Nehemías 9:19 - Biblia Dc en Mixe de Quetzaltepec

¹⁹ mijts, ko tääjën ja m'ëma'atjot xy'ëkmëët'aty mëjwiin këjää, ka'ap jam jëtu'unyë xynyikäk të'ëts'itjotm. Ja yoots nëma'a mëti'ipë ënety winye'eyëtëpën xëëny ka'ap ojts tyajjëwä'äky ets näjyëtu'un ja jëën mëti'ipë ënety koots winye'eyëtëpën.

Biblia Mixe de Quetzaltepec

¹⁹ mijts, ko tääjën ja m'ëma'atjot xy'ëkmëët'aty mëjwiin këjää, ka'ap jam jëtu'unyë xynyikäk të'ëts'itjotm. Ja yoots nëma'a mëti'ipë ënäty winye'eyëtëpën xëëny ka'ap ojts tyajjëwä'äky ets näjyëtu'un ja jëën mëti'ipë ënäty koots winye'eyëtëpën.

Nehemías 9:19 ပူးပေါင်းရင်းမြစ်များ

Nehemías 9:12

Ets ojts xywyinye'ey mëët ja yoots nëma'a ko xyiiny'äjty e ko kyoots'ajty mëët ja jëën ets ja nyë'ë tyu'u t'ixtë ko ënety tyu'uye'eytyë.

Nehemías 9:27

Paatykyëjxm ojts kyë'ëyajkënë ma ja myëtsipëtyën, mëti'ipë ëxëëk tuunëtën. Ok tja'ijxtë ko ëxëëk jyajnëtë kyëpäjnëtë, tä tpëjktsoowtë ja näpyutëkë ma mijtsën, e mijts mëët tu'uk mëjpa'ëyo'owën, ojts xymyëtoowë jam tsajpjotm ja jyi'iyënëty yaxënëty; ets xytyuknikejxy ja ja'ay mëti'ipë yaj'ëwaatsëpëtsëëmëtën ma ja myëtsiptëjkëtyën.

Nehemías 9:31

E mijts mëët ko xy'ëkmëët'aty ja pa'ëyo'ow najts'ëyo'owën ka'ap xytyimyajkutëkooy ets tu'ukyë xytyim'ijxmajtsy; tä xyajwinkëxë'ëky ko mijts oy mTios'aty ets mëët'ajtyp ja ëma'atjot.

Salmos 106:45

ënety ojts tja'amyetsy ja käjpxytyu'unën mëti'ipë ënety mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

Salmos 136:16

Mëti'ipë ojts ja nyaax kyajpn twoownëjkxyën jam të'ëts'itjotm, jä'ä ko yë tsyojkën jya'awën winë xëëw winë jëmëjt yë y'ijtëy.

Éxodo 40:36

Ko ja yoots ijty pyëti'iky, mëti'ipë jam ko'knääpyën ma ja tëjk kopkën, yë Israel ja'ayëty ënätyë ijty näjyëtu'un tyajpëtë'ëktë ja tsyënaaytyaknëty.

Éxodo 40:38

Jëtu'un ojts nyë'ëye'eytyë tyu'uye'eytyë ja Israel ja'ayëty, t'ijxtë tkoowtë winë mëj këjää, ko ijty xyiiny'äty ja Wintsën ja yoots ijty nyitëëynyääpy ja Dios ja jyëën tyëjk e ko kyoots'aty jëtu'un jam kyëxë'ëky ma ja tëjk kopkën, ma ja Dios ja jyëën tyëjkën, tä tu'uk yë mëj jëënyä'änkën.

Isaías 44:21

Israel kajpn, mëti'ipë Jacob kyajpn'ajtypyën, ja'amyäts ko mijts nkajpn'ajtyp; mijts ntuunpë'ajtyp, ëjts mijts të nyajkojy. Israel kajpn, këtiis xyjyä'äytyëkoy.

Lamentaciones 3:22

E yë Wintsën, ijxtëm yajnijawën ka'ap yë tsyojkën jya'awën kyixy nyäxy ets y'oy jot y'oywyinma'any ka'ap kyukëxë.

Ezequiel 20:14

e ëjts koos yë nxëëw nkayajnipäxëtëkëja'any ka'apës jëtu'un ntuuny, këtiipë tëkatsy nwë'ëmëtyës ma ja wiinkëtypë ja naax kajpnën mëti'ipë ënety të t'ixtën koos jap Egiptë nyajpëtsëëmtë.

Ezequiel 20:17

Je'eyëp ko ojtsës mpa'ëyowtë, paatyës ka'ap nyaj'atëkooytyë jam të'ëts'itjotm.

Ezequiel 20:22

je'eyëp ko mëkës ojts nmä'kxtuky, këtiipës ja nxëëw nyipäxëtëkëty ma ja naax kajpnëtyën mëti'ipë y'ijxtën wi'ixës ënety ja Israel kajpn të nyajpëtsëmyën jap Egiptë.

Daniel 9:18

Wintsën, mëtoow'it; ets ni'ijkëtaktëk ëëtsëty ma o'ktëy njatës nkëpätës ets wi'ix o'ktëy jyäty kyëpetyën yë mnaax mkajpn ma yaja'amyetsyën yë mxëëw. Ëëtsëty yë'ëkyëjxm mijts nmëmëtya'aktë mëët ko xymyëët'aty ja pa'ëyo'owën najts'ëyo'owën ets ka'ap yë'ëkyëjxmëty koos xypyaat xynyitëkëtë ets miits nmëkajpxtëty.

Daniel 9:9

E mijts Wintsën, mëti'ipës n'ëwtajtëpën, mijts tam xymyëëtëty yë poky nyimä'kxën ets pa'ëyo'owën najts ëyo'owën. Ëëtsëty wa'atsës nijawëtë ko tëë njanty kyäjpxykyumëtoownaxtë

Malaquías 3:6

Ëjts Wintsën, ka'apës nyajtëkatsy yë njot nwinma'any, paaty miitsëty Jacob yë y'u'unk y'ok ka'ap m'atëkoytyë.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

1 Samuel 12:22

Jä'ä ko yë Wintsën mëti'ipë ënety m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.