Nehemías 8:3 - Biblia Dc en Mixe de Quetzaltepec

³ jopyëp tyajtso'ontäky tukwinkukajpxë ja ja'ay ya'atë ja noky ets jëtu'un tyimkujky xyëëwëy, jam tëjk'ëkë'ëm ma ja nëë nyikoompetyën. Tu'kë'ëyë ja mayjyä'äy je'eyë amonyë myäy'itë jä'ä myëtoow'ijtëp wi'ix ja tëyajtën jam yajkäjpxyën.

Biblia Mixe de Quetzaltepec

³ jopyëp tyajtso'ontäky tukwinkukajpxë ja ja'ay ya'atë ja noky ets jëtu'un tyimkujky xyëëwëy, jam tëjk'ëkë'ëm ma ja nëë nyikoompetyën. Tu'kë'ëyë ja mayjyä'äy je'eyë amonyë myäy'itë jä'ä myëtoow'ijtëp wi'ix ja tëyajtën jam yajkäjpxyën.

Nehemías 8:3 ပူးပေါင်းရင်းမြစ်များ

Apocalipsis 3:22

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk.

Apocalipsis 2:29

Pën ja tyatsk tyukmëtoopyën, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk.

1 Tesalonicenses 2:13

Paatykyëjxmës xëmë ja Dios nkukajpxëtë, jä'ä ko miits xymyëtowtë ja Dios ja y'aaw y'ayuk mëti'ipës nkajpxwa'kxtën. Jëtu'un ojts xy'ëxajëtë tä Dios yë'ë t'aaw t'ayukëtyën ets ka'ap jyëtu'unëty tä jeexyë nyaaxwiinyëtë ja'ay t'ayukëtyën. E mëtëy jëtu'un, Dios jyänty ayuk'ajtyp, ets jam wyinkëxë'ëky ma miitsëtyën ko mmëpëktë.

Hechos 28:23

Ënet tkäjpxy'ajtë jëna'a jatëkok ye'eymyuka'antë. Ko tpaty ja xëëw ets ja ja'ay nimay ye'eymyujktë ma ja Pablo ënety të jyajtä'äkyën. Ënet ja Pablo tyëjkëy mëtyakpë, jëtu'un kyutsu'ujëy, tuk'ëwaanë ja ja'ay wi'ix ja Dios ja kyutujkën. Jä'ä tyukmëmëtyak ja Moisés ja y'ënä'ämën ets wi'ix ja Dios ja kyäjpxynyajxpë y'ëna'antën, jëtu'un ojts tjatukmëpëka'any ko Jesús yë'ë jëtu'un Kristë.

Hechos 17:11

Ja Jutiis ja'ayëty mëti'ipë jamëtyën Berea, oy ja winma'any tyajkëxë'ktë këtiinëm jyëtu'un'atë ja ja'ayëty mëti'ipë jamën Tesalónica. Ojts t'ëxajëtë ja Pablo, ets tmëtoow'ijtë ja oy aaw oy ayuk. Jëpom jëpom ja Dios ja y'aaw y'ayuk ijty t'ixpëjkëtë ets nijawëja'antë pën janty tëy mëti'ipë yajtukmëmëtyaktëpën.

Hechos 16:14

Tam ënety tu'uk ja to'oxytyëjk mëti'ipë xyëëwajtypyën Lidia, Tiatira kyukajpnëty, wit to'kp, aakjä'ä ijty tyo'kpy ja tsu'unk wit. Ya'atë to'oxytyëjk wyintsë'këp ijty ja Dios. Wintsën ojts winma'any myo'oyë ets tja'akyukëty wi'ix ja Pablo y'ënä'änyën.

Hechos 15:21

Jä'ä ko tëëyëp jëtu'un tsyo'ontä'äky ets tyampaat tää kajpn kajpn yajpaaty mëti'ipë ja ja'ay tyuk'ijxpëjktëpën ja myëku'uk, ja Moisés ja y'ënä'ämën mëti'ipë yajnimëtyakpën winpo'kxënxëëw jap tsajptëkoty.

Hechos 13:27

Mëti'ipë ënety jam tsënaaytyëpën Jerusalén mëët ja kyutuunkëty ka'ap tmëj'ijxtë ja Jesús ets ka'ap tja'akyujkëtyë mëti'ipë ja käjpxynyajxpëtëjk ojts tnimëtya'aktën, mëti'ipë xëmë yajnikajpxpën jap tsajptëkoty winpo'kxënxëëw.

Hechos 13:15

Ko tkajpxtaaytyë ja Moisés ets ja käjpxnyajxpëtë ja y'ënä'ämën, ënät ja tsajptëkotyëtë wintsënëty t'ënëmaaytyë ja Pablo ets ja Bernabé: Mëku'uktëjkëty, pën jam tii xynyikajpxa'antë, oy tyam yë ja'ay xytyuk'ëwaanëtëty.

Lucas 19:48

Ka'ap wyinma'anypyatë wi'ix tuntëtyën, jä'ä ko ja mayjyä'äy oy tmëtowtë wi'ix ja Jesús yaj'ijxpëkyën.

