Nehemías 9:25 - Biblia Dc en Mixe de Quetzaltepec

²⁵ Ojts tjä'ä'atë may ja naax kajpn mëti'ipë ënety ta'tspëkyëtyën ets mëti'ipë myëët'ajtypyën ja naax kajpn oyëtypë ets jë'kxynyaaxpë, ja naax kajpn ma oyëtypë ja jëën tëjkën ujtsëty mëët ja jë'kxy pëky ets wit meeny, jam'ajtp ja nëë, jam'ajtp ja kam, aaykyam ujtskam ets jë'kxykyam; ets kyääytyë y'uktë koonëm kyuxëtë ets jyot tyiin'ak tyaj'ujtstë mëët ko ënety mijts ja m'oyjot m'oywyinma'any xymyëët'aty.

Biblia Mixe de Quetzaltepec

²⁵ Ojts tjä'ä'atë may ja naax kajpn mëti'ipë ënäty ta'tspëkyëtyën ets mëti'ipë myëët'ajtypyën ja naax kajpn oyëtypë ets jë'kxynyaaxpë, ja naax kajpn ma oyëtypë ja jëën tëjkën ujtsëty mëët ja jë'kxy pëky ets wit meeny, jam'ajtp ja nëë, jam'ajtp ja kam, aaykyam ujtskam ets jë'kxykyam; ets kyääytyë y'uktë koonëm kyuxëtë ets jyot tyiin'ak tyaj'ujtstë mëët ko ënäty mijts ja m'oyjot m'oywyinma'any xymyëët'aty.

Nehemías 9:25 ပူးပေါင်းရင်းမြစ်များ

1 Reyes 14:9

Mijts ni'ik o'ktëy winë të xytyuny, këtiinëm ja mmëku'uktëjk mëti'ipë jëyëjp të tyuntën; mijts je'eyës nëkoo të xyajjoot'anpëky, ko tëkatsypë ja awinax të xyajkojy ka'apë jeexyë mëpaat xy'ëwtatën, aak pujxntsetsy, aak pu'ts pujxnpotsy ets ëjts jëkäm xypyëjktaknës.

1 Reyes 8:66

Ko tyuktujkxëëwpejty tä ja Salomón ja mayjyä'äy mëët nyäjyëkajpxtaayënë e yë'ëjëty ojts yajkutujkpë tkënu'kxtë. Tääts këëkjä'äjaty nyëjkxtaaynyëtyë ma ja tyëjkëtyën mëët akujk'ajt jotkujk'ajtën ko të t'ixtë wi'ix ja wintsën ja tyuunpë David oy të tkënu'kxyën ets wi'ix ja naax kajpn näjyëtu'un oy tyajmëj'atyën.

Nehemías 9:35

Ni'ikyënëm jam ma ja kyutujktaknëtyën, oy winë mëj këjää xyjyamooy, ja wit meeny, ja naax kam ma winë y'ity wyintëyën ma ja naax kajpnën mëti'ipë mtukë'ëtëkëyën ka'ap ojts mëjjawëty ets ka'ap ja y'ëxëëknë'ë y'ëxëëktu'u t'ëxmajtstë.

Salmos 105:44

ets myooyëtë ja naaxwiinyëtë mëti'ipë wiink kajpn jyä'ä'ajtypyën, ets ja jë'kxy pëky mëti'ipë wiink ja'ay nyitu'unëyën,

Salmos 65:11

Mijts yë mkënu'kxën myajkëtäkpy naaxwiiny naaxkëjxy, nyäxy yë xëëw jëmëjt. Ko jyää'aty yë yoots nëma'a, ënät winë y'ity wyintëy;

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Jeremias 2:7

Ëjts ojts yaa miitsëty nyajmintë ma jyi'kxynyaaxjotëtyën ets xyjyë'kxtëty xypyëktëty ja aaytyëëm ujtstëëm, aakyë'ë oyjyätyëtypë mëti'ipë yaa pëtsëëmpën kamjoty tu'ujoty. E miitsëty ojts mintë ets xyaj'ëxë'këtyë ja nnaaxës, je'eyës ojts njot kyu'kxpëky maas ja nkajpnën.

