mëti'ipë ojts yë Wintsën tuknikexyën yë Miqueas mëti'ipë jam Moréset kukajpn'ajtpën ets mëti'ipë ojts tuknijawën kuma'ayjoty wi'ix jyata'any kyëpäta'anyën yë Samaria kajpn ets Jerusalén kajpn, ma ënety yajkutuktë ja Jotam, Ahaz ets Ezequías jam Judá.

Zacarías 1:1

Ma mëtuktujk po'o y'änyën ja mëmäjtskjëmëjtpë, ma ja Darío yajkutukyën, jää ojts yë Dios tmëkäjpxy yë Zacarías käjpxynyajxpë, yë Berequías yë myaank, yë Idó y'ok'u'unk. Ets t'ënëmaay:

Juan 10:35

Yajnija'ap ko ka'ap tjëkyepy ja Dios ja y'aaw y'ayuk këxja'aypyë yajninaxëty; ets ja Dios, nän tios ojts tijy ja ja'ayëty mëti'ipë ja y'aaw y'ayuk tyukmëtoowën.

Romanos 9:25

Ijxtëm ja Oseas y'ënänyën: Mëti'ipë ijty ka'ap nja'ayëtyën, yë'ëjës nja'ay'atäämpy. Pën ijty nkatsojkpyës, ëna'anëpës koos yë'ë ntsoky.

2 Pedro 1:21

Jä'ä ko ka'ap ja kyäjpxynyajxpëtëjk ojts yë'ë tnikajpxtë mëti'ipë kë'ëm myääytyëp tyajtëpën, kënu'kxymyëk'ajtën ojts winma'any myo'ojëtë.