Nehemías 9:26 - Biblia Dc en Mixe de Quetzaltepec

²⁶ Je'eyëp ko yë'ëjëty ojts mkäjpxykyutëjyë ets ni'ikyë ojts je'eyë mkäjpxykyumëtoownajxënë ets ka'ap n'ëktuunëtë këwentë ja m'ënä'ämën mtëyajtën. Ja mtuunpë ets ja mja'ay mëti'ipë ja m'aaw m'ayuk jyanikäjpxypën je'eyë tyaj'o'k tyajtëkooytyë jä'ä ko ënety tyukwinmëtowëtë ja nyëë pyokyëty, tääts jëtu'un'äämpy myajjoot'anpëjkë mëjwiin këjää.

Biblia Mixe de Quetzaltepec

²⁶ Je'eyëp ko yë'ëjëty ojts mkäjpxykyutëjyë ets ni'ikyë ojts je'eyë mkäjpxykyumëtoownajxënë ets ka'ap n'ëktuunëtë këwentë ja m'ënä'ämën mtëyajtën. Ja mtuunpë ets ja mja'ay mëti'ipë ja m'aaw m'ayuk jyanikäjpxypën je'eyë tyaj'o'k tyajtëkooytyë jä'ä ko ënäty tyukwinmëtowëtë ja nyëë pyokyëty, tääts jëtu'un'äämpy myajjoot'anpëjkë mëjwiin këjää.

Nehemías 9:26 ပူးပေါင်းရင်းမြစ်များ

1 Reyes 14:9

Mijts ni'ik o'ktëy winë të xytyuny, këtiinëm ja mmëku'uktëjk mëti'ipë jëyëjp të tyuntën; mijts je'eyës nëkoo të xyajjoot'anpëky, ko tëkatsypë ja awinax të xyajkojy ka'apë jeexyë mëpaat xy'ëwtatën, aak pujxntsetsy, aak pu'ts pujxnpotsy ets ëjts jëkäm xypyëjktaknës.

Nehemías 9:18

Oy kë'ëm tjatimyajkojtë ja y'awinaxëty pujxnëpë y'oytyunyëtyën mëët, jëtu'unpë kyëxë'ëkyën tä tsajpkaajën ets y'ënantë ko yë'ë të yajpëtsëmëtë jap Egiptë ets aakjä'ä tyuuntë mëti'ipë yajjoot'anpëjkpën,

Hechos 7:52

Ja m'aptëjkëty ojts tpajëtijta'aktë ja Dios ja kyäjpxynyajxpë ets tyaj'o'ktë mëti'ipë nyikajpxtën ko myina'any mëti'ipë ka'ap pyokymyëëtëtyën. Ko të myiny, miits të xyaj'ooktë.

1 Reyes 19:10

Tä ja Elías y'ëtsooy: Mijts Wintsën mëti'ipë maaytyääyëpën winë, yë'ëjës nmëkja'ap ets yë'ë ko ni'ikyë, paatyës yam nikäjpxy ko yë Israel ja'ayëty tëë tja'atyëkooynyëtë ja käjpxytyu'unën mëti'ipë tyuuntën mëët mijts, tëë tjijta'atë ja mwintsë'këntyakn ma myajmëjjawën ets tëë tyaj'o'kta'atë ja mtuunpëtëjk. Ëjtsyë atu'uk të njaakwë'ëmyës juuky, ets nän tääjës nyajpaajëtity etsës näjyëtu'un xyaj'ooka'antë.

1 Reyes 18:4

paaty ko ojts ja Jezabel may tyaj'ooky ja ja'ayëty mëti'ipë ja Wintsën myëtuuntëpën, yë Abdías, may ojts tyajtso'oky yë Wintsën mëtuunpëty, wëxtyikxy majkjaty tpëjktäky ets tyu'ty, yë'ë tyim yajkaay.

Mateo 21:35

E ja tuunpëtëjkëty ojts tmatstë ja ja'ay mëti'ipë ënety ja kukam të tkexyën; tu'uk ojts twoptë, ojts tu'uk tyaj'ooktë ets tu'uk tkuka'tstë.

Ezequiel 20:21

E yë y'u'unk y'ëna'këty ojts xykyäjpxy kumëtoownaxtës. Ka'ap tpatuuntë ja ntëyajtënës ets ka'ap tmëmëtoowtë ja n'ënä'ämënës, mëti'ipë yajjuuky'ajtpën ko yajpatuny, e yë'ëjëty ojts ja npo'kxën nxëëwës tyaj'ëxëëkëtë. Ojtsës nja'ëna'any ets jeexyë jam të'ëts'itjotm nyajkutëkooytyës ets jeexyë ja n'äkës xyeemy,

Salmos 50:17

Mijts ka'ap xy'oyjawë ko tii ntuk'ënëëmë, ets ka'ap xytyunyë këwentë yë n'ayukës.

Nehemías 9:30

Kanaak jëmëjt ojts xypyokymye'kxy ets xyjyajpa'ëyooy, mjatuk'ëwa'anëy mëët ja mmëkajtën m'oyajtën ets ja mkäjpxynyajxpëtëjk ets jeexyë ka'ap nëkoo nëë poky timpyanëkxtëkëtë mëët ja mtuunpë ets ja m'oyjot m'oywyinma'any; e yë'ëjëty ka'ap tim myëjpëjktaktë, paaty ojts xytyim'ijxmajtsnë ets ja myëtsip ojts yajnëjkxënëtë wiink naax wiink kajpn.

