Nehemías 9:16 - Biblia Dc en Mixe de Quetzaltepec

¹⁶ Je'eyëp koos ja n'apëty n'okëty amëj akëjxm ja ojts nyäyajnajxënëtë ets ja juun ja jyot wyinma'any tpëjktaktë, ja m'ënä'ämën mtëyajtën ka'ap ninu'un tmëjpëjktaktë.

Biblia Mixe de Quetzaltepec

¹⁶ Je'eyëp koos ja n'apëty n'okëty amëj akëjxm ja ojts nyäyajnajxënëtë ets ja juun ja jyot wyinma'any tpëjktaktë, ja m'ënä'ämën mtëyajtën ka'ap ninu'un tmëjpëjktaktë.

Nehemías 9:16 ပူးပေါင်းရင်းမြစ်များ

2 Reyes 17:14

E yë'ëjëty ninu'un ojts kyaja'akyukëtë, ni'ikyë ja jyot wyinma'any juun tpëjkta'aktë timjëtu'un tä ja y'ap y'okëtyën ets ka'ap ja Wintsën ojts t'ëktuk'ijxpäjnëtë;

2 Crónicas 29:6

Jä'ä ko ja n'ap'ajt nteety'ajtëmë ka'ap ja Wintsën tmëj'ijxtë, ëxëëkëty winë tuuntë ma Wintsënën ets ojts tpuwa'ktutnëtë. Ka'ap ojts ja Wintsën t'ëktuk'ijxpäjnëtë, wiinktsow ja jyot wyinma'any ojts tpëjktaknëtë, tääts jëtu'un ja jyëën tyëjk tukwa'ats t'ëxmajtsnëtë.

2 Crónicas 30:8

Këtii mëpaat jëtu'un mjatë mkëpätë; xajë'ëktë ja mkë'ëjëty ets ëwtatë ja'amyätstë ja mWintsënëty; yaj'oyëtë ja mjot mwinma'anyëty, mintë ma ja tsyajptëjkën, mëti'ipë të tkënu'kxyën winë xëëw. Mëtuntë ja Wintsën ets ka'ap mtukjoot'anpëkëtëty.

2 Crónicas 36:13

Ënet ojts tmëtsiptsoony ja yajkutujkpë Nabucodonosor, mëti'ipë ënety të tyuknikäjpxyën mëët ja Wintsën xyëëwkyëjxm ko tu'ukyë nyäyaj'ita'anëtë ets tu'ukyë ja winma'any tmëët'ata'any ko ka'ap tnijootwinpita'any ja Wintsën, mëti'ipë ja Israel ja'ayëty Tyios'ajtëpën.

Nehemías 9:10

Mëjwiin këjää ojts ja mëj'ajtën xyaj'ixyë ets mëjwiin këjää winë xytyuuny ma ja yajkutujkpë ënety yajkutukyën, wa'ats t'ijxtaay tnija'awëtyääytyë ja tyuunpëtëjkëty ets ja wyintsëntëjkëty mëët ko ënety janty amëj akëjxm tyimnäyajnaxyë ets ko ënety o'ktëy ja Israel ja'ay timtyuny timy'ënëëmë. Jëtu'un'äämpy ja'ay mpëjktakë ijtëpën oy tyimmaajëty.

Nehemías 9:29

Mjanajts'ë'ëw mjanaskajpxëp ijty ets tpatuntëty ja m'ënä'äm mtëyajtën; e yë'ëjëty ijtëpën ja nyäyajnaxëtë paaty ja ka'ap timmyëmay timyëtajtë mijts ja m'ënä'ämën; këtii ijty mëj timjyawëtë ja m'aaw m'ayuk mëti'ipë juukyajtën yäjkpyën ma ja'ayëty mëti'ipë pyatuumpyën ja m'ënä'ämën; je'eyë xëmë kyäjpxykyumëtoownajxtë ets juun ja jyot wyinma'any tpëjktaktë.