Lucas 8:18

Mëtowtë yajxon. Pën may tii myëët'ajtyp, wäänëni'ik jyaak timyajmo'oja'any; pën yiin wäänë tii myëët'ajtyp, yajpëjkëjaanp tu'kë'ëyë mëti'ipë ënety jyamëët'ajtypyën.

Marcos 12:37

¿Wi'ix yë Mesías teety'at t'ap'atëty yë David, pën yë David jëtu'un yë Mesías tijy Wintsën? Ja mayjyä'äy je'eyë tmëtoow'itë ja Jesús akujk jotkujk.

Hechos 20:11

Ënet ja Pablo jatëkok pyejty jap tëjkkëjxy. Japts ja tsajpkääky ojts tujkwä'kxy ets tkaaytyë. Wäänë ojts jyaak käjpxy ets xyiinyëy ets tsyo'onë.

Hechos 20:7

Sëmaan'ëjxy ojts nye'eymyuktës ets ja tsajpkääky yajkayä'äny ijxtëm ja Wintsën Jesús tnajtstu'unëyën. Tu'ktsu'um ojts ja Pablo yaj'ixpëky, jä'ä ko ënety tsyoona'any komjëpom.

Nehemías 8:1

Ënet ja ja'ay ye'eymyujktaaytyë jam tëjk'ëkë'ëm ma ja tëjk'aaw yajpaatyën ma nëë nyikoompetyën ets t'ënëmaaytyë ja yaj'ijxpëjkpë Esdras ets tmëminëty ja noky ma myinyën këxja'ay ja ënä'ämën kutujkënën mëti'ipë ja Moisés jyääyën, mëti'ipë ja Wintsën tyukniyajkëyën ja Israel ja'ayëty.

Nehemías 8:4

Ja yaj'ijxpëjkpë Esdras jam ojts kyuwa'akë ma tu'uk kepyën tënaaypyäjn, mëti'ipë yë'ë të tyimyajtuktsätsën. Tam ënety näjyëtu'un pya'atänëty a'oytsyow yë Matatías, Semá, Anías, Urías, Hilquías ets yu Maaseías. Tam ënety näjyëtu'un pya'atänëty y'anajny'äämpy yë Pedaías, Misael, Malquías, Hasum, Hasbadana, Zacarías ets Mesulam.

Nehemías 8:5

Ënet ja Esdras ojts ja noky tkëëywyä'kxy, jam këjxm kyuwa'këy tam ja mayjyä'äy t'ixtë; ets ja ja'ay wya'akë'ktaaytyë.

Deuteronomio 31:9

Ënet yë Moisés tjaaypyejty ya'atë ënä'ämën ets tukë'ëtëjkëy yë Leví ja'ayëty mëti'ipë teety'ajtëpën jä'ä xëëw jëmëjt, mëti'ipë kyiiyjyëtijtëpën ja kaaxë, ma ja käjpxytyu'unën yajpaatyën mëët ja Wintsën ets näjyëtu'un tukë'ëtëjkëy ja mëjja'aytyëjkëty jampë yajpaatën ma ja Israel kajpnën.

Josue 8:35

Josué wa'ats tkajpxtaay ja aaw ayuk ma ja naax kajpnën mëti'ipë ënety ja Moisés të tyajwë'ëmyën ma ja Israel ja'ayëtyën, ja ja'ayëty ojts tmëtoowta'atë wä'än mëjja'ay mutskja'ayëty ets wä'än jaaypyaat jaaypyo'kxyëty.

Nehemías 8:18

Wëxtujk xëëw xyëëwtuuntë; tyajtso'ontaktë mëtu'kxëëw ets tyajëjpkëjxtë ma wyëxtujk xëëwpetyën, winjëpom ja Esdras ijty ja ja'ay tukwinkukajpxë ja ënä'ämën tëyajtën mëti'ipë Wintsën jyä'ä'ajtypyën; kom tuktujk xëëw jää ojts ye'eymyujkta'atë ja ja'ayëty ets tu'uk ja mëj xëëw tyaj'apatëtyë jëtu'un tä ënety tyu'unën'atyën.

Nehemías 10:29

ojts tyu'ukmujkta'atë jënu'un ënety tyu'ukjëëky'at tyu'ukmëku'uk'atën mëët ja kyopktëjkëty ets ojts tnikajpxtë ko tpatuna'antë ja Wintsën ja y'ënä'ämën tyiyajtën mëti'ipë yajwë'ëmën mëët ja Moisés, ets ko tpatuna'antë ja ënä'ämën tëyajtën, ja winma'any ets ja y'aaw y'ayuk ja Wintsën.

Nehemías 13:1

Jä'ä xëëw ojts yajkäjpxy ma ja mayjyä'äyën ja Moisés ja nyoky, jam yaj'ijxpaty ko yë Amón ja'ayëty ets Moab ja'ayëty ka'ap mëpaat tsyënaaymyuktë mëët yë nTios'ajtëmë yë nyaax kyajpnëty.