Nehemías 9:5 - Biblia Dc en Mixe de Quetzaltepec

⁵ ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

Biblia Mixe de Quetzaltepec

⁵ ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

Nehemías 9:5 ပူးပေါင်းရင်းမြစ်များ

1 Reyes 8:14

Ko jëtu'un kyajpxtaay, tä ojts tni''ijxwinpity ja mayjyä'äy ma jam yajpaatën ja Israel ja'ayëty, aak tënaaytyëp ets ojts tkënu'kxy

1 Reyes 8:15

y'ënäny: Yë Wintsën kënu'kxy yë xyëëw y'ity mëët ko të tpatuny ja y'aaw y'ayuk tä tukwinwa'anëyën ja David, yë nteetyës, ko t'ënëmaay:

1 Reyes 8:22

Ënet ja Salomón jam wya'ak'o'oyëy ma ja Wintsën ja wyintsë'këntyaknën. Tam ënety ja naax kajpn të tyu'ukmuky, tääts ojts tyujkxajy ja kyë'ë jam tsajpwinm,

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

1 Crónicas 16:36

Kënu'kxy mëjjawë ja Wintsën ja xyëëw y'itëty, mëti'ipë yë Israel ja'ayëty y'ëwtajtëpën xëmëkyëjxm. Tä ja naax kajpn y'ëtsooy: Jëtu'un'atëp ets tukxoontaktë ja Wintsën.

1 Crónicas 29:11

Wintsën, mijts mjä'ä'ajtyp ja mëj'ajtën kuttujkën, ja mëj'ajt oyajtën, ja ënä'ämën kuttujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kuttujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

1 Crónicas 29:13

E paaty, Wintsën, mëjwiin këjää ëëts yam yë kukkajpxën ja'awëkyëtakkën nyajnaxtë ets nwin'ëw nwinya'axtës yë mkënu'kxy xyëëw;

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

2 Crónicas 20:13

Ja mayjyä'äyëty mëti'ipë jam tso'ontëpën ma Judá y'itjotmën aak tänë ënety jam yajpaatë Dios wintum, tam ja to'oxytyëjkëty, mëët yë y'u'unk y'ëna'këty ets mëxu'unktëjkëty.

2 Crónicas 20:19

Yë Leví ja'ayëty, Quehat y'u'unk y'ok ets Coré y'u'unk y'ok, ënätyë tyëjkëtyë ëëwpë yaxpë ets tukxoontaktë ja Wintsën, mëti'ipë ja Israel ja'ayëty y'ëwtajtëpën.

Esdras 3:11

Nimay ja ja'ay ënety twin'ëw twinya'axtë ja Wintsën ets nimay y'ëtsowtë: Kukajpxëtë ja'awëkyëta'aktë ja Wintsën, jä'ä ko yë tsyojkën jya'awën oy yë'ë ets xëmë y'ity. Tëkokyë ja naax kajpn aak xoontaktëp, jä'ä ko tëë ja tuunk tsyo'ontä'äky ma ja tsajptëjk yajkoj oyën.

Nehemías 9:4

Kom ok ja Leví ja'ayëty tä ja Josuéjën, Binuy, Cadmiel, Sebanías, Buní, Serebías, Paní ets Quenani pyäjtë jam kepykyëjxm ma ënety jam të yajni''ixëtën ets tyëjkëtë mëk kajpxtaktpë ja Wintsën mëti'ipë Teety'ajt Koonk'ajtpën jä'ä myëkajpxtëp;

Nehemías 9:6

Ets ja Esdras y'ënäny: Mijts Wintsën ni pën jëtu'un mkamëpaatëtëty tä mijtsën. Jä'ä ko mijts ojts ja tsajp xyajkojy ets mëti'ipë jam waanëkëjxyën ets tëkokyë ja nyimëtsa'a; mijts ojts xyajkojy ja naaxwiinyëtë ets mëti'ipë jää yajpatpën, mijts ja juukymyejy të xyajkojy ets tëkokyë mëti'ipë jap yajpatëpën. Mijts näjyëtu'un myajjuuky'ajtääpy oy tyimtiijëty mëti'ipë juukyajtënmëëtën. Paatykyëjxm m'ëwtatëtë ja mëtsa'a jampë tsajpkëjxm yajpaatën.

Job 1:21

Ënet y'ënäny: Niwa'ats ëxwa'atsës të nminy naaxwiiny, näjyëtu'unës jatëkok ntsoona'any. Wintsënës winë të xymyo'oy, nän yë'ëjës winë xypyëjkëjaanp; kënu'kxy mëjjawë yë Wintsën yë xyëëw y'ity.

Salmos 106:2

¿Pën ëkmayëtëp tnimëtya'akëty wi'ix yë Wintsën të myëtä'äkyën, ¿Pën ëkmayëtëp tmëjpëjkta'akëty ijxtëm pyaat'atyën?

Salmos 134:1

Jënu'un yë Wintsën xymyëtuntën. Kënu'kxyjyawëtë mëjjawëtë yë Wintsën, ninu'un jap tsajptëkoty myajpaatën tsu'um koots.

Salmos 145:2

Xëmë mijts oy njawëja'any, ets ntukxoonta'akäämpyës yë mxëëw xëmë.

Salmos 145:5

Yajnimëtya'akaanp yë mmëjajtën m'oyajtën, ëjts nnimëtya'akäämpyës wi'ix winë mëj këjää të xytyuny të xykyäjpxyën.

Salmos 146:2

Nmëjpëjkta'akäämpyës yë Wintsën mapaatës njuuky'ätyën, nkuuy'ëwäämpyës yë Dios mëti'ipës nTios'ajtypyën, maas tyam njuuky'ätyën.

Salmos 16:2

Tëë n'ënëëmë: Ko mijts nWintsën'ajtyp ets mijts ntuk'oy'äjtyp, nitii kyajëtu'unëty ijxtëm mijtsën.

Salmos 66:2

kuuy'ëw kuuya'axtë yë myëjxëëw kyënu'kxyxyëëw, tukwin'ëwtë oypyë ëy yä'äxy.

Salmos 99:3

Wä'än tyajwin'ëy tyajwinyä'äxy yë xyëëw, jä'ä ko yë'ë mëj'äämpy y'ity ets kutsë'ëkë; Dios, wa'ats yë'ë.

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Éxodo 15:6

Wintsën yë mmëkajtën mkutujkën yë'ë winë të tuny, mëti'ipë mëkën ets maaytyääyëp winë, mëti'ipë ojts tjaamteeny tnaaxteenyën ja mëtsip.

Daniel 2:20

Mëët ya'atë aaw ayuk: Kënu'kxy yë xyëëw nyaaxëty xëmë yë Wintsën, jä'ä ko yë wyijy'ajtën ets kyutujkën yë'ë jyä'ä'ajtyp.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Deuteronomio 28:58

Ënet jëtu'un pën ka'ap xykyuuytyuny ja mëti'ipë të mjayajtukni''ixën ets ko ka'ap xywyintsë'ëkëty yë mWintsën.

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

Jueces 13:18

E ja Wintsën ja kyukäjpxy tyaa y'ëtsooy: ¿Wi'ix ko xynyijawëja'any yë nxëëwës? Yë'ë yu'utsyës nmëët'aty.