Nehemías 9:38 - Biblia Dc en Mixe de Quetzaltepec

³⁸ Mëët ya'atë kyëjxm, tyam ëëts yajxon nikajpxtë nokykyijxy ets wä'än yajxon tyajjaaypyäjta'ay, ets ja noky mëti'ipë ënät pëtë'ëkëpën yë'ë wyinkukaatsëtëp ets tsya'atëp ëëts yë nkopktëjkëty, Leví ja'ayëty ets teetytyëjkëty.

Biblia Mixe de Quetzaltepec

³⁸ Mëët ya'atë kyëjxm, tyam ëëts yajxon nikajpxtë nokykyijxy ets wä'än yajxon tyajjaaypyäjta'ay, ets ja noky mëti'ipë ënät pëtë'ëkëpën yë'ë wyinkukaatsëtëp ets tsya'atëp ëëts yë nkopktëjkëty, Leví ja'ayëty ets teetytyëjkëty.

Nehemías 9:38 ပူးပေါင်းရင်းမြစ်များ

2 Reyes 23:3

Ënet ja yajkutujkpë jam wya'ak'o'oyëy ma ja mëjpotsyën, mëti'ipë ja tsajptëjk pya'tënääpyën ets y'ënäny; ko myëmëtowäämpy ja Wintsën ets ko pyatuunta'ajäämpy ja y'ënä'ämën tyiyajtën; ja y'aaw ja y'ayuk ets ko xëmë tja'amyätsa'any ja käjpxytyu'unën mëti'ipë jap miinpën kuja'ay ma ja nokyën. Näyjyëtu'un ja naax kajpn ojts ja y'aaw y'ayuk tkë'ëyaktë.

2 Crónicas 23:16

Ok ja Joiadá tuuny ja käjpxytyu'unën mëët ja naax kajpn ets ja yajkutujkpë, ojts nikajpxtë ko yë'ë xyëëwajtëp Wintsën ja nyaax kyajpn.

2 Crónicas 29:10

Paatyës të ntuknipëjktaakë koos ja käjpxytyu'unën oypyë ntuna'any mëët yë Wintsën, mëti'ipë Israel ja'ayëty y'ëwtajtëpën ets Wintsën tyajjëwa'akëty ja tsyip y'äkë ma ëëtsajtëmën.

2 Crónicas 34:31

Ënet ja yajkutujkpë wya'akë'ky jam ma ja potsy'ëjxën ets y'ënäny ko tpatuna'any ja Wintsën ja y'ënä'ämën kyutujkën ets ko winë aaw winëjot tmëmëtowa'any ja Wintsën ja y'ënä'ämën tyiyajtën, y'aaw y'ayuk ets y'ëëwtë'ëw kyajpxtë'ëwën, mëti'ipë jap miinpën kuja'ay ma ja nokyën.

Esdras 10:3

Ëëtsëty tyamës nikajpxtë ko n'ëxmatsantëpës ja nto'oxytyëjkëty mëti'ipë ka'ap y'Israel ja'ayëtyën mëët ja y'u'unk y'ëna'këty, jëtu'un ijxtëm ja ënä'ämën tëyajtën jap myinyën mëti'ipë mijts mnija'apën, mëti'ipë Wintsën jyä'ä'ajtypyën.

Nehemías 10:1

Ëëtsëty yam ya'atë noky nyajkojtëp, ntsa'aja'antës ets nkë'ëkaa nkëxtijja'antës: Ëjts, Nehemías maas xy'u'unk'atyën yë Hacalías, mëti'ipë ënety yajkutujkpën; Sedequías,

Nehemías 10:29

ojts tyu'ukmujkta'atë jënu'un ënety tyu'ukjëëky'at tyu'ukmëku'uk'atën mëët ja kyopktëjkëty ets ojts tnikajpxtë ko tpatuna'antë ja Wintsën ja y'ënä'ämën tyiyajtën mëti'ipë yajwë'ëmën mëët ja Moisés, ets ko tpatuna'antë ja ënä'ämën tëyajtën, ja winma'any ets ja y'aaw y'ayuk ja Wintsën.

Isaías 44:5

Nëjkxëp ja ja'ay y'ënä'äny: Ëjts Wintsënës xyjyä'äy'ajtp, wiinkpë jëtu'un nëjkx nyätyijyë: Jacob xy'u'unk'ajtp xy'ok'ajtpës, wiinkpë jam kyë'ëkëjxm tkëxja'aja'any: Wintsënës xyjyä'ä'ajtp, ets wiinkpë nëjkxëp xyëëw tyajtëkatsy ets nëjkx Israel xëëw tpëjktä'äky.

Mateo 27:66

Tääts ojts nyëjkxtë ets yajxon tyaj'ëtujktë ja o'kpë jut ets tku'ëtsaaytyë; ëpëky ja këwent'ajtpë ojts wyë'ëmtë.