Jeremias 31:14

Ëjts nyajkutukäämpy ets ja teetytyëjkëty jotkujk kyäytyëty y'uuktëty ets ja nnaax nkajpnës tukxoonta'aktëty mëti'ipës nmooytyëpën. Ëjts Wintsën, ëjts ënaanp.

Jeremias 32:23

E ko jyajtë jam ma ja it naaxwiinyëtën mëti'ipë ënety të xymyo'oyën ets tpëjktaaytyë ja nyaax kyamëty, ka'ap ojts m'ëk mëmëtoowënëtë ets ka'ap ojts jëtu'un t'ëktuunëtë tä ënety të m'ënë'ëmxëtyën, nimëti'ipë tkatuuntë mëti'ipë mjatuk'ënëmaayën. Paaty xytyuknikejxy ja ëyo'on jotmay mëti'ipë tyam tuunëpen jajtëpën.

Ezequiel 20:6

Jä'ä xëëw ojts n'ënëëmëtës ko nyajpëtsëma'antës jap Egiptë ets nyanëjkxa'antës ma ja naax kajpnën mëti'ipës të ntuknipëjktaakëtën, tu'uk ja kajpn ma ja tsi'tsknëë ets ja uuxpa'ak jëtu'un pyëyi'ikyën tä nëëjën, ma tu'uk ja naax kajpnën mëti'ipë ni'ik oyën këtiinëm jyëtu'unëty wiinkëtypë kajpn.

Daniel 11:24

Ma ënety ka'ap yë'ë yajmëmay yajmëtajyën jää nëjkx tnitëkëtyä'äy ja naax kam mëti'ipë jë'kxynyaaxën ets tuna'any ja mëti'ipë ka'ap nijëna'a ja yajkutujkpëtëjk tuntënëm mëti'ipë y'ap'ajtyp y'ok'ajtypyën:

Oseas 13:6

E ko miitsëty ja mjë'kxy mpëky may xymyëët'ajtë ets nyatëjkëy, amëj akëjxm ojts m'aaw mjot xyjyawëtë ets xyjyä'äytyëkoytyës.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Romanos 2:4

Mijts m'ixtijpy ja Dios ja y'oyajtën, ja mä'kxtujkën ets ja y'oywyinma'any, ets ka'ap xyjyawë ko yë'ëkyëjxm jëtu'un m'awinpity tä yë'ëjën

Deuteronomio 3:5

Tëkokyë tääpë naax kajpn aak napotsy ets kuwa'any ijtyëty, oyëty ets ta'tspëkyëty yë nyitëjk'aaw. Ëpëky näjyëtu'un ja kajpnëty mëti'ipë ka'ap nyapotsy'atën.

Deuteronomio 32:13

Yë'ë ojts xëmë yajmëta'akëtë oymyaajëty, tyimjajtë jam jëtu'un kopkkëjxm, ko jam jyajtë ojts tyukjë'kxëtë ja aaytyëëm ujtstëëm jampë yajpaatyën kamjotm tu'ujotm, ojts tyukjë'kxëtyë ja uuxpa'ak, mëti'ipë ojts tsaajoty tpaatën, ets ja on mëti'ipë tsaakëjxm yoonë'kpën.

Deuteronomio 32:14

Ma tsyajpkaato'oxyëtyën jam ja y'on tpatë ets quesë; ojts tsu'utstë yë tsajppax ets kupixyny oyëtypë ni'kxëtypë aakyë'ë jëtu'unpë tä mëti'ipë jamën Basán; aakyë'ë kyääytyë y'uktë oyëtypë tsajpmok ets yë'ë tyukpa'uktëp tsatym nyëë, jëtu'unpë ja nyëë y'akëxë'ëkën tä ne'pynyën.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.