Nehemías 9:23 - Biblia Dc en Mixe de Quetzaltepec

²³ Nimay ja y'u'unk y'ëna'k xymooy tä mëtsa'ajën tsajpkëjxm yaj'ixyën, tääts jam xywoownëjkxtaay ma ja it naaxwiinyëtën mëti'ipë ënety ja y'aptëjk të xytyukwinwanën.

Biblia Mixe de Quetzaltepec

²³ Nimay ja y'u'unk y'ëna'k xymooy tä mëtsa'ajën tsajpkëjxm yaj'ixyën, tääts jam xywoownëjkxtaay ma ja it naaxwiinyëtën mëti'ipë ënäty ja y'aptëjk të xytyukwinwanën.

Nehemías 9:23 ပူးပေါင်းရင်းမြစ်များ

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Génesis 15:5

Ënet ojts yë Wintsën yë Abram tyajnëjkxy ëpëky ets t'ënëmaay: Ëk'ix yë mëtsa'a tsajpjotmëpë, ëkmëtyow pën y'ëkjëkyejpy xymyëtyoowëty. Timjëtu'un myäy'ata'any yë m'u'unk m'ok jëtu'un ijxtëm yë mëtsa'a myäyëtyën.

1 Crónicas 27:23

David ka'ap ojts tyajnokytyëkë ëna'këty mëti'ipë ënety ka'ap jyëmëjt tpaatynyëmën i'px, jä'ä ko tëë ënety Wintsën y'ënä'äny ko yajmayëjäämpy ja'ay jëtu'un tä jam tsajpwinm kyëxë'ëkyën yë mëtsa'a.

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Génesis 12:7

Ënet ojts jam yë Dios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënet ojts yë Abram pojën t'oytyuny tu'uk ja wintsë'këntyakn, jä'ä ko ënety jam yë Dios të nyänyikëxë'ëkyë.

Deuteronomio 28:62

E mijts Israel kajpn oy ënety janty nimay të mjayajpaatë, yiin wään nëjkx mjaakwinkëta'aktë, e mëët yë'ëkyëjxm ko ënety ja mWintsën Dios të xykyamëmëtowtë.

Éxodo 1:7

Yë Israel ja'ayëty janty nimayëty yë y'u'unk y'ëna'k myiintë naaxwiiny naaxkëjxy, jëtu'un'äämpy ojts yajxon nyimayëtë ets y'awinpijtë tu'uk mëj kajpn jap Egiptë ets mapaat yë Egiptë kajpn tnitänën yë naax kam, aakyë'ë ënety yë Israel ja'ayëty yajpatnëtë oymyaajëty.

Éxodo 1:12

E mëk jyayajtuunëtë yë'ëjëty je'eyëm ojts nyimayëtë'ëtstë. Paatykyëjxm ojts ja Egiptë ja'ayëty ja tsë'ëkë tyuktëkëtë.