Nehemías 9:2 - Biblia Dc en Mixe de Quetzaltepec

² ets tpuwa'ktutaaytyë ja jëpyo'kxyjyä'äyëty, wya'akë'ktaaytyë ni'amukë ets y'ënantë ko tëë ënety ja nëë poky tjantytyuntë ets näjyëtu'un ja y'ap y'okëty.

Biblia Mixe de Quetzaltepec

² ets tpuwa'ktutaaytyë ja jëpyo'kxyjyä'äyëty, wya'akë'ktaaytyë ni'amukë ets y'ënantë ko tëë ënäty ja nëë poky tjantytyuntë ets näjyëtu'un ja y'ap y'okëty.

Nehemías 9:2 ပူးပေါင်းရင်းမြစ်များ

1 Reyes 8:47

pën jootwinpijtë ets yaj'o'oyëtëp ja jyot wyinma'anyëty; y'ëna'antëty: Tëë mpokytyu'unëmë ets tëë ntëko'oyëmë, nmëët'ajtëmë ja nëë poky.

Esdras 10:11

E tyam, yaa ma Wintsën wyintuuy, nikajpxtë ets mëmay mëtajtë wi'ix të mtëkoytyën ets xypyatuntëty mëti'ipë ja Wintsën yajkutujkpyën. Jëwa'aktë jam ma ja'ayëtyën mëti'ipë ëxëëk ja jyot wyinma'anyëtyën ets ëxmatstë tääpë to'oxytyëjkëty mëti'ipë ka'ap y'Israel ja'ay'atën, mëti'ipë wiink wintsën y'ëwtajtëpën.

Esdras 6:21

Ni'ëmukë ja Israel ja'ayëty mëti'ipë ënety të y'itën ëxwopy ixkexy ojts tkaaytya'atë ja kääky uuky mëti'ipë ënety të yajtuknikojën yë ëmaayxyëëw ets may myiintë ja'ayëty mëti'ipë ënety ka'ap të nyätyukpaatëtën ja ëxëëktu'un, ëxëëkajpxën, ka'apë të yajtukwin'ëëntën ja wit meeny; ojts myiinta'atë, tukxoontaktë ja Wintsën, mëti'ipë y'ëwtajtëpën ja Israel ja'ayëty.

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

Esdras 9:15

Wintsën, Wintsën, mëti'ipë yë Israel ja'ay y'ëwtajtëpën, mijts janty'oy mjot mwinma'any xyajkëxë'ëky ma ëëtsëtyën, mijtsën të xyajkutuky ets ja ja'ay ka'ap tyimkëjxta'ajëty, jëtu'un ijxtëm tyam yaj'ixy yajtunyën. Ëëtsëty tëë nëë poky njanty myëtëkëtës ma mijtsën; paatykyëjxm ka'ap tjëkyepy wi'ix ëëts nyajpaatëtyën ma mijtsën.

Esdras 9:2

Yë'ëjëty ets ja y'u'unk y'ëna'këty ye'etyëjkpë tëë pyëjknëtë y'uknëtë mëët ja to'oxy'ëna'këty mëti'ipë tääpë ja'ayëty nyëëx'ajtëpën; tääts jëtu'un ja nätyuktëk nätyukwa'akë y'ijnë mëët tääpë ja'ayëty ka'apë kyunaax'at kyukajpn'atën. Yë'ë jëtu'un ëtëtsnëtëp mëti'ipë ja naax kajpn nyikopk'ajtëpën, tä yë kutuunktëjkëtyën.

Nehemías 1:6

tyam nmënu'kxtä'äky ets xytyunëty ja mëyajtën xymyëtoow'itëty ja nu'kxtakën mëti'ipë xëëny koots ntukmëtoopyën maas nijëëytyä'äky ninu'kxtä'äkyën ja mtuunpë, Israel ja'ayëty. Nja'awëy'ijtypës ko tëëjës mpokytyuntë ma mijtsën; yë'ëpaat yë nteety ntaakës yë y'u'unk y'okëty.

Nehemías 10:28

E ja kunaax kukajpnëty tä ja teetyëtyën, Leví ja'ayëtyën, tëjkëwent'ajtpëtyën, ëëpëty, tuunpëty mëti'ipë tsajptëjk këwent'ajtëpën ets mëti'ipë ëpëky të yajtuknipëktën ets wiinktuunk tuntëty ma tuntëtyën mëti'ipë ja Wintsën nyi'ënä'ämëpën mëët ja y'u'unk tyo'oxytyëjkëty ets y'u'unk y'ëna'këty mëti'ipë maaynyëtëp tajnëtëpën,

Nehemías 10:29

ojts tyu'ukmujkta'atë jënu'un ënety tyu'ukjëëky'at tyu'ukmëku'uk'atën mëët ja kyopktëjkëty ets ojts tnikajpxtë ko tpatuna'antë ja Wintsën ja y'ënä'ämën tyiyajtën mëti'ipë yajwë'ëmën mëët ja Moisés, ets ko tpatuna'antë ja ënä'ämën tëyajtën, ja winma'any ets ja y'aaw y'ayuk ja Wintsën.

Nehemías 13:3

E paaty ko tmëtoowtë jëtu'unpë ja aaw ayuk ënätyë ojts ëpëky timy pëjktaktaaykyojtë ja ja'ayëty mëti'ipë mëët tsyënaaymyuktën ja tääpë ja'ayëty.

Nehemías 13:30

Ojtsës nyajwatsta'ay ja naax kajpn ko yaj'ixkäjxtaay ja jyëpyaatëty jaaypyo'kxyëty ets jatëkok ntukniwijtsëtyääyës ja tyuunkëty ja teetytyëjkëty ets Leví ja'ayëty ets t'atänëtëty nitu'ukjaty mëti'ipë tuunk patëtëpën;

Salmos 144:7

Xajë'ëk jam këjxm, yajpëtsëëmkës yap nëëmejyjoty. Yajpëtsëëmkës ma ya'atë ja'ayëtyën mëti'ipë ënä'ämtëpën ka'apës n'ixy'ätyën,

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Isaías 2:6

Tëë ja mnaax mkajpn xy'ixmajtsnë ma tsyëënëtën ja Jacob ja jyä'äy, jä'ä ko ujts yajpaaty mëët ja najtsja'apëtëjk ets ja tsuu mëkajpxpë poj mëkajpxpë, jëtu'un tä ja filistejë ja'ayëtyën ma mëët oy nyäyaj'itëtën ja jaaypyo'kxyjyä'äyëty.

Jeremias 14:20

Wintsën, nja'akyujkëtëp ëëtsëty ko tëë nmëtëkoytyë ets ko tëë pyokytyuntë ja n'ap n'okëtyës; tëëjës npoky tyuntë mijts mwintuuy.

Jeremias 3:13

Yi'iyë mkupëkëp ko tëë mpokytyuny, ko yë mWintsën Dios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Daniel 9:20

Ëjts tëëjës ja Dios nmënu'kxtä'äky ets ja mpoky nmaaywyätyës, tëë näjyëtu'un ja naax nkajpnës, yë Israel kajpn ninu'kxtä'äkyës ets ja Wintsën n'amëtoyës ja kënu'kxën ma ja kyopkën mëti'ipë wa'atsën.

Oseas 5:7

Tëë yë Wintsën tmëtëkoytyë, jä'ä ko tam yë y'u'unk tmëëtëty mëti'ipë wiinkteety tyeety'äjtypyën. Mëët ko ja pëjkën ukën të tkawinkutsë'ëkë, tu'kpo'o je'eyë nëjkx yë nyaax kyajpn kyam y'ëyo'onpata'ay.