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

2 Reyes 21:11

Mëët ko ja Manasés të tuny ja ka'apë tyuunëtyën ets ko të tuny winë wäänë o'ktëy këtiinëm jyëtu'unëty ja Amor ja'ayëty mëti'ipë jam tsënaaytyën ma tampë ja naax kamën, ko të tyajkutuky ets ja Judá t'ëwtajtnëty ja awinax ets ja tsaatsetsy,

1 Reyes 18:13

¿Ti këtiijën pën të mtuk'ëwa'anxëty wi'ixës ojts tëëyëp may ja Wintsën ja myëtuunpë nyajtsokënë, ko ja Jezabel tyaj'o'ky mëti'ipë ja Wintsën myëtuuntëpënë? Ëjts mayës ojts nyu'uty, wëxtyikxy majkjaty ojts mpëjkwa'kxës etsës jap aankjoty mpëjktaktaay japtsës ntukninëjkx ja kyä'äyënëty y'ukënëty.

Jueces 10:6

E yë Israel ja'ayëty ojts jatëkok t'ëxmatstë ja Wintsën ja nyë'ë'aaw tyu'u'aaw, jä'ä ojts tpanëjkxtëkëtë ja Baal ets ja Astarté, ka'apë tyiosëtyën mëti'ipë yë Siria ja'ayëty y'ëwtajtëpën; näjyëtu'un yë Sidónja'ayëty, Moab ja'ayëty, Amón ja'ayëty ets filistejë ja'ayëty. Yë Israel ja'ayëty ojts t'ëxmajtsnëtë Wintsën ets ka'ap ojts t'ëkmëjja'awënëtë.

Nehemías 9:29

Mjanajts'ë'ëw mjanaskajpxëp ijty ets tpatuntëty ja m'ënä'äm mtëyajtën; e yë'ëjëty ijtëpën ja nyäyajnaxëtë paaty ja ka'ap timmyëmay timyëtajtë mijts ja m'ënä'ämën; këtii ijty mëj timjyawëtë ja m'aaw m'ayuk mëti'ipë juukyajtën yäjkpyën ma ja'ayëty mëti'ipë pyatuumpyën ja m'ënä'ämën; je'eyë xëmë kyäjpxykyumëtoownajxtë ets juun ja jyot wyinma'any tpëjktaktë.

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 16:11

Ënet xy'ëtsowëty: Jëtu'un yë Wintsën y'ënä'äny: Tyaapë paaty jëtu'un jyäty kyëpety jä'ä ko ja m'ap m'okëty ojts xy'ëxmatstës ets ojts ja wiink tios tpanëjkxtëkëtë, yë'ë ojts t'ëwtajtnëtë ets tukwintooynyëtë ja poom; e ëjts jëkäm jëxkë'ëmës ojts xyajwë'ëmnëtë ets ka'ap pën t'ëktuunë ijxtëmës ënety të ntuk'ënëëmëtën.

Jeremias 32:23

E ko jyajtë jam ma ja it naaxwiinyëtën mëti'ipë ënety të xymyo'oyën ets tpëjktaaytyë ja nyaax kyamëty, ka'ap ojts m'ëk mëmëtoowënëtë ets ka'ap ojts jëtu'un t'ëktuunëtë tä ënety të m'ënë'ëmxëtyën, nimëti'ipë tkatuuntë mëti'ipë mjatuk'ënëmaayën. Paaty xytyuknikejxy ja ëyo'on jotmay mëti'ipë tyam tuunëpen jajtëpën.

Jeremias 42:19

Miitsëty nijënu'un mjaakwë'ëmtën yaa Judá, jëtu'un yë Wintsën m'ënë'ëmxëtë ko këtii mnëjkxtëty jap Egiptë. Yajxon tim nijawëtë ets tyam myajtuk'ëwaanëtë.

Lamentaciones 3:42

Ëëtsajtëmë tëë ntuuntëko'oyëmë ets tëë nkäjpxykyumëtoownajxëmë ets mijts ka'ap të mpokymye'kxy.

Deuteronomio 32:14

Ma tsyajpkaato'oxyëtyën jam ja y'on tpatë ets quesë; ojts tsu'utstë yë tsajppax ets kupixyny oyëtypë ni'kxëtypë aakyë'ë jëtu'unpë tä mëti'ipë jamën Basán; aakyë'ë kyääytyë y'uktë oyëtypë tsajpmok ets yë'ë tyukpa'uktëp tsatym nyëë, jëtu'unpë ja nyëë y'akëxë'ëkën tä ne'pynyën.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

2 Reyes 21:10

Paaty ja Wintsën ja aaw ayuk tnajtskäjxëy mëët ja tyuunpëtëjk ets y'ënäny:

Jeremias 2:7

Ëjts ojts yaa miitsëty nyajmintë ma jyi'kxynyaaxjotëtyën ets xyjyë'kxtëty xypyëktëty ja aaytyëëm ujtstëëm, aakyë'ë oyjyätyëtypë mëti'ipë yaa pëtsëëmpën kamjoty tu'ujoty. E miitsëty ojts mintë ets xyaj'ëxë'këtyë ja nnaaxës, je'eyës ojts njot kyu'kxpëky maas ja nkajpnën.