Salmos 106:6

Tëës näjyëtu'un npoky tyuntë tääjës ja nteety n'apëtyës; tëës ja njot nwinma'any kyëxtëkoytyë, ets ja ëxëëkpë të ntuntës.

Salmos 81:8

Mëtoow'itë ënät miitsëty mëti'ipës nnaax'ajtyp nkajpn'ajtypyën, mëti'ipë yam ntuk'ëwaanëjantëpën; jääpëkës jeexyë xy'ëkjantymyëmëtoy, mijts Israel ja'ay.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Éxodo 32:9

Ënet yë Dios t'ënëmaay yë Moisés: Tëës tyam yajxon n'ixy ko tääpë ja'ayëty ka'ap ninu'un kyäjpxyjä'äykyukëtë.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Isaías 48:18

Tëë jeexyë xyjyä'äkyukë mëti'ipë të ntuk'ëne'emyën. Tam jeexyë wyimpäjt'ëtë'ëtsy ja mjuukyajtën, ets ni'ikyë jeexyë jotkujk myajpatnë,

Isaías 48:4

Ëjts nija'apës ënety wa'ats ko mijts nijënu'un mkakäjpxyjyä'äkyukë, tsip ets myajkajpxwijëty, jëtu'un ja mjot mwinma'any tä tsaajën tä pujxnën, ka'ap nijënu'un tii nyäkjyätyë.

Isaías 63:10

E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

Jeremias 19:15

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Nkäxäämpyës ja tëytyu'unën mëti'ipës të nnikäjpxyën ma ya'atë naax kajpnën ets ma tëkokyë yë wiinkëtypë naax kajpnën mëti'ipë mëët nyämyëwinkon'atyën ya'atë kajpn, jä'ä ko tëë kyujuun'ooktë ets ka'apës të xymyëmëtowtë.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Jeremias 7:26

E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Ezequiel 5:6

E yë'ë je'eyë ja n'ënä'ämënës tkäjpxykyumëtoownajxnë ets o'ktëy ni'ik të y'ëtëtsnë këtiinëm jyëtu'un'atë ja kajpn mëti'ipë mëët nyätyu'kmëtsëpa'an'atëtën, jä'ä ko ka'ap ja n'ënä'ämënës ntëyajtënës tmëmëtowtë ets ka'ap tpatuntë ja n'aaw n'ayukës.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

Deuteronomio 31:27

Jä'ä ko wa'atsës nijawë ko miitsëty je'eyë mkäjpxykyumëtoownaxtë, ninu'un mka'ëëwmëtow mkakäjpxymyëtowtë, maas tyam njaakjuuky'ätyën ma miitsëtyën tëë xykyäjpxy kumëtoownaxtës, ¿wi'ixjaty jëtää m'ëtë'ëtsa'antë koos ënety të n'o'knë?

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Deuteronomio 9:13

Täätsës ojts näjyëtu'un xy'ënëëmë: Tëës nijawë ko ya'atë naax kajpn ninu'un kyakäjpxyjyä'äkyukëtë.

Deuteronomio 9:27

Ja'amyäts ja mtuunpëtëjk mëti'ipë oy mëtuunën, tä yë Abraham, Isaac ets Jacob. Tun yë mëyajtën këtii ya'atë naax kajpn yë kyujuun'ajtën xymyëjpëjktakë ets nyëë pyoky.

Deuteronomio 9:6

Yë'ë mnijawëtëp ko tääpë naaxwiinyëtë mëti'ipë tyam yë Wintsën mooyëtëpën ka'ap nyäkyumayëty mëti'ipë miits mpatëtëpën. Jä'ä ko miitsëty jä'ä të mnäpyëjkta'akëtë kujuun, ka'ap tsojk mkäjpxyjyä'äkyukëtë.

Hebreos 3:13

Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Dios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

Hebreos 3:15

Ijxtëm y'ënä'änyën: Pën mmëtoowtëp tyam ja Dios ja y'aaw y'ayuk, këtii ja mjot mwinma'any juun xypyëjkta'aktëty ijxtëm y'ëtëtstën ja m'aptëjkëty ko ja Dios tukjoot'anpëjktë.